రాష్ట్రీయం
ఫలించిన ఏపీ కృషి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఫిబ్రవరి 27: రాష్ట్రంలో పెట్టుబడులకు ఉన్న అవకాశాలను విశాఖలో నిర్వహించిన భాగస్వామ్య సదస్సు ద్వారా ప్రపంచానికి తెలియజేశామన్న సంతృప్తిని ముఖ్యమంత్రి చంద్రబాబు వ్యక్తం చేశారు. వరుసగా మూడోసారి విశాఖలో జరిగిన సదస్సు ఉత్సాహంగా జరిగిందన్నారు. ఉండవల్లి గ్రీవెన్స్ హాల్‌లో మంగళవారం మీడియా సమావేశంలో మాట్లాడుతూ పెట్టుబడులు ఆకర్షించడంలో ఏపీఈడీబీ, పరిశ్రమలు, ఐటీ తదితర శాఖలు క్రియాశీలకంగా వ్యవహరించాయన్నారు. ఆంధ్రప్రదేశ్ నైపుణ్యాభివృద్ధి సంస్థ శిక్షణ ఇచ్చేందుకు అనేక ఒప్పందాలు చేసుకుందన్నారు. మూడు రోజుల్లో 4.39 లక్షల కోట్ల రూపాయల మేర పెట్టుబడులకు 734 ఒప్పందాలు జరిగాయన్నారు. పెట్టుబడుల ద్వారా 11 లక్షల మందికి ఉపాధి కల్పించవచ్చన్నారు. పరిశ్రమల శాఖలో 58,337 కోట్లకు 129 ఒప్పందాలు, గనుల శాఖలో 12,227 కోట్లతో ఒప్పందాలు, ఐటీలో 30,050 కోట్లకు 70 ఒప్పందాలు కుదిరాయన్నారు. ఆహార శుద్ధి, పర్యాటక, వైద్య ఆరోగ్యానికి సంబంధించి, మరోపక్క గూగుల్, రిలయన్స్, ఆదాని, మహేంద్ర గ్రూప్‌తోనూ ఒప్పందాలు జరిగాయన్నారు. అమరావతిలో సుమారు రూ.50 వేల కోట్లు పెట్టుబడులు పెట్టేందుకు ఒప్పందాలు జరిగాయన్నారు. రాష్ట్రంలో పరిశ్రమలు పెట్టేందుకు ముందుకొచ్చే వారికి రియల్‌టైమ్ గవర్నెన్స్ ద్వారా అనుమతులు కల్పిస్తున్నామని, పెట్టుబడులకు సంబంధించిన పురోగతి వివరాలు ఎప్పటికప్పుడు ఆన్‌లైన్‌లో ఉంచుతామని తెలిపారు. కియా కార్ల నుంచి ఫ్యాక్స్‌కాన్ సెల్‌ఫోన్ వరకు రాష్ట్రంలో తయారవుతున్న వివిధ ఉత్పత్తులను సదస్సులో ప్రదర్శించామని, అవి అందరినీ ఆకట్టుకున్నాయన్నారు. చార్టింగ్ ఇండియాస్, గ్లోబల్ ఇంటిగ్రేషన్ స్ట్రేటజీ పేరుతో ప్రభుత్వ లక్ష్యాలను తెలియజేశామన్నారు. ఏపీకి మొదటి నుంచి సాయం చేస్తున్న సింగపూర్ మంత్రి ఈ సదస్సుకు హాజరై రాష్ట్రంపై ఉన్న అభిమానాన్ని మరోసారి చాటుకున్నారన్నారు. ఏపీ సింగపూర్ బిజినెస్ కౌన్సిల్ ఏర్పాటుకు ముందుకొచ్చారన్నారు. సింగపూర్ కన్సార్టియం, అమరావతి అభివృద్ధి సంస్థతో కలిపి 1691 ఎకరాల్లో స్టార్టప్ ప్రాజెక్టు ఏర్పరిచిందని తెలిపారు. అమరావతిలో ఐదెకరాలలో ఫేజ్ జీరో పేరుతో చేపట్టే ప్రాజెక్టులో రాజధాని అమరావతికి సంబంధించిన సమగ్ర స్వరూపాన్ని కళ్లకు కట్టేలా ఒక ఎగ్జిబిషన్ సెంటర్‌ను ఏర్పాటు చేస్తామన్నారు. అనుకోని అతిథిగా హాజరైన మారిషస్ ఉపాధ్యక్షుడు పరమశివం పిళ్లై ఏపీకి సహకారమందిస్తామని హామీ ఇచ్చారన్నారు. శ్రీలంక వాణిజ్య శాఖ మంత్రి రిషద్‌ను పర్యాటక రంగానికి సంబంధించి సహకారమందించాలని కోరామన్నారు. సృజనాత్మకతలో ఏపీ ఒక శక్తిగా ఎదుగుతోందని, ఇంటర్నెట్ ఆఫ్ థింగ్స్ ఐటీ ప్లాట్‌ఫాంల వేదికగా ప్రపంచానికి తమ శక్తిని చాటుతోందన్నారు. పెట్టుబడులకు రాష్ట్రం సరైన వేదికగా అందరూ గుర్తించారన్నారు. ఇన్నోవేటివ్, ఇంక్యుబేషన్, స్టార్టప్ వెంచర్ క్యాపిటల్ ఎకో సిస్టం ఏర్పాటుకు ముఖేష్ అంబాని సహా మరో రెండు సంస్థలు ముందుకొచ్చాయని తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.