రాష్ట్రీయం
జీశాట్-6ఏ ప్రయోగం రేపే
S ,7 à 8 RSCA (si SASPAS) et 6 cialis pharmacie cialis rapports de stage.
సూళ్లూరుపేట, మార్చి 27: భారత అంతరిక్ష పరిశోధన సంస్థ (ఇస్రో) సమాచార రంగంలో ముందడుగు వేసేందుకు మరో ప్రయోగానికి శ్రీకారం చుట్టింది. పూర్తి స్వదేశీ పరిజ్ఞానంతో కమ్యూనికేషన్ రంగానికి చెందిన జీశాట్-6ఏ ఉపగ్రహాన్ని రూపొందించి ప్రయోగానికి సర్వం సిద్ధం చేసింది. నెల్లూరు జిల్లా శ్రీహరికోటలోని భారత అంతరిక్ష ప్రయోగ కేంద్రం సతీష్ థావన్ స్పేస్ సెంటర్ (షార్) నుంచి గురువారం సాయంత్రం 4గంటల 56నిమిషాలకు జీఎస్‌ఎల్‌వీ-ఎఫ్ 08 రాకెట్ ద్వారా ఈ ఉపగ్రహాన్ని రోదసీలోకి పంపనున్నారు. ప్రయోగ సన్నాహాల్లో భాగంగా మంగళవారం షార్‌లోని బ్రహ్మప్రకాష్ హాలులో డాక్టర్ బిఎన్.సురేష్ అధ్యక్షతన జరిగిన మిషన్ రెడీనెష్ రివ్యూ సమావేశంలో (ఎంఆర్‌ఆర్) శాస్తవ్రేత్తలు పాల్గొని ప్రయోగం పై సుదీర్ఘంగా చర్చించారు. ఎంఆర్‌ఆర్ అనంతరం షార్ డైరెక్టర్ పి.కున్హికృష్ణన్ ఆధ్వర్యంలో లాంచింగ్ ఆథరైజేషన్ బోర్డు (ఎల్‌ఎబి)సమావేశమై ప్రయోగానికి సంసిద్ధత తెలిపారు. ప్రయోగానికి సంబంధించిన కౌంట్‌డౌన్ 27గంటలు ముందు అనగా బుధవారం మధ్యాహ్నం 1:56గంటలకు ప్రారంభం కానుంది. కౌంట్‌డౌన్ సజావుగా 27గంటలు కొనసాగినంతరం జీఎస్‌ఎల్‌వీ-ఎఫ్ 08 రాకెట్ షార్‌లోని రెండో ప్రయోగ వేదిక నుండి నిప్పులు చిమ్ముతూ నింగిలోకి దూసుకెళ్లనుంది. 2140కిలోల బరువుగల జీశాట్-6ఎ కమ్యూనికేషన్ శాటిలైట్‌ను ఈ రాకెట్ ద్వారా కక్ష్యలోకి ప్రవేశపెట్టనున్నారు. సమాచార వ్యవస్థను మరింత మెరుగుపరడానికి ఇస్రో ఈ ఉపగ్రహాన్ని రూపొందించి ప్రయోగిస్తోంది. ఇది విజయవంతమైతే 12సంవత్సరాల పాటు సేవలు అందించనుంది. 49 మీటర్ల ఎత్తు 415టన్నుల బరువుగల జీఎస్‌ఎల్‌వీ-ఎఫ్ 08 రాకెట్‌ను శాస్తవ్రేత్తలు మూడు దశల్లో ప్రయోగించనున్నారు. రాకెట్ భూమి నుంచి ఎగిరిన అనంతరం 17నిమిషాల 46సెకన్లకు భూమికి దగ్గరగా (పెరిజి) 170కి.మీ దూరంలో భూమికి దూరంగా (అపోజి) 35,975కి.మీ ఉపగ్రహాన్ని నిర్ణీత కక్ష్యలోకి చేర్చనుంది. జీఎస్‌ఎల్‌వీ ప్రయోగాల పరంపరంలో ఇది 12వది కాగా స్వదేశీ క్రయోజనిక్ ప్రయోగాల్లో 6వది కావడం విశేషం. ప్రయోగ నేపధ్యంలో ఇస్రో చైర్మన్ డాక్టర్ కె.శివన్ బుధవారం షార్‌కు రానున్నారు. షార్‌కు చేరుకున్నంతరం ఆయన కౌంట్‌డౌన్ ప్రక్రియను పరిశీలించి శాస్తవ్రేత్తలతో సమావేశమై ప్రయోగ వివరాలడిగి తెలుసుకోనున్నారు. అనంతరం చెంగాళమ్మ ఆలయానికి చేరుకుని రాకెట్ విజయం కోసం పూజలు చేయనున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.