రాష్ట్రీయం
మావోయిస్టుల మెరుపుదాడి
S ,7 à 8 RSCA (si SASPAS) et 6 cialis pharmacie cialis rapports de stage.
పినపాక, జనవరి 27: తెలంగాణ ఏజెన్సీలో మావోయిస్టులు అర్ధరాత్రి మెరుపుదాడికి పాల్పడ్డారు. భద్రాద్రి కొత్తగూడెం జిల్లా పినపాక మండలంలో శుక్రవారం అర్ధరాత్రి విరుచుకుపడ్డారు. జానంపేట పంచాయతి గోదావరి పరీవాహక ప్రాంతం భూపతిరావుపేటలోకి ప్రవేశించిన మావోలు తొలుత గోదావరిలో ఇసుకను తరలిస్తున్న ఎనిమిది వాహనాలపై దాడి చేసి దగ్ధం చేశారు. ఇన్‌ఫార్మర్ నెపంతో ఆదివాసీ గిరిజన యువకుడిని కత్తులతో నరికి చంపారు. మరో యువకుడిపై తుపాకులతో కాల్పులు జరిపారు. ఈ సంఘటనతో ఇటు పోలీసుల్లో, అటు రాజకీయ పార్టీల్లో అలజడి మొదలైంది. ప్రత్యక్ష సాక్షులు, గ్రామస్థుల వివరాల ప్రకారం అర్ధరాత్రి ఛత్తీస్‌గఢ్ రాష్డ్రం నుంచి గోదావరి నదిని దాటిన 50 మంది మావోయిస్టులు ముందుగా భూపతిరావుపేటలోకి ప్రవేశించి నది ఒడ్డున నిలిపి ఉన్న మూడు జేసీబీలను, నాలుగు లారీలను, క్వారీలో ఉన్న ట్రాక్టర్‌ను డీజిల్ పోసి తగలబెట్టారు. ఆ సమయంలో అక్కడ పనిచేస్తున్న కూలీలు, డ్రైవర్లు, కీనర్లను చితకబాది వాళ్ల దగ్గర ఉన్న సెల్‌ఫోన్లు లాక్కున్నారు. మావోలు ట్రాక్టర్‌ను దగ్ధం చేస్తుండగా ఇసుక తినె్నలపై నిద్రపోతున్న క్వారీలో పనిచేసే కార్మికులు భయంతో పరుగులు తీశారు. అనంతరం మావోలు గాలిలోకి కాల్పులు జరపడంతో భయంతో లొంగిపోయారు. వాళ్ల దగ్గర సెల్‌ఫోన్లు లాక్కునే సందర్భంలో సెల్‌ఫోన్ లేదని చెప్పినవాళ్లను కర్రలతో చితక బాదారు. అనంతరం చెంతనే ఉన్న సుందరయ్యనగర్‌లో ఉంటున్న తెల్లం రమేష్ (30) ఇంటికి వెళ్లిన మావోయిస్టులు అతడిని బయటకు తీసుకొచ్చి కాల్పులకు పాల్పడ్డారు. ప్రాణభయంతో పరిగెత్తిన రమేష్ చేతికి బలమైన గాయమైంది. అతను కిందపడిపోవడంతో చనిపోయినట్లు భావించిన మావోలు సంఘటన స్థలం నుండి వెళ్లిపోయారు. ఆ గ్రామానికి 5 కిలోమీటర్ల
దూరంలో ఉన్న వీరాపురంలో ఉంటున్న పొడెం జోగయ్య (35) అనే ఆదివాసీ గిరిజనుడి ఇంటికి వెళ్లి మాట్లాడే పని ఉందని బయటకు తీసుకువెళ్లి కత్తులతో నరికి చంపినట్లు గ్రామస్థులు తెలిపారు. అనంతరం మావోలు గోదావరి నది దాటి వెళ్లిపోతూ లేఖలు వదిలి వెళ్లినట్లు తెలిపారు. తెల్లం రమేష్, పొడెం జోగయ్య పోలీసు ఇన్‌ఫార్మర్లేనని ఆ లేఖల్లో మావోలు పేర్కొన్నారు. కేంద్ర, రాష్ట్ర ప్రభుత్వాలు మావోయిస్టు పార్టీలపై నిర్బంధాన్ని అమలు చేస్తున్నాయని, గ్రీన్ హంట్ పేరుతో దండకార్యణాన్ని జల్లెడ పడుతున్నాయని లేఖలో పేర్కొన్నారు. వీటికి వ్యతిరేకంగా ఫిబ్రవరి 5న తెలంగాణ బంద్ పాటించాలని పిలుపు ఇచ్చారు.
చిత్రాలు....మావోలు దగ్ధం చేసిన లారీలు. *మావోయిస్టుల చేతిలో హతమైన పొడెం జోగయ్య
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.