రాష్ట్రీయం
పైరుపచ్చల పాలమూరు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 26: కృష్ణాజలాలు పాలమూరు పొలాలకు తరలుతుండటంతో దశాబ్దాల తరబడి బీడుగావున్న పంటపొలాలు పచ్చగా కళకళలాడుతున్నాయి. సీఎం కేసీఆర్ నేతృత్వంలో తీసుకున్న నిర్ణయాలతో మూడేళ్ల నుంచి పాలమూరు జిల్లాలోని పొలాలకు సాగునీరు అందుతోంది.
కృష్ణాజలాలను పాతపాలమూరు జిల్లా (ప్రస్తుతం మహబూబ్‌నగర్, గద్వాల, వనపర్తి, నాగర్‌కర్నూలు) లోని రైతుల పొలాలకు అందించేందుకు జూరాల ప్రాజెక్టుతో పాటు నెట్టెంపాడు, బీమా, కోయిల్‌సాగర్ పథకాలు నడుస్తున్నాయి. పాలమూరు- రంగారెడ్డి ఎత్తిపోతల పథకం పనులు యుద్ధప్రాతిపదికన నడుస్తున్నాయి. మహాత్మాగాంధీ ఎత్తిపోతల (కల్వకుర్తి ఎత్తిపోతల) పథకం ద్వారా నీటిని ఇవ్వడం ప్రారంభించారు. కల్వకుర్తి ఎత్తిపోతల ద్వారా మొత్తం 27 మండలాల్లోని 4,23,416 ఎకరాలకు సాగునీటిని ఇవ్వాలని లక్ష్యంగా పెట్టుకోగా, ఇప్పటివరకు 2,21,341 ఎకరాలకు సాగునీటిని ఇస్తున్నారు. మరో రెండులక్షల ఎకరాలకు నీటిని ఇవ్వాల్సి ఉంది. నిర్మాణ పనులు వేగంగా జరుగుతుండటంతో మరో రెండేళ్లలో పూర్తిస్థాయి భూమికి సాగునీరు అందించేందుకు ప్రయత్నిస్తున్నారు. కల్వకుర్తి ఎత్తిపోతల ద్వారా కొల్లాపూర్, నాగర్‌కర్నూలు, కల్వకుర్తి, అచ్చంపేట, జడ్చర్ల
శాసనసభా నియోజకవర్గాల పరిధిలోని 303 గ్రామాలకు తాగునీటిని 4.24 లక్షల ఎకరాలకు సాగునీటిని అందించేందుకు తాజాగా నిర్ణయం తీసుకున్నారు. 2003 లో మొట్టమొదట తీసుకున్న నిర్ణయం ప్రకారం కేవలం 2.50 లక్షల ఎకరాలకే సాగునీటిని ఇవ్వాలని ప్రతిపాదించారు. ఆ తర్వాత ప్రజల కోరిక, ఎమ్మెల్యేల కోరికమేరకు కేసీఆర్ తీసుకున్న నిర్ణయం మేరకు 2017 సెప్టెంబర్ 1 న తుది జీఓ వచ్చింది. ఈ జీఓ ప్రకారమే ఈ ప్రాజెక్టు ద్వారా 4,23,416 ఎకరాలకు సాగునీటిని, 303 గ్రామాలకు తాగునీటిని ఇచ్చేందుకు వీలుగా 4896 కోట్ల రూపాయలు ఖర్చు చేసేందుకు పరిపాలనాపరమైన అనుమతి ఇచ్చారు.
మూడు దశల్లో ఎత్తిపోతల
మూడు దశల్లో కృష్ణానీటిని (శ్రీశైలం బ్యాక్‌వాటర్) ఎత్తిపోసి పంటపొలాలకు ఇవ్వాలని డిపిఆర్ (సమగ్ర ప్రాజెక్ట్ నివేదిక) రూపొందించారు. కృష్ణాబ్యాక్‌వాటర్‌ను కొల్లాపూర్ మండలంలోని ఎల్లూరు సమీపంలోని రేగుమాన్‌గడ్డ వద్ద ఎత్తిపోసేందుకు మొదటి లిఫ్ట్‌ను ఏర్పాటు చేశారు. మొత్తం ఐదు మోటార్లను ఉపయోగించి పంపుల ద్వారా నాలుగువేల క్యూసెక్కుల నీటిని 95 మీటర్లు ఎత్తిపోస్తారు. ఈ నీరు సింగోటం చెరువుమీదుగా కోడేరు మండలంలోని జొన్నల బొగుడ బ్యాలెన్సింగ్ రిజర్వాయర్ (జెబిబిఆర్) కు చేరుతుంది. అక్కడ మరో ఐదుమోటార్ల ద్వారా నాలుగువేల క్యూసెక్కుల నీటిని 86 మీటర్లు ఎత్తిపోస్తారు. ఆ తర్వాత ఈ నీరు గోపాల్‌పేట మండలంలోని గౌరిదేవిపల్లి గ్రామం వద్ద నిర్మిస్తున్న గుడిపల్లిగట్టు బ్యాలెన్సింగ్ రిజర్వాయర్‌కు చేరుతుంది. అక్కడ మరో ఐదు మోటార్లను ఏర్పాటు చేసి 3200 క్యూసెక్కుల నీటిని 117 మీటర్లు ఎత్తిపోసి కల్వకుర్తి, అచ్చంపేట అసెంబ్లీ నియోజకవర్గాలవైపు వెళ్లే కాలువలకు అందిస్తారు. ఈ మూడుదశల్లోనూ ఎత్తిపోతల పాక్షికంగా పూర్తికావడంతో నీటిని తరలిస్తున్నారు.
ఈ ప్రాజెక్టుకు 4896.24 కోట్ల రూపాయలు ఖర్చవుతాయని అంచనావేయగా, 2018 ఫిబ్రవరి వరకు 3784 రూపాయలు ఖర్చు చేశారు. 2017-18లో ప్రభుత్వం కేటాయించిన 1112 కోట్లలో ఎంత ఖర్చయిందో ఈ నెల పూర్తయితే తేలుతుంది. 2018-19 వార్షిక బడ్జెట్‌లో కల్వకుర్తి ఎత్తిపోతలకు 500 కోట్లు కేటాయించారు. కొల్లాపూర్, నాగర్‌కర్నూలు, వనపర్తి శాసనసభా నియోజకవర్గాల్లోని చెరువులను, కుంటలను నింపడం ద్వారా సాగుభూమికి నీటిని ఇవ్వడం ప్రారంభించడంతో ఈ ప్రాంతాల్లో భూగర్భజలాలూ బాగా పెరిగాయి. ఇటీవలే కల్వకుర్తి, జడ్చర్ల, అచ్చంపేట నియోజకవర్గాల్లోని చెరువులు, కుంటలను నీటితో నింపారు. కల్వకుర్తి ఎత్తిపోతల ద్వారా మొత్తం 40 టీఎంసీల నీటిని వినియోగించాలని ప్రతిపాదించారు. ప్రభుత్వ ఖజానాతోపాటు ఆర్థిక సంస్థల నుండి నిధులు సేకరించి ఈ ప్రాజెక్టుపనులను యుద్ధప్రాతిపదికన పూర్తి చేయాలని భావిస్తున్నారు.
చిత్రం..పాలమూరువైపు పరుగులు తీస్తున్న కృష్ణమ్మ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.