రాష్ట్రీయం
పోలవరం భేష్..!
S ,7 à 8 RSCA (si SASPAS) et 6 cialis pharmacie cialis rapports de stage.
రాజమహేంద్రవరం: బహుళార్ధ సాధక పోలవరం ప్రాజెక్టు పనుల పురోగతి గతం కంటే భేషుగ్గా వుందని పోలవరం నిపుణుల కమిటీ, కేంద్ర జల సంఘం (సిబ్ల్యుసి) ఛైర్మన్ సయ్యద్ మసూద్ హుసేన్ పేర్కొన్నారు. సిడబ్ల్యుసి ఛైర్మన్ మసూద్ అధ్యక్షతన ఆయన నేతృత్వంలో పోలవరం నిపుణుల కమిటీ రెండు రోజుల పాటు పోలవరం ప్రాజెక్టు క్షేత్ర స్థాయిలో పర్యటించి అనంతరం అధికారులతో శనివారం రాజమహేంద్రవరంలో సమగ్ర సమీక్షా సమావేశాన్ని నిర్వహించి పనుల పురోగతిపై సమీక్షించారు. గతంతో పోల్చుకుంటే పోలవరం ప్రాజెక్టు పనులు ఊపందుకున్నాయని, అన్ని విభాగాలపైనా సమగ్రంగా సమీక్షించామని నిపుణుల కమిటీ ఛైర్మన్ మసూద్ హుసేన్ సమీక్ష అనంతరం మీడియా సమావేశంలో చెప్పారు. పోలవరం హెడ్ వర్క్సు రాక్‌ఫిల్ ఎర్త్ కం డ్యామ్, స్పిల్ వే, స్పిల్ ఛానల్, డయాఫ్రం వాల్, గేట్లు తయారీ, అమర్చడం, మట్టి పని, భూసేకరణ, పునరావాస, పునర్నిర్మాణం,
ఒడిస్సా సరిహద్దు ముంపు సమస్య, ముంపు గ్రామాల పునరావాసం తదితర అన్ని విషయాలపైనా సమీక్షించామని తెలిపారు. గత అక్టోబర్‌లో కమిటీ పర్యటించిందని, అప్పటికీ ఇప్పటికీ పనుల్లో ఆశాజనకమైన పురోగతి కన్పిస్తోందని సంతృప్తి వ్యక్తం చేశారు. డిజైన్లపై కూడా సమీక్షించామని చెప్పారు. ఆయా పనుల లక్ష్యాల మేరకు జోరుగా జరుగుతున్నాయన్నారు. పనుల పురోగతి ఊపందుకుందన్నారు. పోలవరం నిపుణుల కమిటీలో ఛైర్మన్ మసూద్ హుసేన్ నేతృత్వంలో సభ్యులు ఆర్‌కె పచోరి, అనిల్ జైన్, జిఎల్ బన్సల్, చిత్రా రాజారత్నం, ఎస్‌కె హల్దర్, ఆర్‌కె గుప్త, ఎకె ప్రధాన్, డి రంగారెడ్డి పర్యటించారు. పోలవరం నిపుణుల కమిటీ సమీక్షా సమావేశంలో జల వనరుల శాఖ మంత్రి దేవినేని ఉమామహేశ్వరరావు, జల వనరుల శాఖ ముఖ్య కార్యదర్శి శశిభూషణ్‌కుమార్, ఇఎన్‌సి ఎం వెంకటేశ్వరరావు, తూర్పుగోదావరి జిల్లా కలెక్టర్ కార్తికేయ మిశ్రా, డిప్యూటీ కలెక్టర్లు, జాయింట్ కలెక్టర్లు, ఐటిడిఎ పీవోలు, హెడ్ వర్క్సు ఎస్‌ఇ వి రమేష్‌బాబు, వివిధ హోదాల జల వనరుల శాఖ ఇంజినీర్లు పాల్గొన్నారు. పవర్‌పాయింట్ ప్రెజంటేషన్ ద్వారా పనుల ప్రగతిని ఇఎన్‌సి వెంకటేశ్వరరావు వివరించారు. పద్దెనిమిదేళ్లు నిండినవారికి పునరావాస ప్యాకేజీ అందించాలని, ఛత్తీశ్‌గడ్, ఒడిస్సా, ఆంధ్రా మధ్య సరిహద్దు ముంపు సమస్యలను పరిష్కరించుకునేందుకు తీసుకున్న నిర్ణయాలు, పునరావాస ప్యాకేజీ పూర్తిచేసేందుకు చేపట్టిన చర్యలపై నిపుణుల కమిటీ పలు సూచనలు చేసింది. బచావత్ నిర్ణయాల మేరకు చర్యలు తీసుకోవాలని సూచించినట్టు తెలిసింది. ఈ సూచనలను పరిగణనలోకి తీసుకుని అమలు చేస్తామని అధికారులు తెలియజేశారు.
చిత్రం..పోలవరం ప్రాజెక్టు పనుల పురోగతిపై రెండురోజులు పర్యటించిన నిపుణుల కమిటీ శనివారం మంత్రి సమక్షంలో అధికారులతో సమీక్ష నిర్వహిస్తున్న దృశ్యం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.