రాష్ట్రీయం
మరీ ఇంత నీచమా?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 18: ప్రతిపక్షాలు చౌకబారు రాజకీయాలకు పాల్పడటం చూసాం కానీ మరీ చీరలను తగులబెట్టేంత కుసంస్కారానికి దిగజారి నీచ, నికృష్ట రాజకీయాలకు వడిగట్టడం దారుణమని చేనేతశాఖ మంత్రి కె తారకరామారావు తీవ్ర ఆగ్రహం వ్యక్తం చేశారు. ఒకే రోజు 10 వేల కేంద్రాలలో 25 లక్షల చీరల పంపిణీ జరిగితే, నాలుగైదు చోట్ల ఇతరుల ప్రోద్భలంతో చీరలు కాల్చితే ఏదో జరిగిపోయినట్టు విపక్షాలు రాద్ధాంతం చేస్తున్నాయని మంత్రి మండిపడ్డారు. రాష్టవ్య్రాప్తంగా సోమవారం ప్రారంభమైన బతుకమ్మ చీరల పంపిణీలో చీరలు నాసిరకంగా ఉన్నాయని అక్కడక్కడ జరిగిన నిరసనలపై మంత్రి తీవ్రంగా స్పందించారు. సచివాలయంలో చేనేతశాఖ అధికారులతో కలిసి మంత్రి కెటిఆర్ మీడియాతో మాట్లాడుతూ నేత కార్మికులకు ఉపాధి కల్పించడం, బతుకమ్మ పండుగ సందర్భంగా మహిళలకు కానుకగా చీరలు ఇవ్వాలన్న సద్దుదేశాన్ని కూడా రాద్ధాంతం చేస్తామంటే ఈ సన్నాసులను ఏమనాలని నిప్పులు చెరిగారు. ప్రభుత్వం ఎంత మంచి పని చేసినా ఓర్చుకోలేని దుస్థితికి ప్రతిపక్ష పార్టీలు దిగజారని అన్నారు. బతుకమ్మ పండుగ కానుకగా ఆడపడుచులకు చీరలు ఇవ్వాలని ముఖ్యమంత్రి కెసిఆర్ మంచి ఆలోచన చేస్తే కాంగ్రెస్, టిడిపిలు కడుపుమంటతో ప్రభుత్వంపై బట్టకాల్చి మీద వేయడానికి ప్రయత్నిస్తున్నాయని మంత్రి దుయ్యబట్టారు. రాష్టవ్య్రాప్తంగా కేవలం నాలుగు, ఐదు చోట్ల చీరలు నాసిరకంగా ఉన్నాయని జరిగిన ఘటనల వెనుక ప్రతిపక్షాల కుట్ర ఉందన్నారు. వారం రోజుల కిందటనే చీరలు నాసిరకంగా ఉన్నాయంటూ సోషళ్ మీడియాలో కథనాలు రావడం వెనుక విపక్షాల కుట్ర ఉందన్నారు. బతుకమ్మ నుంచి ఒక పూవ్వు కూడా కిందపడనీయని ఆడపడుచులు చీరలను తగులబెడుతారా? అని మంత్రి ప్రశ్నించారు. చీర ఇష్టం లేకపోతే తీసుకోకపోవచ్చు, తీసుకున్నా నచ్చకపోతే పని మనిషికి ఇస్తారు, లేకపోతే పక్కన బెడుతారు కానీ ఎవరు కాల్చి వేయరన్నారు. జగిత్యాల, ఖమ్మం జిల్లాల్లోనే ఈ సంఘటనలు జరిగాయంటే వీటి వెనుక ఎవరున్నారో ఇట్టే అర్థమైపోతుందన్నారు. రాష్టవ్య్రాప్తంగా 10 వేల కేంద్రాలలో చీరల పంపిణీ జరిగితే అందులో కేవలం ఐదారు కేంద్రాలలో జరిగిన వాటినే మీడియా హైలెట్ చేయడం తగదని మంత్రి హితవు పలికారు. చీరల నాణ్యతలో ఎక్కడా రాజీపడలేదని, అధికారులు జాగ్రత్తగా ఒకటికి రెండుసార్లు పరిశీలించి, ఎలాంటి అవకతవకలకు ఆస్కారం లేకుండా ఎంతో కష్టపడి చేసిన మంచి పనిని ప్రశంసించకపోగా బురదజల్లడం ఎవరికీ మంచి కాదని మంత్రి ఆవేదన వ్యక్తం చేశారు. ఎక్కడైనా లోటు పాట్లు జరిగితే ప్రభుత్వం దృష్టికి తీసుకురావాలన్నారు. చేనేతశాఖ ముఖ్య కార్యదర్శి శైలజా రామయ్యార్ మాట్లాడుతూ, చీరల నాణ్యతలో ఎలాంటి లోపం లేదన్నారు. సూరత్ నుంచి కొనుగోలు చేసిన చీరలను కూడా టెండర్ల ద్వారా సేకరించామన్నారు. ఇలా ఉండగా బతుకమ్మ చీరలు నాసిరకంగా ఉన్నాయని, నేత చీరలని చెప్పి సూరత్ నుంచి కిలోల లెక్కన కొని పంచారని పలుచోట్ల మహిళలు నిరసనలకు దిగారు. చీరలు తీసుకోవడానికి ఒక రోజు కూలి మానేసామని, అయితే కూలి డబ్బుల కంటే చీరలు చౌకగా ఉన్నాయని నిరసనకారులు ఆరోపించారు. చీరలు నాసిరకంగా ఉన్నాయని అక్కడక్కడ వాటిని తగులబెట్టిన సంఘటనలు పూర్వ కరీంనగర్, ఖమ్మం, నల్లగొండ, వరంగల్ జిల్లాల్లోనే చోటు చేసుకోవడం, పైగా ఇవీ విపక్షాలకు చెందిన ప్రజాప్రతినిధుల నియోజకవర్గాలు కావడం విశేషం.
చిత్రం..సిరిసిల్ల సెగ్మెంట్‌లోని ముస్తాబాద్‌లో బతుకమ్మ చీరలను పంపిణీ చేస్తున్న మంత్రి కెటిఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.