రాష్ట్రీయం
భక్తుల రద్దీకి తగ్గట్టుగా ఏర్పాట్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: దక్షిణ అయోధ్యగా పేరొందిన భద్రాచల క్షేత్రంలో శ్రీ సీతారాముల కల్యాణ మహోత్సవాన్ని అంగరంగ వైభవంగా నిర్వహించనున్నట్టు దేవాదాయ శాఖ మంత్రి అల్లోల ఇంద్రకరణ్ రెడ్డి తెలిపారు. ఈనెల 26న నిర్వహించనున్న వేడుకలకు సంబంధించిన ఆహ్వాన పత్రిక, గోడ పత్రికను మంత్రి తుమ్మల నాగేశ్వరరావుతో కలిసి ఆయన ఆవిష్కరించారు. ఈ సందర్భంగా వారు మాట్లాడుతూ వేడుకలకు రాష్ట్ర ప్రభుత్వం అన్ని ఏర్పాట్లు చేస్తుందని, భక్తులకు ఎలాంటి ఇబ్బందులు తలెత్తకుండా జాగ్రత్తలు తీసుకుంటున్నట్టు తెలిపారు.
మిథిలా ప్రాంగణంలో జరిగే కల్యాణోత్సవానికి రాష్ట్ర ప్రభుత్వం తరపున ముఖ్యమంత్రి కేసీఆర్ దంపతులు పట్టు వస్త్రాలు, ముత్యాల తలంబ్రాలు సమర్పిస్తారని చెప్పారు. కేవలం తెలుగు రాష్ట్రాల నుంచే కాకుండా చత్తీస్‌గఢ్, మహారాష్ట్ర, ఒడిశా, కర్ణాటక తదితర రాష్ట్రాల నుంచి భక్తులు భారీగా తరలివచ్చే అవకాశం ఉండటంతో అందుకు తగ్గట్టుగా ఏర్పాట్లు చేస్తున్నామన్నారు. ఈ కార్యక్రమంలో ఆలయ ఈఓ ప్రభాకర శ్రీనివాస శర్మ, ఖమ్మం డీసీసీబీ చైర్మన్ మువ్వ విజయబాబు పాల్గొన్నారు.
యాదాద్రి తరహాలో భద్రాద్రి పుణ్యక్షేత్ర పున నిర్మాణ పనులు చేపట్టనున్నట్టు మంత్రులు తెలిపారు. ఉగాది పర్వదినం సందర్భంగా ముఖ్యమంత్రి కేసీఆర్, త్రిదండి చిన్నజీయర్‌స్వామిలతో సంప్రదించి ఆలయ అభివృద్థి పనులను ప్రారంభించనున్నట్టు తెలిపారు.
శ్రీ సీతారామచంద్ర స్వామి పట్ట్భాషేకాన్ని పురస్కరించుకొని ఈనెల 27న ఆలయ అభివృద్థి పనులకు శ్రీకారం చుట్టనున్నట్టు ఇంద్రకరణ్ రెడ్డి తెలిపారు. ఈ విషయమై ఉగాది పర్వదినాన ముఖ్యమంత్రి చంద్రశేఖర్ రావు, త్రిదండి శ్రీ చిన్నజీయర్ స్వామితో సంప్రదించనున్నట్టు చెప్పారు. యాదాద్రి తరహాలో భద్రాద్రి ఆలయాన్ని అభివృద్థి చేసేందుకు ఇప్పటికే ముఖ్యమంత్రి రూ.100 కోట్లు కేటాయించారని, ఈ నిధులతో ఆలయాన్ని అత్యంత సుందరంగా తీర్చిదిద్దనున్నట్టు చెప్పారు.
చిత్రం..భద్రాద్రి సీతారాముల కల్యాణ ఆహ్వాన పత్రిక, పోస్టర్లను ఆవిష్కరిస్తున్న
మంత్రులు ఇంద్రకరణ్‌రెడ్డి, తుమ్మల నాగేశ్వరరావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.