రాష్ట్రీయం
ఏసీబీ వలలో అవినీతి జలగలు
S ,7 à 8 RSCA (si SASPAS) et 6 cialis pharmacie cialis rapports de stage.
అనంతపురం, మార్చి 14: అనంతపురంలో ఇద్దరు మైనర్ ఇరిగేషన్ ఇంజినీర్లు బుధవారం ఏసీబీ వలకు చిక్కారు. నీరు-చెట్టు కింద చేసిన పనులకు క్లియరెన్స్ సర్ట్ఫికెట్ ఇవ్వడానికి సంబంధిత కాంట్రాక్టర్ నుంచి డీఈ వీరారెడ్డి, ఏఈ డాక్యానాయక్ రూ.46 వేలు లంచం తీసుకుంటుండగా ఏసీబీ అధికారులు బుధవారం రెడ్‌హ్యాండెడ్‌గా పట్టుకున్నారు. వివరాలు ఇలా ఉన్నాయి. పెద్దవడుగూరు మండలం పరిధిలో చిన్నవడుగూరు వద్ద కాలువలకు ఫీల్డ్ ఛానల్ పనుల్ని రూ.18 లక్షలకు కాంట్రాక్టర్ రవిశంకర్‌రెడ్డి దక్కించుకున్నాడు. 2017 ఏప్రిల్‌లో పనులు మొదలు పెట్టారు. వీటిని ఆదినారాయణ అనే వ్యక్తి రవిశంకర్‌రెడ్డి తరఫున చేశాడు. అనంతపురం ఇరిగేషన్ డివిజన్ పరిధిలోని తాడిపత్రి సబ్ డివిజన్‌లో చేపట్టిన ఈ పనులకు క్లియరెన్స్ సర్ట్ఫికెట్స్ ఇవ్వడానికి ఇంజినీర్లు లంచం డిమాండ్ చేయడంతో రవిశంకర్‌రెడ్డి ఏసీబీ అధికారులను ఆశ్రయించాడు.
దీంతో ఏసీడీ డీఎస్పీ జయరామరాజు నేతృత్వంలో ఇన్‌స్పెక్టర్లు చక్రవర్తి, ప్రతాప్‌రెడ్డి, ఖాదర్ దాడులు నిర్వహించారు. డీఈ వీరారెడ్డి రూ.20 వేలు, ఏఈ డాక్యానాయక్ రూ.20వేలు లంచం తీసుకుంటుండగా పట్టుకున్నారు. అనంతరం వారి ఇళ్లలో సోదాలు నిర్వహించారు. డీఈ వీరారెడ్డి ఇంట్లో రూ.59 వేల నగదు, నగరంలోని నారాయణపురం, పాపంపేటలో ఉన్న రూ.1.29 లక్షల విలువైన మూడు ప్లాట్లకు సంబంధించి డాక్యుమెంట్లు లభించాయి. నిందితుల్ని గురువారం కర్నూలు ఏసీబీ కోర్టులో హాజరు పరుస్తున్నట్లు డీఎస్పీ జయరామరాజు తెలిపారు.
చిత్రం..ఏసీబీకి పట్టుబడిన ఇరిగేషన్ అధికారులు వీరారెడ్డి, డాక్యానాయక్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.