రాష్ట్రీయం
సంకల్పానికి తొలి ఝలక్!
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, నవంబర్ 4: వచ్చే ఎన్నికల్లో అధికారం చేపట్టాలన్న లక్ష్యంతో రేపటి నుంచి పాదయాత్ర చేపట్టనున్న వైసీపీ అధినేత జగన్ సంకల్పానికి తొలి ఎదురుదెబ్బ తగిలింది. జగన్ తిరుమలకు వెళ్లి సంకల్పయాత్ర విజయవంతం చేయాలని మొక్కుకున్న రోజునే, ఆ పార్టీ నాయకత్వానికి సెంటిమెంటుపరమైన శరాఘాతం తగిలింది. ఆ పార్టీకి చెందిన
తూర్పు గోదావరి జిల్లా రంపచోడవరం ఎమ్మెల్యే రాజేశ్వరి శనివారం టిడిపిలో చేరడం జగన్‌కు షాక్‌నిచ్చింది.
శనివారం ఉదయం టిడిపి అధినేత, సీఎం చంద్రబాబు నాయుడు నివాసానికి వెళ్లిన వైసీపీ ఎమ్మెల్యే రాజేశ్వరి పార్టీలో చేరుతున్నట్లు ప్రకటించారు. ఈ పరిణామం వైసీపీ శ్రేణులు సెంటిమెంటుపరంగా, మానసికంగా ఎదురుదెబ్బగానే భావిస్తున్నారు. ఆరునెలల పాటు పాదయాత్ర చేయాలన్న సంకల్పంతో తొలి అడుగు వేసిన జగన్‌కు, తన పార్టీ ఎమ్మెల్యే అదేరోజు రాజీనామా చేయడం అపశకునంగానే అభివర్ణిస్తున్నారు. తన సంకల్పయాత్రకు దైవసంకల్పం కోరిన రోజునే, ఇలాంటి పరిణామం చోటుచేసుకోవడాన్ని జీర్ణించుకోలేకపోతున్నారు.
నిజానికి ఆమె పార్టీ మారేందుకు చాలాకాలం నుంచీ మానసికంగా సిద్ధంగా ఉన్న విషయం జిల్లా నేతలు జగన్‌కు సమాచారం ఇచ్చినా, ఆయన పట్టించుకోలేదని పార్టీ నేతలు చెబుతున్నారు. ఏడుగురు ఎమ్మెల్యేలు వివిధ కారణాలతో వెళ్లిపోయేందుకు సిద్ధంగా ఉన్నారని ఆయా జిల్లాల నేతలు జగన్‌కు చెప్పినా, వెళ్లేవారిని వెళ్లనీయండని తేలిగ్గా కొట్టిపారేశారో తప్ప, వారిని పిలిచి బుజ్జగించి తగిన హామీ ఇచ్చే కనీస ప్రయత్నం చేయడం లేదని నేతలు వివరిస్తున్నారు. పాదయాత్ర ప్రాధాన్యతను తగ్గించేందుకు ప్రభుత్వం ప్రయత్నిస్తుందన్న విషయం తెలిసినా, ఆ మేరకు చర్యలు తీసుకోనందుకే ఈ పరిణామాలు చోటు చేసుకుంటున్నాయని విశే్లషిస్తున్నారు.
కాగా, జగన్ పాదయాత్రకు విశేష ప్రాచుర్యం, దానిద్వారా శ్రేణుల్లో ఉత్సాహం పెరిగే అవకాశం ఉన్నందున, దానిని నీరుగార్చే వ్యూహంలో భాగంగా టిడిపి వేసిన ఎత్తుగడ ఫలించినట్లయింది. తమతో టచ్‌లో ఉన్న ఏడుగురు ఎమ్మెల్యేలను జగన్ పాదయాత్ర ముగిసేలోగా, విడతల వారీగా టిడిపిలో చేర్చుకుని ఫిరాయింపుపర్వానికి తెరదించే ప్రణాళికకు పదునుపెట్టింది. నిజానికి రాజేశ్వరిని, జగన్ పాదయాత్ర రోజున పార్టీలో చేర్చుకుంటే బాగుంటుందనే యోచన ఉంది. అయితే, బాబు సొంత జిల్లా లోని తిరుమల నుంచి శంఖారావం పూరిస్తున్నందున.. అదేరోజు ఆమెను పార్టీలోకి చేర్చుకోవడం ద్వారా జగన్‌ను సెంటిమెంటు, మానసికంగా దెబ్బతీయాలన్న వ్యూహంతోనే ఆమెను శనివారం పార్టీలో చేర్చుకున్నట్లు టిడిపి వర్గాలు చెబుతున్నాయి.
చిత్రం..వైకాపా ఎమ్మెల్యే రాజేశ్వరిని తెదేపాలోకి ఆహ్వానిస్తున్న చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.