రాష్ట్రీయం
అట్టహాసంగా శోభాయాత్ర
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: నగరంలో నిర్వహించిన శ్రీరామనవమి శోభాయాత్ర దిగ్విజయంగా ముగిసింది. ఎటువంటి సంఘటనలు చోటు చేసుకోకుండా భక్తిశ్రద్దలతో శ్రీరాముడి శోభయాత్రను పూర్తి కావడంతో నగర పోలీసులు ఊపిరి పీల్చుకున్నారు. దాదాపు 20 వేల మంది పోలీసుల పహారాలో, నిఘా నీడలో ప్రశాంతంగా పూర్తవడంతో పోలీసులు గండం గడిచిందని అనుకున్నారు. ఆదివారం కావడం, శ్రీరాముడి శోభాయాత్రను కనులారా వీక్షించేందుకు వేలాదిగా తరలి వచ్చారు. కిలోమీటర్ దూరానికి ఒక ఆఫీసర్ పర్యవేక్షణ ఏర్పాటు చేసి, సాయుధ బలగాలను రక్షణగా ఏర్పా టు చేశారు. దాదాపు 300 సిసి కెమెరాలను ప్రత్యేకంగా ఏర్పాటు చేశారు. సీతారాంబాగ్ రాణి అవంతిబాయ్ ఆలయం వద్ద నుంచి ప్రారంభమైన శోభాయాత్ర గౌలిగూడ రామమందిరం వరకు కొనసాగింది. దాదాపు 8 కి.మీ దూరం జరిగిన యాత్ర ను కంటికి రెప్పలా నిఘాతో పోలీసులు పర్యవేక్షించారు. నగర పోలీసు కమిషనర్ అంజనీకుమార్ స్వయంగా భద్రత ఏర్పాట్లను ఎప్పటికప్పుడు పర్యవేక్షించారు. కమాండ్ కంట్రోల్ రూం నుంచి నేరుగా పర్యవేక్షించి కింది స్ధాయి అధికారులకు ఎప్పటికప్పుడు సూచనలు చేశారు. దక్షిణ మండల డిసిపి సత్యనారాయణ ఈ భద్రత ఏర్పాట్లను పర్యవేక్షించారు. యాత్ర జరిగిన రూట్ మొత్తం సీనియర్ ఆఫీసర్లకు బాధ్యతలు అప్పగించారు. కాగా ఒక దశలో శోభాయాత్రకు సంబంధించి కొన్ని అవాంఛనీయ సంఘటనలు జరిగినట్లు వదంతులు రావడంతో పోలీసులు తీవ్రంగా పరిగణించారు. నగర పోలీసు కమిషనర్ అంజనీకుమార్ ఇలాంటి వదంతులు సృష్టించే వారిపై కఠిన చర్యలు తీసుకుంటామని హెచ్చరించారు.
ఈ సందర్భంగా ఆయన మీడియాతో మాట్లాడుతూ కమాండ్ కంట్రోల్ సెంటర్ ద్వారా నిశితంగా యాత్రను పరిశీలించామని తెలిపారు. భక్తులు సహకరించి ఆనందోత్సాహాల మధ్య శ్రీరాముడి శోభాయాత్రలో పాల్గొని ఆనందించారని అన్నారు. పోలీస్‌తో పాటు జిహెచ్‌ఎంసి, ఆర్‌అండ్‌బి, వాటర్‌వర్క్స్, ఎలక్ట్రిసిటీ, ఫైర్ సర్వీస్, ఇతర కీలక శాఖల అధికారులంతా సమన్వయంతో కమాండ్ కంట్రోల్ సెంటర్ ద్వారా సమీక్షించారని తెలిపారు.
చిత్రం..హైదరాబాద్ నగరంలో నిర్వహిస్తున్న శ్రీరామనవమి శోభాయాత్ర
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.