రాష్ట్రీయం
వైఫల్యాలపై శంఖారావం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 31:ప్రభుత్వ వైఫల్యాలే ప్రచారాస్త్రాలుగా కాంగ్రెస్ పార్టీ మలి విడత బస్సు యాత్ర ఆదివారం (ఏప్రిల్ 1) నుంచి ప్రారంభంకానున్నది. మార్చిలో బస్సు యాత్రను చేవెళ్ళ నుంచి ఆరంభించినా, ఎఐసిసి ప్లీనరీ,అసెంబ్లీ, కౌన్సిల్ బడ్జెట్ సమావేశాల దృష్ట్యా తాత్కాలికంగా దానికి బ్రేకు పడిన సంగతి తెలిసిందే. అసెంబ్లీ, కౌన్సిల్‌లు నిరవధికంగా వాయిదా పడినందున టీపీసీసీ అధ్యక్షుడు ఎన్.ఉత్తమ్‌కుమార్ రెడ్డి నేతృత్వంలో మలి విడత బస్సు యాత్ర ప్రారంభంకానున్నది. చేవెళ్ళ నుంచి నుంచి ప్రారంభమైన తొలి విడత బస్సు యాత్రలో 17 నియోజకవర్గాల్లో నిర్వహించగా, ఈ దఫా 10 రోజుల పాటు 18 నియోజకవర్గాల్లో యాత్ర కొనసాగనున్నది. ఈ దఫా ఏప్రిల్ 1న సాయంత్రం 6 గంటలకు బస్సు యాత్రను రామగుండంలో ఉత్తమ్‌కుమార్ రెడ్డి ప్రారంభించనున్నారు. అక్కడ బహిరంగ సభ నిర్వహించిన అనంతరం రాత్రి అక్కడే బస చేసి, మర్నాడు 2వ తేదీన పెద్దపల్లికి చేరుకుంటారు. అక్కడ సాయంత్రం 6 గంటలకు బహిరంగ సభలో పాల్గొంటారు. 3న మంథనిలో మధ్యాహ్నం 2 గంటలకు, భూపాల్‌పల్లిలో సాయంత్రం 6 గంటలకు బహిరంగ సభలు ఏర్పాటు చేశారు. బుధవారం స్టేషన్ ఘన్‌పూర్‌లో మధ్యాహ్నం 2 గంటలకు, పాలకుర్తిలో సాయంత్రం 6 గంటలకు, గురువారం సాయంత్రం 5 గంటలకు, శుక్రవారం మధ్యాహ్నం 2 గంటలకు పరకాల, సాయంత్రం 6 గంటలకు పశ్చిమ వరంగల్, ఏప్రిల్ 7న మధ్యాహ్నం 2 గంటలకు ఇల్లెందులో సాయంత్రం 6 గంటలకు, 8వ తేదీన మధ్యాహ్నం 2 గంటలకు డోర్నకల్‌లో సాయంత్రం 6 గంటలకు, ఏప్రిల్ 9న భద్రాచలంలో రామలయాన్ని దర్శించుకుని అనంతరం వెంకటాపూర్‌లో పార్టీ నాయకులతో సమావేశమవుతారు. సాయంత్రం 5 గంటలకు ములుగులో సభ జరుగుతుంది. 10న మధ్యాహ్నం 2 గంటలకు వర్ధన్నపేట, సాయంత్రం 6 గంటలకు వరంగల్ తూర్పులో సమావేశాలు జరుగుతాయని ఉత్తమ్‌కుమార్ రెడ్డి పిఆర్‌వో కె. హరి ప్రసాద్ తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.