రాష్ట్రీయం
కేసీఆర్‌ది తుగ్లక్ పాలన
S ,7 à 8 RSCA (si SASPAS) et 6 cialis pharmacie cialis rapports de stage.
సిద్దిపేట, మార్చి 8: రాష్ట్రంలో కేసీఆర్ సర్కార్ తుగ్లక్ పాలన సాగుతోందని, తలా తోకాలేని నిర్ణయాలతో ప్రజలను ఇబ్బందులను గురి చేస్తున్నారని టీపీసీసీ అధ్యక్షుడు ఉత్తమ్‌కుమార్‌రెడ్డి ఆగ్రహం వ్యక్తం చేశారు. హుస్నాబాద్ నియోజకవర్గాన్ని మూడు ముక్కలు చేసి, కరీంనగర్, సిద్దిపేట, వరంగల్ జిల్లాలో మండలాలుగా విభజించి ప్రజలను తీవ్ర ఇబ్బందులకు గురిచేస్తున్నారన్నారు. ముస్లింలకు 12శాతం రిజర్వేషన్లు, గిరిజనులకు 10 శాతం రిజర్వేషన్లు పెంచాలని కోరుతూ పార్లమెంట్‌కు బిల్లుపంపితే కేంద్రం తిరస్కరించిందన్నారు.
పార్లమెంట్ సాక్షిగా కేంద్ర మంత్రి చెప్పిన సమాధానంతో ఈ విషయం స్పష్టమైందన్నారు. సిద్దిపేట జిల్లా హుస్నాబాద్ ప్రజా చైతన్య బస్సు యాత్ర సందర్భంగా నిర్వహించిన సభలో ఉత్తమ్ ముఖ్య అతిధిగా మాట్లాడారు. ఎన్నికల ముందు ముస్లిం మైనార్టీలకు 12శాతం, గిరిజనులకు 12శాతం రిజర్వేషన్లు కల్పిస్తామని, తెరాస అధికారంలోకి వస్తే తొలి సంతకం చేస్తానని కేసీఆర్ ఇచ్చిన హామీలను ఈ సందర్భంగా గుర్తు చేశారు. దీనిపై శాసన సభలో బిల్లు చేసి పంపితే, సాంకేతిక లోపాలతో కేంద్రం తిరస్కరించిందన్నారు. ఆ విషయాన్ని తెరాస సర్కారు దాచి ఉంచిందన్నారు. దళితులకు మూడు ఎకరాలు, ఇంటికో ఉద్యోగం పేరిట ప్రజలను మోసం చేశారని దుయ్యబట్టారు. ముస్లింలు, గిరిజనులను మోసం చేసిన కేసీఆర్, వచ్చే ఎన్నికల్లో ఓటు అడిగే నైతిక హక్కు కోల్పోయారన్నారు.
4 వేలమంది రైతు ఆత్మహత్యలు
కేసీఆర్ నాలుగేళ్ల పాలనలో నాలుగు వేలమంది రైతు లు ఆత్మహత్యలు చేసుకున్నారని ఉత్తమ్‌కుమార్ ఆగ్రహం వ్యక్తం చేశారు. రాష్ట్రంలో రైతులను పట్టించుకోని సీఎం కేసీఆర్, జాతీయ పార్టీలపై నెపం నెడుతూ థర్డ్‌ఫ్రంట్ డ్రామాకు తెరలేపారన్నారు. రైతులకు రుణమాఫీని నాలుగు విడతల్లో చేయడం వల్ల, ఇప్పటికి వడ్డీ మాత్రమే మాఫీ అయిందన్నారు. కందుల కొనుగోలులో ప్రభుత్వం నిర్లక్ష్యంతో వ్యవహరిస్తోందని విమర్శించారు. రైతుకు గిట్టుబాటు ధర కల్పించాలని ఎన్ని డిమాండ్లు చేసినా సర్కారు పట్టించుకోవడం లేదన్నారు. ధనిక రాష్ట్రంగా చెప్పుకుంటూ కమిషన్ల కోసం కాంట్రాక్టర్లకు వేల కోట్లు చెల్లిస్తున్న కేసీఆర్, పేద రైతుకు గిట్టుబాటు ధర ఇవ్వలేకపోతున్నారని విమర్శించారు. 2019 ఎన్నికల్లో కాంగ్రెస్ అధికారంలోకి రావటం ఖాయమని, వెంటనే రైతుకు 2 లక్షల రుణమాఫీ ఒకేసారి ప్రకటిస్తామన్నారు. వరి రైతుకు 2 వేలు తక్కువకాకుండా మద్దతు ధర, బోనస్ చెల్లించి కొనుగోలు చేస్తామన్నారు. రాష్ట్రంలోని 6 లక్షల మహిళా గ్రూపులకు లక్ష రివాల్వింగ్ గ్రాంట్ అందిస్తామని, 10 లక్షలు వడ్డీలేని రుణాలు అందిస్తామన్నారు. అభయహస్తం పింఛన్‌ను పునరుద్ధరించి వెయ్యి రూపాయల చొప్పున అందిస్తామన్నారు. తెరాస సర్కారునిరుద్యోగులను పూర్తిగా విస్మరించిందన్నారు. రాష్ట్రంలో 1.07 లక్షల ఉద్యోగాలు ఖాళీగావుంటే, 10వేల ఉద్యోగాలు సైతం కేటాయించలేదన్నారు. కాంగ్రెస్ సర్కార్ నిరుద్యోగులకు 3 వేల నిరుద్యోగ భృతి అందచేయనుందన్నారు. కాంగ్రెస్ నాయకులు, కార్యకర్తలు పార్టీని అధికారంలోకి తెచ్చేందుకు కృషి చేయాలన్నారు. కార్యక్రమంలో పార్టీ వ్యవహరాల ఇన్‌చార్జి రాంచందర్ కుంతియా, వర్కింగ్ ప్రెసిడెంట్ భట్టి విక్రమార్క, మాజీ కేంద్ర మంత్రి జైపాల్‌రెడ్డి, మాజీ మంత్రులు షబ్బీర్‌అలీ, జీవన్‌రెడ్డి, శ్రీ్ధర్‌బాబు తదితరులు పాల్గొన్నారు.
చిత్రం..సిద్దిపేట జిల్లా హుస్నాబాద్ ప్రజాచైతన్య యాత్రలో మాట్లాడుతున్న టీపీసీసీ అధ్యక్షుడు ఉత్తమ్‌కుమర్‌రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.