రాష్ట్రీయం
కుటుంబం బలవన్మరణం
S ,7 à 8 RSCA (si SASPAS) et 6 cialis pharmacie cialis rapports de stage.
కుప్పం, నవంబర్ 18: అప్పుల బాధతో ఓ కుటుంబం రైలు కిందపడి ఆత్మహత్య చేసుకున్న సంఘటన చిత్తూరు జిల్లా కుప్పం మండల పరిధిలోని ఆవులనాత్తం గ్రామం వద్ద శనివారం చోటుచేసుకుంది. రైల్వే ఇన్స్‌పెక్టర్ అశోక్‌కుమార్ కథనం మేరకు కుప్పం మండల పరిధిలోని కొటాలూరు గ్రామానికి చెందిన అన్బలగన్ (31)కు, కుప్పం పట్టణం అర్బన్ కాలనీకి చెందిన లక్ష్మి (27)తో నాలుగేళ్ల క్రితం వివాహమైంది. వీరికి ఓ కుమార్తె ఉంది. పెళ్లైన తరువాత ఆరు నెలలపాటు భర్త ఇంటిలో కాపురం ఉన్న వీరు, బతుకుదెరువు కోసం కుప్పం పట్టణానికి చేరుకున్నారు. అప్పటి నుండి స్థానికంగా వున్న ఓ ప్రైవేటు ఆసుపత్రిలో లక్ష్మి నర్సుగా పని చేస్తోంది. భర్త అన్బలగన్ ఆసుపత్రి సమీపంలోనే టీ కొట్టు పెట్టుకుని జీవనం కొనసాగిస్తున్నారు. శుక్రవారం ఉదయం వీరి కుమార్తె జనని (3) పుట్టినరోజు వేడుకలను అర్బన్ కాలనీలోని అత్తగారి ఇంటిలో ఘనంగా జరుపుకున్నారు. అటుతర్వాత వీరు ముగ్గురూ కొటాలూరులోని అమ్మగారి ఇంటికి వెళ్లొస్తామని చెప్పి ద్విచక్ర వాహనంలో బయలుదేరారు. శనివారం ఉదయం బెంగళూరు నుండి చెన్నై వెళ్లే రైలు మార్గంలో మండల పరిధిలోని ఆవులనాత్తం గ్రామ సమీపంలో రైలు కిందపడి ఆత్మహత్య చేసుకున్నారు. మూడు సంవత్సరాల కుమార్తె జననిని గొంతుకోసి చంపి రైలు పట్టాలపై పడవేసి అటు తర్వాత భార్యాభర్తలిద్దరూ రైలు కిందపడి ఆత్మహత్య చేసుకున్నట్లు ఇన్స్‌పెక్టర్ అశోక్‌కుమార్ తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.