రాష్ట్రీయం
వెనక్కి తగ్గం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 4: తెలంగాణలో ముస్లింలకు విద్య, ఉద్యోగ రంగాల్లో రిజర్వేషన్లు పెంచి తీరుతామని, ఈ అంశంపై అసెంబ్లీ తీర్మానం చేసి కేంద్రం ఆమోదం నిమిత్తం పంపామని ముఖ్యమంత్రి కె చంద్రశేఖరరావు అన్నారు. ఈ విషయమై ప్రధానమంత్రి నరేంద్రమోదీని కలిసి నివేదించామన్నారు. శనివారం ఆయన శంషాబాద్‌లో జరిగిన అఖిల భారత ముస్లిం విద్యాసొసైటీ సమావేశానికి పంపిన సందేశంలో పై విధంగా అన్నారు. ముఖ్యమంత్రి కెసిఆర్ పంపిన మూడు పేజీల సందేశాన్ని మైనార్టీ సంక్షేమ శాఖ సలహాదారు ఎకె ఖాన్ సభలో చదివి వినిపించారు. ముస్లింల జీవన స్ధితి గతులు బాధాకరంగా ఉన్నాయని, వెనకబాటుతనం నుంచి విముక్తి కల్పించేందుకు అనేక సంక్షేమ పథకాలను అమలు చేస్తున్నామన్నారు. మైనార్టీల సంక్షేమానికి రాష్ట్రప్రభుత్వం బడ్జెట్‌లో రూ.1250కోట్ల నిధులు కేటాయించామన్నారు. రాష్ట్రంలో 206 మైనార్టీ గురుకుల పాఠశాలలు నెలకొల్పామన్నారు. ఈ పాఠశాలల్లో 50 వేల మంది విద్యార్ధులు చేరారన్నారు. ప్రతి విద్యార్థికి సాలీనా రూ.65 వేలు ఖర్చుపెడుతున్నామన్నారు. ఐదు ఎకరాల స్ధలంలో 20 కోట్ల రూపాయల వ్యయంతోవౌలిక సదుపాయాలు కల్పిస్తున్నామన్నారు. మొత్తం పాఠశాలల్లో 50 శాతం బాలికలకు కేటాయించామన్నారు. సాలీనా 1.35 లక్షల మంది బాలబాలికలకు ఉన్నత ప్రమాణాలతో కూడిన విద్యను అందిస్తామన్నారు. ఎస్సీ, ఎస్టీ, బిసిలతో
సమానంగా ఫీజు రీఎంబర్స్‌మెంట్‌ను అమలు చేస్తున్నామని, దీనికి బడ్జెట్‌లో రూ.200 కోట్లు కేటాయించామన్నారు. విదేశీ విద్య అభ్యసించేందుకు వెళ్లే ప్రతి విద్యార్థికి రూ.20 లక్షలు ఇస్తామన్నారు. బడ్జెట్‌లో ఈ నిధి కింద రూ.40 కోట్లు కేటాయించామన్నారు. సివిల్ సర్వీసు పరీక్షలకు ప్రిపేరయ్యే వంద మందివిద్యార్ధులకు ఉన్నత ప్రమాణాలతో శిక్షణ ఇస్తున్నామన్నారు. షాది ముబారక్ స్కీం కింద ప్రతి ముస్లిం యువతికి వివాహం సమయంలో రూ.75,116 ఇస్తున్నట్లు చెప్పారు. ఈ స్కీం కింద 68,786 మంది యువతులకు ఇంతవరకు రూ. 363.54 కోట్లు కేటాయించామన్నారు. రంజాన్ పండగ సందర్భంగా పేద ముస్లిం కుటుంబాలకు 400 ఎంపిక చేసిన మసీదుల ద్వారా కొత్త దుస్తులను పంపిణీ చేస్తున్నామన్నారు. ఉర్దూ భాషకు ప్రోత్సాహం ఇస్తున్నామన్నారు. ఉత్తమ ఉర్దూ టీచర్లు, ఉత్తమ ఉర్దూ విద్యార్ధులకు అవార్డులు ఇస్తున్నామన్నారు. మసీదుల్లో పనిచేస్తున్న ఇమామ్‌లకు నెలకు పదివేల రూపాయల పారితోషికం ఇస్తున్నామన్నారు. ఉస్మానియా వర్శిటీలో దైరాతుల్ మారిఫ్ ఉస్మానియా భవనాన్ని, అక్కడ ఉన్న విలువైన పుస్తకాల భద్రతకు రూ. 37.71 కోట్ల నిధులు విడుదల చేసినట్లు చెప్పారు. ఈ కార్యక్రమానికి పెద్ద ఎత్తున ముస్లిం విద్యా వేత్తలు హాజరయ్యారు.
చిత్రం..అఖిల భారత ముస్లిం విద్యా సొసైటీ సదస్సులో
ముఖ్యమంత్రి కెసిఆర్ తరపున సందేశాన్ని చదివి వినిపిస్తున్న మైనార్టీ సంక్షేమశాఖ సలహాదారు ఎకె ఖాన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.