రాష్ట్రీయం
ప్రతిపక్షపాత్రా మనదే!
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, మార్చి 14: రాష్ట్రంలో ఇకపై ప్రతిపక్ష పాత్ర కూడా తెలుగుదేశం పార్టీనే పోషించాలని ఆ పార్టీ అధినేత, సీఎం చంద్రబాబునాయుడు పిలుపునిచ్చారు. బుధవారం జరిగిన పార్టీ సమన్వయ కమిటీలో ఆయన ఎమ్మెల్యేలు, జిల్లా నేతలకు కొన్ని సూచనలు చేశారు. బీసీ, మైనారిటీ, గిరిజనులకు ప్రభుత్వం చేస్తున్న సంక్షేమ కార్యక్రమాలను విస్తృతంగా ప్రచారం చేయాలన్నారు. విపక్షం సభకు రాకుండా, బాధ్యత లేకుండా తిరుగుతున్నప్పటికీ మనం మాత్రం బాధ్యతగా వ్యవహరించాలని, ప్రతిపక్షపాత్ర పోషించాలన్నారు. అవసరమైతే సమాధానం వచ్చే వరకూ మంత్రులను నిలదీయాలని, అందులో ఏమీ మొహమాటపడవద్దని చెప్పారు. ఎన్డీఏలో ఇంకా భాగస్వామిగా ఉన్న తమకే అపాయింట్‌మెంట్ ఇవ్వని ప్రధాని, కేంద్రమంత్రులు ఏ1-ఏ 2లకు నేరుగా అపాయింట్‌మెంట్ ఇస్తున్న విషయం దేశం మొత్తం గమనిస్తోందని, వారిద్దరి లాలూచీ రాజకీయాలను ప్రజలకు చెప్పాలని ఆదేశించారు. ఇక నేతలు రాష్ట్రంలో ప్రతి ఇంటి తలుపు తట్టి, కేంద్రం సహకరించకపోయినా వారి కోసం చేస్తున్న సంక్షేమాన్ని చెప్పాలన్నారు. అదే విధంగా కేంద్రం రాష్ట్రానికి చేసిన అన్యాయం ప్రతి ఇంటికీ తెలియాల్సిన అవసరం, బాధ్యత నేతలపై ఉందన్నారు. ‘ప్రజలు మనతోనే ఉన్నారు. మన కార్యక్రమాల్లో భాగస్వాములవుతున్నారు. ఇన్ని కష్టాలున్నా లక్షల సంఖ్యలో సంక్షేమ పథకాలు తీసుకుని ఆనందంగా జీవిస్తున్నారు. కాబట్టి మనపై ఎవరెన్ని ప్రచారం చేసినా వారు నమ్మరు. అలాగని మీరు ఇంట్లో కూర్చుంటే, వారిని చెడగొట్టేవాళ్లు రెడీ అవుతారు. అందుకే ఇక మీరంతా జనంలోనే ఉండండ’ని ఆదేశించారు. దళిత తేజం కార్యక్రమానికి మంచి స్పందన లభించిందని, ఇదే స్ఫూర్తిని మైనారిటీ, బీసీ, గిరిజన తేజం కార్యక్రమాల్లోనూ చూపించాలని సూచించారు. ఈ సందర్భంగా పలువురు మంత్రులు మాట్లాడుతూ కేంద్రంపై మీరు చేసిన ప్రసంగం దేశం అంతా చూసి మెచ్చుకుందని బాబును అభినందించారు.
ఏప్రిల్ 20 నుంచి మైనారిటీ, గిరిజన తేజం: వర్ల
కాగా ఏప్రిల్ 20 నుంచి మైనారిటీ, గిరిజన వర్గాలకు ప్రభుత్వం చేపడుతున్న సంక్షేమ పథకాలను ప్రచారం చేయనున్నట్లు పార్టీ రాష్ట్ర ప్రధాన కార్యదర్శి వర్ల రామయ్య మీడియాకు వెల్లడించారు. సమన్వయకమిటీ సమావేశం అనంతరం ఆయన మీడియాతో మాట్లాడారు. అదేవిధంగా అక్టోబర్ 2 నుంచి మహానాడు జరిగే మే వరకూ బీసీ తేజం కార్యక్రమాలు జరుగుతాయన్నారు. ఆర్ధిక నేరగాళ్లకు ప్రధాని అపాయింట్‌మెంట్లు ఇస్తున్న వైనాన్ని రాష్ట్ర ప్రజలు గమనించాలని, దీన్నిబట్టి వైసీపీతో బీజేపీ తెరచాటు బంధం కొనసాగిస్తోందన్న నిజం బయటపడిందని, దీనిని మైనారిటీ, గిరిజన, దళిత వర్గాలు గ్రహించాలని కోరారు.
చిత్రం..సమావేశంలో మాట్లాడుతున్న సీఎం చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.