రాష్ట్రీయం
ఐటి@హైదరాబాద్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: దేశానికి తలమానికంగా ఉన్న హైదరాబాద్ ఐటి రంగం ఎగుమతులు ఈ ఆర్థిక సంవత్సరం ముగిసే నాటికి రూ.1 లక్ష కోట్లు దాటే అవకాశం ఉంది. గత నాలుగేళ్లలో రాష్ట్రప్రభుత్వం ఐటి రంగం అభివృద్ధికి రూపొందించిన ఐటి పాలసీ ఫ్రేమ్ వర్క్‌తో పెట్టుబడులు వెల్లువెత్తుతున్నాయి. ఐటి రంగంలో హైదరాబాద్ స్థానం దేశంలోని ఇతర నగరాలతో పోల్చితే సుస్థిరంగా ఉండడమేకాకుండా ఎటువంటి మాంద్యానికి లోనుకాకుండా పైపైకి ఎగబాకుతోంది. రాష్ట్రప్రభుత్వం రూపొందించిన ఐసిటి పాలసీ ఫ్రేమ్‌వర్క్‌లో డాటా సెంటర్లు, ఇ-వేస్ట్, ఐఒటి గ్రోత్, సైబర్ సెక్యూరిటీ, డాటా అనలిటిక్స్, ఓపెన్ డాటా, ఇన్నోవేషన్, రూరల్
టెక్నాలజీ సెంటర్లు, ఇమేజి పాలసీ, డాటా సెంటర్ల విధానాలను పొందుపరిచారు. సామాజిక ఆర్థిక అవుట్‌లుక్ విధానం ప్రకారం 2014-2015లో 1200 ఐటి కంపెనీలు, 2015-16లో 1400 కంపెనీలు, 2016-17లో 1500 కంపెనీలు పనిచేస్తున్నాయి. రాష్ట్రప్రభుత్వం సాలీనా ఐటి రంగంలో వౌలిక సదుపాయాల అభివృద్ధికి వచ్చే ఏడాది బడ్జెట్‌లో రూ.289కోట్లను కేటాయించింది. గత మూడేళ్లలో ఐటి రంగంలవో ఉద్యోగుల సంఖ్య 3,71,774 నుంచి 4,31,891కు చేరుకుంది. ఉద్యోగాలు, ఎగుమతుల శాతాన్ని విశే్లషిస్తే మూడేళ్లలో వృద్ధిరేటు 29 శాతం దాటింది. అలాగే ఎగుమతుల విలువ రూ. 66276 కోట్ల నుంచి రూ. 85,470 కోట్లకు 2016-17కు చేరుకుంది. ప్రస్తుత ఆర్థిక సంవత్సరం మరో 13 రోజుల్లో ముగుస్తుంది. దాదాపు ఒక లక్ష కోట్ల రూపాయల వరకు ఎగుమతుల విలువ నమోదయ్యే అవకాశం కనపడుతోంది. 1500కుపైగా ఉన్న ఐటి కంపెనీలపై ఆధారపడి ఏడు లక్షల మంది పరోక్షంగా ఉపాధి పొందుతున్నారు. ఐటి రంగంలో ఎగుమతుల విలువ జాతీయ స్థాయిలో పది శాతం ఉంటే, హైదరాబాద్ 13 శాతం నమోదు చేసింది.
తెలంగాణ రాష్ట్రంలో ఐటి రంగం జిల్లాలకు విస్తరిస్తోంది. వరంగల్‌లో ఫేస్-1లో ఐటి ఇంక్యుబేషన్ సెంటర్ పనిచేస్తోంది. రెండు ఎకరాల్లో 15 చదరపు అడుగుల్లో నిర్మించారు. వెయ్యి మందికి ఉపాధి కల్పిస్తోంది. రెండవ దశలో ఐటి ఇంక్యుబేషన్ సెంటర్ నిర్మాణం చేపట్టారు. ఈ ఏడాదిలో ఈ నిర్మాణం పూర్తవుతుంది. వరంగల్‌లో 45 ఎకరాల్లో ఐటి సెజ్‌ను నిర్మిస్తున్నారు. జనగాం, కరీంనగర్, ఖమ్మంలో ఐటి కంపెనీలు తమ కార్యకలాపాలను ప్రారంభించాయి. ఖమ్మం జిల్లా కేంద్రంలో 50 వేల చదరపు అడుగుల్లో ఇంక్యుబేషన్ సెంటర్‌ను రూ.25 కోట్ల వ్యయంతో ఏర్పాటు చేస్తున్నారు. రెండు వందల మంది ఐటి నిపుణులకు ఉపాధి లభిస్తుంది. రూరల్ టెక్నాలజీ యూనిట్స్‌ను టూ టైర్ నగరాల్లో ఏర్పాటు చేస్తున్నారు. కరీంనగర్, మెదక్, నిజామాబాద్ జిల్లాల్లో కాకతీయ శాండ్ బాక్స్ ఫర్ సోషల్ ఎంటర్ ప్రెన్యూర్‌షిప్ కేంద్రాలను ఏర్పాటు చేశారు. సైబర్ సెక్యూరిటీ పాలసీతో ఐటి రంగానికి టెక్నాలజీపరంగా సవాళ్లు ఎదురుకాకుండా చర్యలు తీసుకుంటున్నారు. లీగల్ రెగ్యులేటరీ, ఎన్‌ఫోర్స్‌మెంట్, సైబర్ సెక్యూర్ కల్చర్, బిజినెస్ డెవలప్‌మెంట్ విధానాన్ని ఖరారు చేశారు.
ఇ వేస్ట్ పాలసీని తెలంగాణ ప్రభుత్వం ఖరారు చేసింది. దేశంలో ఇ-వేస్ట్ సాలీనా 25 శాతం పెరుగుతోంది. హైదరాబాద్‌లో సాలీనా 25 ఎంటి ఇవేస్ట్ ఉత్పత్తిఅవుతోంది. ఇ-వేస్ట్ యాజమాన్య విధానాలను అమలు చేసేందుకు పటిష్టమైన విధానాన్ని అమలు చేస్తున్నట్లు సామాజిక, ఆర్థిక సర్వే అవుట్‌లుక్‌లో పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.