రాష్ట్రీయం
పీఆర్‌కు కొత్త చట్టం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ద్రవ్య వినిమయ బిల్లుకు శాసనసభ ఆమోదం లభించినప్పటికీ కొత్త పంచాయతీరాజ్ చట్టం ఆమోదానికి బుధ, గురువారం రెండు రోజుల పాటు సభ కొనసాగనుంది. కొత్త పంచాయతీరాజ్ చట్టం ముసాయిదా బిల్లును సభలో ప్రభుత్వం బుధవారం ప్రవేశపెట్టబోతుంది. ఈ బిల్లుపై సభలో గురువారం చర్చించి ఆమోదించాక చట్టంగా మారనుంది. కొత్త పంచాయతీరాజ్ చట్టం ద్వారా సర్పంచ్‌లకు పూర్తి స్వేచ్ఛ, అధికారాలు లభించేలా చట్టాన్ని ప్రభుత్వం రూపొందించింది. సర్పంచ్‌ను సర్వ స్వతంత్రుడిని చేసేలా పూర్తి అధికారాలు కల్పించడమే కాకుండా బాధ్యతగా వ్యవహరించని పక్షంలో పదవీచ్యుడ్ని చేసే అధికారం ప్రభుత్వం కలిగి ఉండటం చట్టంలో కీలకమైన అంశంగా అధికార వర్గాల సమాచారం. ప్రస్తుత పంచాయతీరాజ్ చట్టం ప్రకారం గ్రామ సభలను ఏడాదికి రెండుసార్లు తప్పనిసరిగా నిర్వహించాల్సి ఉంది. కొత్త చట్టం ప్రకారం ఇకనుంచి ప్రతీ రెండు నెలలకోసారి తప్పనిసరిగా గ్రామ సభలను నిర్వహించాలని ముసాయిదా చట్టంలో పేర్కొన్నట్టు సమాచారం. నిధులు, విధులలో సర్పంచ్‌లకే పూర్తి కార్యనిర్వహక అధికారాలను కల్పిస్తున్నట్టు ముసాయిదా బిల్లులో పేర్కొన్నట్టు తెలిసింది. మండల పరిషత్, జిల్లా పరిషత్‌లలో కో-ఆప్షన్ సభ్యులను నియమించే విధానం కొనసాగుతుంది. ఇదే మాదిరిగా గ్రామ పంచాయతీల్లో కూడా ఇక నుంచి కో-ఆప్షన్ సభ్యులను నిమించుకునే అవకాశాన్ని కొత్త పంచాయతీరాజ్ చట్టంలో కల్పించినట్టు తెలిసింది. కొత్త చట్టంపై అధ్యయనం చేసి ప్రభుత్వానికి సిఫారసు చేయడానికి ఏర్పాటు చేసిన మంత్రివర్గ ఉప సంఘం కూడా ఈమేరకు సిఫారసు చేసినట్టు సమాచారం. సర్పంచ్‌లు మరింత ఎక్కువ సమయం, దృష్టి కేంద్రీకరించడానికి గౌరవ వేతనాన్ని కూడా రెండు రెట్లు పెంచినట్టు తెలిసింది. ప్రస్తుతం సర్పంచ్‌లు గౌరవ వేతనంగా నెలకు రూ. 5 వేలు పొందుతుంటే, ఇకనుంచి దీనిని మూడింతలు పెంచి రూ. 15 వేలుగా ముసాయిదాలో పేర్కొన్నట్టు తెలిసింది. గ్రామ పంచాయతీకి కేంద్రం, రాష్ట్రంనుంచి వచ్చే నిధులు, గ్రాంట్లను వినియోగించుకోవడంలో గ్రామ కార్యదర్శి సంతకం లేకుండానే సర్పంచ్‌లకే అధికారాన్ని కట్టబెట్టినట్టు తెలిసింది. గ్రామ స్వరాజ్యం సాకారం కావడంతో పాటు స్థానిక పాలనకు కొత్తరూపు తీసుకరావాలన్న సంకల్పంతో ఈ చట్టాన్ని రూపొందించినట్టు మంత్రివర్గ ఉప సంఘం ఇదివరకే ప్రకటించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.