రాష్ట్రీయం
వచ్చే ఏడాది నుంచే తెలుగు తప్పనిసరి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 24: పాఠశాల స్థాయిలో విద్యార్థులు తెలుగు భాషను తప్పని సరిగా చదవాలని ప్రభుత్వం తీసుకున్న నిర్ణయానికి సంబంధించిన బిల్లు శనివారం శాసనసభలో ఏకగ్రీవంగా ఆమోదం పొందింది. ఉపముఖ్యమంత్రి కడియం శ్రీహరి హఠాత్తుగా బిల్లును శాసనభలో ప్రవేశపెట్టారు. శనివారం ఉదయం అసెంబ్లీకి సమర్పించిన అజండాలో బిల్లు ప్రస్తావన లేదు. అసెంబ్లీ సమావేశాలు మరో రెండురోజుల పాటే జరుగుతుండటంతో హడావుడిగా ప్రవేశపెట్టాల్సి వచ్చిందని కడియం వివరించారు. సభ్యులు ఏమైనా సూచనలు, సలహాలిస్తే నియమావళిలో పొందుపరుస్తామని హామీ ఇచ్చారు. 2018-19 విద్యాసంవత్సరం నుండే తెలుగు భాషను తప్పనిసరిగా చదవాలన్న నిబంధనను అమలు చేస్తామన్నారు. ప్రాథమిక స్థాయిలో 1 నుండి 5 వరకు ఒకదశగా, ఉన్నతస్థాయిలో 6 నుండి 10 వరకు రెండోదశగా తెలుగు భాషాబోధన అమలు చేస్తామన్నారు. ఒకటో తరగతి విద్యార్థులు తెలుగు తప్పనిసరిగా చదివేందుకు పాఠ్యపుస్తకాన్ని 2018-19లో ప్రారంభిస్తామన్నారు. తర్వాత ఒక్కో సంవత్సరం తదుపరి తరగతిలో అంటే రెండు, మూడు, నాలుగు, ఐదో తరగతికి ప్రవేశపెడుతూ ఐదేళ్లలో ఐదోతరగతి వరకు అమలు చేస్తామన్నారు. అలాగే ఉన్నతస్థాయికి సంబంధించి ఆరోతరగతిలో 2018-19 సంవత్సరంలో తెలుగుభాషాబోధన ప్రారంభమవుతుందని, ఆ తర్వాత 7, 8, 9, పదోతరగతి వరకు ఒక్కో సంవత్సరం ఒక్కో తరగతికి ఐదేళ్లలో అమల్లోకి తెస్తామన్నారు. రాష్ట్ర ప్రభుత్వ పరిధిలోని పాఠశాలలు, తెలంగాణలో నడుస్తున్న కేంద్రప్రభుత్వం పరిధిలోని పాఠశాలలు, ఎయిడెడ్ పాఠశాలలు, ప్రైవేట్ పాఠశాలలు, తమిళం, కన్నడం, ఒరియా, ఉర్దూ తదితర మీడియంలలోని పాఠశాలల్లో కూడా తెలుగు తప్పనిసరిగా విద్యార్థులు నేర్చుకోవాల్సి ఉంటుందని స్పష్టం చేశారు. పుస్తకాల తయారీ బాధ్యతను తెలుగు సాహిత్య అకాడమి, తెలుగు విశ్వవిద్యాలయం సంయుక్తంగా నిర్వహిస్తాయని కడియం తెలిపారు. సభ్యులు కిషన్‌రెడ్డి, జాఫర్‌హుస్సేన్, ఆర్. కృష్ణయ్య, సున్నంరాజయ్య తమ అభిప్రాయాలను తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.