రాష్ట్రీయం
అన్ని రంగాలకు బీమా విస్తరించాలి
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, నవంబర్ 20: బీమాను అన్ని రంగాలకు విస్తరింపజేయాలని రాష్ట్ర హోం మంత్రి చినరాజప్ప బీమా కంపెనీలను కోరారు. ప్రస్తుతం కొన్ని రంగాలకు మాత్రమే బీమాను వర్తింపజేయడంతో ప్రజలు ఎక్కువగా నష్టపోతున్నారన్నారు. బీమాపై ప్రజలకు మరింత అవగాహన కల్పించాలన్నారు. శుక్రవారం ఇక్కడ ఛాంబర్ ఆఫ్ కామర్స్ అండ్ ఇండస్ట్రీ ఫెడరేషన్ ఆధ్వర్యంలో ఏర్పాటు చేసిన సదస్సులో ఆయన ముఖ్య అతిథిగా మాట్లాడుతూ బీమాపై ప్రజలకు సరైన అవగాహన లేకపోవడం వల్ల ప్రకృతి విపత్తులు, ప్రమాదాలు సంభవించినపుడు ఎక్కువగా నష్టపోతున్నారన్నారు. అందువల్ల ప్రతి ఒక్కరూ బీమా చేయించుకోవాలన్నారు. జీతాలపై బతికే కుటుంబాలు కూడా బీమా చేసుకోవడం ఉత్తమమన్నారు. గత ఏడాది హుదూద్ సంభవించినపుడు బీమా చేసుకున్న వారు మాత్రమే బయటపడ్డారని, బీమా చేసుకోని కంపెనీలు ఇప్పటికీ కోలుకోలేకపోయాయన్నారు. రైతులు, కోళ్ల పెంపకందారులు, పరిశ్రమల యాజమాన్యాలు ఇలా అన్ని వర్గాల వారు ఎక్కువగా నష్టపోయారన్నారు. బీమా లేకపోవడం వల్లనే ఈ దుస్థితి ఏర్పడిందన్నారు. కాగా, బీమా ఉన్న వాటన్నింటికీ పరిహారం చెల్లించారన్నారు. ప్రభుత్వం హుదూద్ నష్టాన్ని భర్తీ చేసేందుకు దాదాపురూ.2200 కోట్లు మంజూరు చేసిందన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.