రాష్ట్రీయం
ఇక యుద్ధ ‘నగరి’
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, నవంబర్ 6: టీడీపీ అధినేత చంద్రబాబుపై ఒంటికాలితో లేచి విమర్శనాస్త్రాలు సంధిస్తున్న నగరి వైసీపీ ఎమ్మెల్యే, ఫైర్‌బ్రాండ్ రోజాకు టీడీపీ చెక్ పెట్టనుంది. ముల్లును ముల్లుతోనే తీయాలన్న సిద్ధాంతాన్ని అమలుచేస్తూ ఆమెకు పోటీగా మాజీ హీరోయిన్ వాణీ విశ్వనాథ్‌ను తెరపైకి తీసుకొస్తోంది. ఈమేరకు చాలాకాలంగా ప్రయత్నాలు జరుగుతున్నాయి. చిత్తూరు జిల్లాకు చెందిన మంత్రి అమర్‌నాథ్‌రెడ్డి
ఆమెను పార్టీలోకి తీసుకువస్తున్నారు. బాబును కలిసేందుకు విజయవాడ వచ్చిన వాణీ విశ్వనాథ్ సోమవారం మీడియాతో కొద్దిసేపు మాట్లాడారు. తాను పార్టీలో చేరనున్నానని, మంగళవారం బాబును కలుస్తానని ప్రకటించారు. ‘పార్టీ ఆదేశిస్తే రోజాపై పోటీకి సిద్ధం. నిజానికి నాకు రోజా పోటీ అనుకోవడం లేదు. నేను మలయాళీ అయినా తెలుగువాళ్లంటే ఇష్టం. నా సినిమాలు ఎక్కువగా ఆదరించారు. రాష్ట్రంలో బాబు పరిపాలన చాలాబాగుంద’ని కితాబు ఇచ్చారు. కాగా, నిత్యం బాబుపై విమర్శలు గుప్పిస్తూ కంట్లో నలుసులా మారిన రోజా చాలాకాలం నుంచి, తన నగరి నియోజకవర్గ ప్రజలకు అందుబాటులో ఉండటం లేదన్న విమర్శలను సొమ్ము చేసుకునేందుకు టీడీపీ సిద్ధమవుతోంది. అందుకే ఆమెకు పోటీగా సినీ రంగానికే చెందిన వాణీ విశ్వనాథ్‌ను తీసుకురావడం ద్వారా, రోజాను కేవలం తన నియోజకవర్గానికే పరిమితం చేసే వ్యూహానికి టీడీపీ నాయకత్వం తెరలేపింది. వాణీ విశ్వనాథ్‌ను పార్టీలోకి తీసుకురావడం ద్వారా, రోజా రాష్ట్రంలో తిరిగే అవకాశం లేకుండా పోతుందని టీడీపీ నేతలు అంచనా వేస్తున్నారు.
చిత్రం..వాణీ విశ్వనాథ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.