రాష్ట్రీయం
నూతనోత్తేజాన్ని నింపే ఉగాది
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 17: ప్రకృతితో ముడిపడి ఉన్న ఉగాది అందరి జీవితాల్లో నూతన ఉత్తేజాన్ని నింపుతుందని ఉప రాష్టప్రతి వెంకయ్య నాయుడు అన్నారు. శనివారం రాత్రి రాజ్‌భవన్‌లో జరిగిన ఉగాది వేడుకల్లో ఆయన ముఖ్యఅతిధిగా పాల్గొన్నారు. పండుగల వెనుక శాస్ర్తియ సందేశం ఉంటుందని, అందులో ఉగాదికి ఎంతో ప్రాముఖ్యత ఉందని అన్నారు. తెలుగువారికి నూతన సంవత్సరం ఉగాదేనన్న విషయం కూడా చాలామందికి తెలియదని అన్నారు. పండుగలంటే సెలవుల కోసమేనన్న భావన పిల్లల్లో ఉందని దానిని తొలగించాలని కోరారు. ప్రకృతితో మమేకమై జీవించాలని ఉగాది మనకు భోదిస్తుందని, ఉగాది పచ్చడిలో తీపి, చేదు, వగరు కష్టసుఖాల మేళవింపే జీవితమని చెబుతాయని అన్నారు.
జీవితం అంటే ఆర్థిక పరిపుష్టి, ఉద్యోగ ఉన్నతి, రాజకీయ పదోన్నతే కాదని సర్వకళలను తెలుసుకొని ఆస్వాదించడమే జీవిత పరమార్థమని వివరించారు. విశ్వమానవాళి మేలుకోరుకునే సంస్కృతి భారతీయులదని అన్నారు. మన సంస్కృతి, సాంప్రదాయాలు, మాతృబాషను పరిరక్షించుకోవాల్సిన బాధ్యత ప్రతి ఒక్కరిపై ఉందని అన్నారు. విళంబి నామ సంవత్సరం తెలుగు రాష్ట్రాలతోపాటు దేశ ప్రజలందరికీ సుఖసంతోషాలను పంచునుందని గరవ్నర్ నర్సింహన్ అన్నారు. గతంలో ఎన్నడూ లేనివిధంగా గరవ్నర్ నర్సింహన్ వచ్చిన తరువాత రాజ్‌భవన్‌లో ఉగాది వేడుకలు నిర్వహిస్తూ కొత సంప్రదాయానికి నాంది పలికారని ముఖ్యమంత్రి చంద్రశేఖర్ రావు అన్నారు. రాష్ట్ర ప్రజలందరి జీవితాల్లో ఉగాది సకల సంతోషాలను ఇస్తుందని అన్నారు. కొండగడప శ్రీవిద్య శ్రీ్ధరశర్మ పంచాంగ శ్రవణం చేశారు. ఈ సందర్భంగా నిర్వహించిన సంస్కృతిక కార్యక్రమాలు ఎంతగానో ఆకట్టుకున్నాయి.
చిత్రాలు...శనివారం రాత్రి రాజ్‌భవన్‌లో జరిగిన ఉగాది వేడుకల్లో ఉప రాష్టప్రతి వెంకయ్య నాయుడును సత్కరిస్తున్న గవర్నర్ నరసింహన్. పక్కన తెలంగాణ ముఖ్యమంత్రి కె. చంద్రశేఖర్ రావు.
*ఈ సందర్భంగా నిర్వహించిన సాంస్కృతిక కార్యక్రమాలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.