రాష్ట్రీయం
కాలితో కాన్వాస్ పెయింటింగ్
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఏప్రిల్ 1: కాలితో భారీ కాన్వాస్‌పై పెయింటింగ్ వేసి గిన్నిస్ రికార్డు సాధించిన మాగంటి జాహ్నవిని ముఖ్యమంత్రి చంద్రబాబు నాయుడు దంపతులు అభినందించారు. జాహ్నవి తన తల్లిదండ్రులతో కలిసి ఉండవల్లి నివాసంలో ఆదివారం ముఖ్యమంత్రిని కలిసింది. పిన్న వయస్సులోనే వినూత్న తరహాలో పాదంతో భారీస్థాయి పెయింటింగ్ వేసి గిన్నిస్ రికార్డు పుస్తకంలో పేరు నమోదు చేయించుకున్నందుకు జాహ్నవిని చంద్రబాబు ప్రశంసించారు. సృజనాత్మకతతో ఊహల్లో భావన చేసి, దాన్ని వాస్తవం చేయడంలో విజయం దాగి ఉందని ఆయనన్నారు. మనసు పెట్టి సాధన చేస్తే జీవితంలో సాధించలేనిదంటూ ఏదీ లేదని అన్నారు. గతంలో 100 చదరపు అడుగుల మేర ఉన్న గిన్నిస్ రికార్డును అధిగమించి 140 చదరపు అడుగులకు పైగా టెన్నిస్ కోర్టు సగభాగంలో పాదంతో మూడు గులాబీ పువ్వులు, ఆకులు, బ్యాక్‌గ్రౌండ్ పచ్చదనంతో నింపి పెయింటింగ్ వేయడంలో సఫలీకృతమైన తీరు ప్రశంసనీయమని ఆయన కితాబిచ్చారు. కాలితో పెయింటింగ్ వేయడంలో ప్రావీణ్యం సాధించడం అందరికీ సాధ్యంకాని గొప్ప విషయమన్నారు. అరుదైన పెయింటింగ్‌తో పొందిన అనుభవాన్ని సమాజ సేవకు ఉపయోగిస్తే విస్తృతమైన అవకాశాలు లభిస్తాయన్నారు. బ్రిటన్‌లో విద్యాభ్యాసం ముగిసిన తర్వాత మనదేశంలో సేవలు అందించడానికి ప్రాధాన్యమివ్వాలని జాహ్నవికి సూచించారు. పెయింటింగ్‌లో మరింత సాధన చేసి మరెన్నో ప్రయోగాలకు నాంది పలకాలని చంద్రబాబు ఆకాంక్షించారు. ముఖ్యమంత్రి దంపతులు జాహ్నవికి జ్ఞాపిక అందజేసి, శాలువా కప్పి సన్మానించారు. 18ఏళ్ల జాహ్నవి ప్రస్తుతం బ్రిటన్‌లో యూనివర్సిటీ ఆఫ్ వార్విక్‌లో ఎకనామిక్స్, ఇండస్ట్రియల్ ఆర్గనైజేషన్‌లో బీఎస్సీ చదువుతోంది. పెయింటింగ్‌లో ఉన్న అనుభవాన్ని మరింత సానబట్టి రికార్డులు సృష్టించటంపై ధ్యాసపెట్టింది. వినూత్న రికార్డుకు నాంది పలికింది. హైదరాబాద్‌లోని లాంకో హిల్స్‌లో అందరి ముందు టెన్నిస్ కోర్టులో 140 చదరపు అడుగుల మేర మూడు గులాబీ పువ్వులు, మూడు ఆకులు, పచ్చదనంతో కాన్వాస్‌పై భారీ పెయింటింగ్ వేసి అబ్బురపర్చింది. ఆ సందర్భంలో చిత్రీకరించిన వీడియోను గిన్నిస్ బుక్ ఆఫ్ వరల్డ్ రికార్డ్స్ సంస్థకు పంపారు. జాహ్నవి శ్రమను, పెయింటింగ్‌లో ప్రావీణ్యాన్ని గుర్తించినట్లు గిన్నిస్ రికార్డ్స్ సంస్థ సర్ట్ఫికెట్ అందించింది.
చిత్రాలు.. జాహ్నవికి జ్ఞాపిక అందజేస్తున్న చంద్రబాబు.
*జాహ్నవి కాలితో వేసిన పెయింటింగ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.