రాష్ట్రీయం
2 నుండి నిజామాబాద్ -తిరుపతి సూపర్‌ఫాస్ట్ రైలు
S ,7 à 8 RSCA (si SASPAS) et 6 cialis pharmacie cialis rapports de stage.
కంఠేశ్వర్ (నిజామాబాద్), అక్టోబర్ 24: నిజామాబాద్ నుండి తిరుపతి మధ్య నవంబర్ 2వ తేదీ నుండి రాయలసీమ సూపర్‌ఫాస్ట్ ఎక్స్‌ప్రెస్ రైలు పరుగులు పెట్టనుంది. ఈ రైలు ప్రయాణికులకు అందుబాటులోకి రాగానే నిజామాబాద్ నుండి తిరుపతి వెళ్లేందుకు కేవలం 16 గంటల 10 నిమిషాల వ్యవధి మాత్రమే పడుతుంది. నిజామాబాద్, కామారెడ్డి జిల్లాల నుండి అనునిత్యం సుమారు 200 మంది వరకు భక్తులు తిరుపతి వెళ్తుంటారు. నిజామాబాద్ నుండి తిరుపతి వెళ్లాలంటే ఆర్టీసీ, ప్రైవేటు అద్దె బస్సులతో పాటు పలు రైళ్లు అందుబాటులో ఉండగా, మెజార్టీ భక్తులు సౌకర్యవంతంగా ఉంటుందనే భావనతో రైలు ప్రయాణానికే మొగ్గుచూపుతారు. నిజామాబాద్ నుండి తిరుపతి వెళ్లేందుకు కృష్ణా ఎక్స్‌ప్రెస్‌తో పాటు మరో వారాంతపు రైలు నిజామాబాద్ మీదుగా రాకపోకలు సాగిస్తున్నప్పటికీ, వీటిలో రద్దీ ఎక్కువగా ఉండడం, రిజర్వేషన్లలో టికెట్లు లభించకపోవడంతో ప్రయాణికులు నానా ఇబ్బందులు ఎదుర్కొంటున్నారు. అయితే నిజామాబాద్ నుండి తిరుపతి వరకు ప్రత్యేక రైలును నడిపించాలని భక్తులు గత కొంతకాలంగా రైల్వే అధికారులను కోరుతూ వస్తున్నారు. ప్రయాణికుల అభ్యర్థనలను, స్థానికంగా నెలకొని ఉన్న రద్దీని గుర్తించిన దక్షిణ మధ్య రైల్వే అధికారులు ఎట్టకేలకు ఈ మార్గంలో కొత్త రైలు సర్వీసును ప్రవేశపెట్టేందుకు సంసిద్ధత కనబర్చారు. నవంబర్ 2వ తేదీ నుండి నిజామాబాద్ - తిరుపతి మధ్యన రాయలసీమ సూపర్‌ఫాస్ట్ ఎక్స్‌ప్రెస్‌ను నడిపేందుకు అధికారులు అంగీకరించారని నిజామాబాద్ రైల్వే స్టేషన్ మాస్టార్ బబ్లూమీనా తెలిపారు. ఈ రైలు ప్రారంభమైతే నిజామాబాద్, కరీంనగర్, ఆదిలాబాద్ జిల్లాల ప్రయాణికులకు ఎంతో ఉపయోగకరంగా ఉంటుంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.