రాష్ట్రీయం
పత్తి బరువై.. బతుకు చిత్తయ..
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 5: తెలంగాణ రాష్ట్రంలో పత్తి రైతులు తీవ్రమైన ఒడిదుడుకులు ఎదుర్కొంటున్నారు. ప్రభుత్వం శాస్ర్తియ విధానాన్ని అమలు చేయకపోవడమే ఇందుకు కారణమని నిపుణులు భావిస్తున్నారు. పత్త్ధి ఈ ఏడాది లాభదాయకంగా ఉంటుందని భావించిన రైతులు దాదాపు 48 లక్షల ఎకరాల్లో పంట వేశారు. తీరా పత్తి మార్కెట్లోకి వచ్చే సమయానికి కనీస మద్దతు ధర సరిగ్గా లభించక నానా తంటాలు పడుతున్నారు. ప్రభుత్వం పత్తి కనీస మద్దతు ధరను 4320 రూపాయలుగా ప్రకటించగా, మార్కెట్లో పత్త్ధిర క్వింటాల్‌కు 3700 రూపాయల నుండి 3800 మధ్య నడుస్తోంది. నాణ్యమైన పత్తికి మాత్రం అతి కష్టంగా ఎంఎస్‌పిని చెల్లిస్తున్నారు. గత ఏడాది పత్తి క్వింటాల్ ధర 5000 రూపాయలకుపైగా నడిచింది. 2016 ఖరీఫ్ సీజన్‌లో పత్తిపంట వేయవద్దని ప్రభుత్వం ప్రకటించడంతో విస్తీర్ణం బాగా తగ్గింది. గత ఏడాది కేవలం 25 లక్షల ఎకరాల్లోనే పత్తి వేశారు. దాంతో దిగుబడి తగ్గడంతో గత ఏడాది పత్తి ధరలు బాగా పెరిగాయి. ప్రస్తుత సంవత్సరం (2017-18) పత్తిపంట గురించి ప్రభుత్వ పట్టించుకోలేదు. గత ఏడాది పత్తికి మంచి ధర లభించడంతో ఈ ఏడు రైతులు అధికశాతం పత్తివేశారు. పంట విస్తీర్ణం విపరీతంగా పెరగడంతో మార్కెట్ పరిస్థితిలో మార్పు వచ్చింది. ఈ సంవత్సరం మార్కెట్లోకి 28 లక్షల నుండి 30 లక్షల టన్నుల పత్తి వస్తుందని అంచనా వేశారు. దీన్ని కొనుగోలుచేసేందుకు 201 కొనుగోలు కేంద్రాలను కాటన్ కార్పోరేషన్ ఆఫ్ ఇండియా (సిసిఐ) ప్రారంభించింది. రాష్ట్ర ప్రభుత్వం కేవలం 143 పత్తికొనుగోలు కేంద్రాలను ప్రారంభించాలని కేంద్రాన్ని కోరగా, అంతకు మించి కొనుగోలు కేంద్రాలను ఏర్పాటు చేస్తున్నారు. ఆదిలాబాద్, ఖమ్మం, వరంగల్, నల్లగొండ, మహబూబ్‌నగర్ తదితర పాత జిల్లా ప్రాంతాల్లోని
మార్కెట్లలో పత్తికొనుగోలు కేంద్రాలు ఏర్పాటయ్యాయి. తాజా సమాచారం ప్రకారం మార్కెట్లోకి 11 లక్షల క్వింటాళ్ల పత్తి రాగా, 3.60 లక్షల క్వింటాళ్లకు మాత్రమే ఎంఎస్‌పి లభించింది. మిగతా పత్తికి క్వింటాల్‌కు 300 నుండి 500 రూపాయలు తక్కువగా లభిస్తోంది. పూర్తిగా నాణ్యమైన పత్తికి మాత్రం ఆదిలాబాద్, వరంగల్ తదితర ప్రాంతాల్లో 4400 నుండి 4500 మధ్య ధర లభిస్తోంది.
20 లక్షల రైతులకు గుర్తింపు కార్డులు
రాష్ట్రంలోని 20 లక్షల మంది పత్తిరైతులకు మార్కెటింగ్ శాఖ గుర్తింపు కార్డులు జారీ చేసింది. ప్రభుత్వ విధానం ప్రకారం రైతులకు పత్తికి సంబంధించి ధర బ్యాంకు ఖాతాల్లో పడుతోంది. చాలా ప్రాంతాల్లో రైతులు తాము మార్కెట్‌కు తీసుకువస్తున్న పత్తికి సరైన ధర లభించడం లేదన ఆందోళనలకు దిగుతున్నారు. ఈ పరిస్తితిలో ఎలాగైనా రైతులను సంతృప్తిపరిచేందుకు అధికార యంత్రాంగం ప్రయత్నిస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.