రాష్ట్రీయం
75 పరిషత్‌లు.. 360 ప్రదర్శనలు
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ, మార్చి 10: ఆంధ్రప్రదేశ్ రాష్ట్ర చలనచిత్ర, టీవీ, నాటక రంగ అభివృద్ధి సంస్థ ఆధ్వర్యంలో తూర్పుగోదావరి జిల్లా కేంద్రం కాకినాడ నగరంలో ఆదివారం నుంచి రాష్టస్థ్రాయి నంది నాటకోత్సవాలు ప్రారంభం కానున్నాయి.
ఈ నెల 28వ తేదీ వరకు నంది నాటకోత్సవాల నిర్వహణకు అధికారులు ఏర్పాట్లుచేశారు. నాటక పోటీలలో 360 పద్య, సాంఘిక నాటకాలు, నాటికల (ఏకాంకం)ను వివిధ జిల్లాలకు చెందిన పరిషత్‌లు ప్రదర్శించనున్నాయి. కాకినాడలోని యంగ్‌మెన్స్ హ్యాపీక్లబ్‌లోని దంటు కళాక్షేత్రంలో నాటకాలు, నాటికలు ప్రదర్శిస్తారు. అలాగే ఈ నెల 14 నుంచి 22వ తేదీ వరకు రాజమహేంద్రవరంలోని ఆనం కళాకేంద్రంలో పలు నాటకాలు, నాటికలు ప్రదర్శించనున్నారు. రాష్ట్ర ప్రభుత్వం ఈ నాటకోత్సవాలకు రూ.80 లక్షలు కేటాయించింది. ప్రదర్శించిన పద్య నాటకానికి రూ.30 వేలు, సాంఘిక నాటకానికి రూ.20 వేలు, సాంఘిక నాటికకు రూ.15 వేలు, బాలల నాటికకు రూ.15 వేలు, కళాశాల, విశ్వవిద్యాలయ స్థాయిల్లో ప్రదర్శించిన నాటికలకు రూ.15 వేల వంతున పారితోషికం చెల్లిస్తారు. నాటకోత్సవం ముగిసిన అనంతరం ఉత్తమ నాటికలను న్యాయ నిర్ణేతలు ఎంపికచేస్తారు. ప్రదర్శనలను నేరుగా చూడటంతో పాటు వీడియోల్లో చిత్రీకరించిన నాటికలు, నాటకాలను తిలకించిన తర్వాత న్యాయ నిర్ణేతలు ప్రథమ, ద్వితీయ, తృతీయ బహుమతులను ప్రకటిస్తారు. ఉత్తమ ప్రదర్శనలు, ఉత్తమ నటులకు ముఖ్యమంత్రి చంద్రబాబు బహుమతులను అందజేస్తారు. ఆదివారం ఉదయం 10 గంటలకు నాటకోత్సవ సభను రాష్ట్ర నాటక రంగ, టీవీ, చలనచిత్రాభివృద్ధి సంస్థ ఛైర్మన్ అంబికా కృష్ణ, చలనచిత్ర, టీవీ, నాటక రంగాభివృద్ధి సంస్థ డైరెక్టర్ ఎస్ వెంకటేశ్వర్లు, పలువురు ప్రజాప్రతినిధులు ప్రారంభిస్తారు. వివిధ జిల్లాలకు చెందిన సుమారు 75 నాటక సమాజాలు ఈ నాటకోత్సవంలో పాల్గొంటున్నాయి. రోజూ ఉదయం 10.30 గంటల నుంచి రాత్రి వరకు ప్రదర్శనలు నిర్వహించేలా ఏర్పాట్లు చేశారు. నాటకోత్సవాలను ప్రతివొక్కరు ఆదరించి రంగస్థల కళకు పూర్వవైభవం తీసుకురావాలని రాష్ట్ర నాటక రంగ, టీవీ, చలనచిత్రాభివృద్ధి సంస్థ విజ్ఞప్తి చేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.