రాష్ట్రీయం
విస్తరించిన ఈశాన్య రుతుపవనాలు
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, అక్టోబర్ 28: నైరుతి రుతుపవనాలు వేగంగా వెనక్కు తగ్గడంతో ఈశాన్య రుతుపవనాలు ఏపి, తమిళనాడులోకి చొచ్చుకు వస్తున్నాయి. ఈనెల 24న ఒడిశాలోని కొరాపుట్‌లో ప్రవేశించిన ఈశాన్య రుతుపవనాలు, 27 నాటికి ఉత్తరాంధ్ర జిల్లాల్లో పూర్తిగా విస్తరించినట్టు ఆంధ్రా యూనివర్శిటీ ఓష్ణోగ్రఫీ విశ్రాంత ఆచార్యులు భానుకుమార్ తెలియచేశారు. ఈ రుతుపవనాలు రెండు, మూడు రోజుల్లో రాయలసీమలో, నవంబర్ మొదటివారంలో తమిళనాడులో విస్తరిస్తాయని ఆయన చెప్పారు. నైరుతి రుతుపవనాలు నిష్క్రమణ, ఈశాన్య రుతుపవనాల ఆగమనం జరుగుతున్న ఈ సమయంలో వాతావరణం పొడిగా ఉంటుంది. అక్కడక్కడ చిన్నపాటి జల్లులు మాత్రమే కురుస్తాయని అన్నారు. అయితే, ఒక వారం రోజుల్లో బంగాళాఖాతంలో అల్పపీడనం ఏర్పడే అవకాశం ఉందని, ఇది తుపానుగా మారేందుకు వాతావరణ పరిస్థితులు కనిపిస్తున్నాయని ఆయన తెలియచేశారు. అలాగే, నవంబర్‌లో రెండు, మూడు తుపాన్లు ఆంధ్ర తీరాన్ని తాకే అవకాశం ఉందని భానుకుమార్ వెల్లడించారు. ఇది ఇలాఉండగా గత ఏడాది రాష్ట్రంలో చలి ఎక్కువగా ఉంది. అయితే, ఈసంవత్సరం సామాన్యంగా ఉంటుందని భానుకుమార్ చెప్పారు. కాగా, ఈ సంవత్సరం ఈశాన్య రుతుపవనాల ప్రభావం వలన రాయలసీమలో మంచి వర్షాలు కురిసే అవకాశం ఉంది. నైరుతి రుతుపవనాల వలన రాయలసీమలో 28 శాతం అధిక వర్షం కురిసిందని, ఈశాన్య రుతుపవనాల ప్రభావం వలన కూడా రాయలసీమకు మేలు జరుగుతుందని భానుకుమార్ తెలియచేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.