రాష్ట్రీయం
కనుల పండువగా ‘అష్టదళ పాదపద్మారాధన’
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: తిరుమల తిరుపతి దేవస్థానం, హిందూ ధర్మ ప్రచార పరిషత్తు సంయుక్త ఆధ్వర్యంలో హైదరాబాద్‌లోని ఎన్టీఆర్ స్టేడియంలో నిర్వహిస్తున్న శ్రీ వేంకటేశ్వర వైభవోత్సవాలు ఆద్యంతం భక్తిపారవశ్యం మధ్య భక్తుల నిర్విరామ గోవిందనామ స్మరణలతో కనులపండువగా కొనసాగుతున్నాయి. వైభవోత్సవం 4వ రోజు మంగళవారం జరిగిన కార్యక్రమంలో ప్రత్యేకంగా నిర్వహించిన ‘అష్టదళ పాదపద్మారాధన’కు తరలివచ్చిన భక్తజనంతో ఎన్టీఆర్ స్టేడియం కిటకిటలాడింది. ఉదయం 6గంటలకే సుప్రభాతం కార్యక్రమంతో వైభవోత్సవం ప్రారంభం కాగా తోమాలసేవ, కొలువు, అర్చన, నివేదన, శాత్తుమొర అనంతరం ‘అష్టదళ పాదపద్మారాధన’ను అర్చక స్వాములు శాస్త్రోక్తంగా నిర్వహించారు. అనంతరం రెండవ నివేదన, సర్వదర్శనం, సాయంత్రం సహస్ర దీపాలంకరణ సేవ, వీధి ఉత్సవం, రాత్రి కైంకర్యం తర్వాత భక్తులకు స్వామివారి ఏకాంత సేవ దర్శన భాగ్యం కల్పించారు. తిరుమలలో నేరుగా చూడలేని అనేక అర్చనలు, స్వామి వారికి అందించే కైంకర్యాలను కళ్లారా చూసి భక్తులు పరవశించిపోయారు. ప్రముఖ గాయకుడు ఎంఎస్ రామారావు మనవడు ఎంఎస్ శ్రీనివాస్‌చే నిర్వహించిన సంగీత కీర్తనలు, పాటలు భక్తులను ఆధ్యాత్మిక సాగరంలో ఓలలాడించాయి. ఈ సందర్భంగా ఆంధ్రభూమి సంపాదకులు ఎంవిఆర్ శాస్ర్తీ దంపతులు ప్రత్యేక పూజలు నిర్వహించి శ్రీవారి వీధి ఉత్సవంలో పాల్గొన్నారు. ఈ కార్యక్రమంలో ఆంధ్రప్రదేశ్ రాష్ట్ర మంత్రులు పల్లె రఘునాథరెడ్డి, కామినేని శ్రీనివాసరావు, బిజెపి శాసనసభాపక్ష నేత డాక్టర్ కె.లక్ష్మణ్, టిటిడి చైర్మన్ చదలవాడ కృష్ణమూర్తి, టిటిడి జెఇఓ పోలా భాస్కర్, ఎపిహెచ్‌ఆర్‌సి చైర్మన్ భవానీ శంకర్ ప్రసాద్, ఇన్‌కంటాక్స్ ట్రిబ్యునల్ న్యాయమూర్తి జస్టిస్ మాదవీదేవి, సినీ నిర్మాత ఆశ్వినీదత్, పారిశ్రామికవేత్తలు కెవి రావు, డాక్టర్ గోపీచంద్, రఘురామరాజు, మాజీ రాజ్యసభ సభ్యుడు యార్లగడ్డ లక్ష్మీప్రసాద్, బిజెపి నాయకులు సుధీష్ రాంబొట్ల పాల్గొని ప్రత్యేక పూజలు నిర్వహించారు.
ఎన్టీఆర్ స్టేడియంలో మంగళవారం శ్రీ వేంకటేశ్వర వైభవోత్సవం సందర్భంగా నిర్వహించిన శ్రీవారి ఊరేగింపులో పాల్గొన్న ఆంధ్రభూమి సంపాదకులు
ఎంవిఆర్ శాస్ర్తీ దంపతులు. ప్రత్యేక పూజలు నిర్వహిస్తున్న ఆంధ్రప్రదేశ్ మంత్రులు పల్లె రఘునాథరెడ్డి, కామినేని శ్రీనివాస రావు తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.