రాష్ట్రీయం
ఆర్థిక క్రమశిక్షణ తప్పింది
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 29: తెలంగాణ ప్రభుత్వం ఆర్థిక క్రమశిక్షణ తప్పిందని భారత కంప్ట్రోలర్ ఆడిటర్ జనరల్ (కాగ్) ఆక్షింతలు వేసింది. శాసనసభ బడ్జెట్ సమావేశాల ముగింపు రోజున గురువారం సభలో ‘కాగ్’ తన నివేదికను సమర్పించింది. ఇందులో ప్రధానంగా రాష్ట్ర ప్రభుత్వానికి ఆర్థిక క్రమశిక్షణ లేదని కాగ్ తప్పుపట్టింది. ఆర్థిక సంవత్సరం 2016-17లో రాష్ట్రం రూ.1386 కోట్ల రెవిన్యూ మిగులును నమోదు చేయగా, పద్దుల నమోదులో సరైన పద్ధతులను పాటించని కారణంగా రెవిన్యూ మిగులు రూ.6,778 కోట్లు ఎక్కువ చేసి చూపిందని కాగ్ ఎత్తిచూపింది. ప్రభుత్వం చూపెట్టిన రెవిన్యూ మిగులును మినహాయిస్తే మొత్తంగా 2016-17లో రూ.5,392 కోట్ల రెవిన్యూ లోటు ఏర్పడిందన్నారు. రాష్ట్ర స్థూల గృహోత్పత్తిలో (జిఎస్‌డిపి) ద్రవ్యలోటు రూ.35,281 (5.46శాతం) చూపించిందని, అయితే రాష్ట్రం అప్పుగా తెచ్చుకున్న నిధులను రెవిన్యూ రాబడులుగా లెక్కించడం వల్ల ద్రవ్యలోటును రూ.2500 కోట్లు తక్కువ చేసి చూపించిందని కాగ్ తప్పుపట్టింది. ఉజ్వల్ డిస్కం అస్యూరెన్స్ యోజన (ఉదయ్) పథకం కింద బదిలీ చేసిన మొత్తం రూ.7500 కోట్లు మినహాయించిన తర్వాత జిఎస్‌డిపిలో ద్రవ్యలోటు నిష్పత్తి 4.3శాతంగా ఉందన్నారు. ఇది 2016-17 సంవత్సరానికి 14వ ఆర్థిక సంఘం నిర్దేశించిన రాష్ట్ర ద్రవ్య బాధ్యత- బడ్జెట్ నిర్వహణ (ఎఫ్‌ఆర్‌బిఎం) లక్ష్యంగా నిర్దేశించిన 3.5 శాతం పరిమితి కంటే ఎక్కువగా ఉందని కాగ్ పేర్కొంది. ఉదయ్ పథకం కింద రూ.8,931 కోట్లు బాండ్ల ద్వారా
అప్పు తెచ్చుకుందన్నారు. ఈ ఏడాది ముగిసే నాటికి ప్రభుత్వం రూ.7500 కోట్లు మాత్రమే డిస్కమ్‌లకు విడుదల చేసిందన్నారు. డిస్కంలకు బదిలీ చేసిన మొత్తాన్ని క్యాపిటల్ వ్యయం కింద ఈక్విటీగా పద్దుల్లో చూపించడం వల్ల రెవిన్యూ మిగులు అధికంగా కనిపించిందన్నారు. డిస్కంలకు మిగతా రుణాలకు, బ్యాంకులు, ఆర్థిక సంస్థలు, కొత్త బాండ్లు జారీ చేయాలని ఉదమ్ పథకంలో నిర్దేశించినప్పటికీ జారీ చేయలేదని కాగ్ ఎత్తి చూపింది. క్యాపిటల్ వ్యయం రూ.33,371 కోట్లు కాగా బడ్జెట్ అంచన రూ.29,313 కోట్ల కంటే ఎక్కువగా ఉందని పేర్కొంది. ఈ ఏడాది రాష్ట్రం మొత్తం వ్యయ్లోం రెవిన్యూ వ్యయం 69 శాతంగా నమోదు కాగా ఇది వర్తమాన వినియోగ స్వభావం కలిగిన ఖర్చు అని గుర్తు చేసింది. వౌలిక వసతులు, ఆస్తుల కల్పనలో పెట్టుబడికి 31 శాతం మాత్రమే మిగిలిందన్నారు. మార్చి 2017 నాటికి రాష్ట్ర అప్పులను పరిశీలిస్తే 49 శాతం రుణాలను రూ.56,388 కోట్ల రుణాన్ని రాబోయే ఏడు సంవత్సరాల్లో చెల్లించాల్సి ఉంటుందన్నారు. పన్నుల రాబడిలో తిరిగి చెల్లించిన రుణాల శాతం 2015-16లో 7.12 శాతం కాగా ఇది 2016-17లో 32.16 శాతానికి పెరిగిందని కాగ్ గుర్తు చేసింది.
అలాగే 2014-15, 2015-16 సంవత్సరాలకు సంబంధించిన కేటాయింపుల కంటే అధికంగా అయిన ఖర్చు రూ.6,184 కోట్లను 2017 డిసెంబర్ నాటికి కూడా క్రమబద్ధీకరించలేదని కాగ్ తప్పుపట్టింది. గ్రాంట్లకు మించి ఖర్చు చేసిన కేసులు తీవ్ర ఉల్లంఘనలే కాకుండా శాసనసభ అభీష్టానికి విఘాతం కలిగిస్తాయని ‘కాగ్’ అభిప్రాయపడింది.
2016-17 ఆర్థిక సంవత్సరంలో మిగులు రూ.31,662 కోట్లకుగాను రూ.49,283 కోట్లు సరండర్ చేయడం వల్ల ఇందులో రూ.41,384 కోట్లు (84 శాతం) ఆర్థిక సంవత్సరం చివరి రోజు మార్చి31, 2017 సరండర్ చేయడం వల్ల దీని ప్రాధాన్యతా రంగాలకు నిధులు అందుబాటులో లేకపోవడం వల్ల ఆశించిన అభివృద్ధిపై ప్రభావం చూపుతుందని కాగ్ అభిప్రాయపడింది.
చిత్రం: గురువారం అకౌంటెంట్ జనరల్ (ఏజీ) ఆఫీసులో మీడియాతో మాట్లాడుతున్న కాగ్ అధికారులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.