రాష్ట్రీయం
బ్రిటిష్ పాలనను తలపిస్తున్న మోదీ
S ,7 à 8 RSCA (si SASPAS) et 6 cialis pharmacie cialis rapports de stage.
సూర్యాపేట, ఏప్రిల్ 1: దేశంలో ప్రధాని నరేంద్ర మోదీ విభజించు పాలించు పద్ధతిలో బ్రిటిష్ తరహా పాలనా విధానాన్ని అనుసరిస్త్తూ రాజకీయ ప్రయోజనాల కోసం ప్రజల మధ్య విద్వేషాలు రగిలిస్తున్నాడని సీపీఎం పొలిట్‌బ్యూరో సభ్యురాలు బృందాకారత్ విమర్శించారు. సీపీఎం 21 అఖిల భారత మహాసభల ప్రచారం సందర్భంగా ఆదివారం జిల్లా కేంద్రంలోని గాంధీపార్క్‌లో నిర్వహించిన ‘మతోన్మాదం-జాతీయ సమగ్రతకు ఎదురవుతున్న సవాళ్లు’ అన్న అంశంపై నిర్వహించిన సెమినార్‌లో ఆమె మాట్లాడారు. బీజేపీ, ఆర్‌ఎస్‌ఎస్ మతాన్ని అడ్డుపెట్టుకుని రాజకీయాలు సాగిస్తూ రాజ్యంగవిరుద్ధంగా వ్యవహరిస్తున్నాయన్నారు. కాంగ్రెస్ అధినేత రాహుల్‌గాంధీ సైతం మోదీ బాటలోనే సాగుతూ మతపరమైన ఓట్లకోసం గుళ్లు గోపురాలు తిరుగుతున్నారన్నారు. బీజేపీ గోసంరక్షణ విధానాలతో 12లక్షల మంది వ్యాపారులు రోడ్డునపడగా, గోరక్షక దళాలు సాగించిన హింసాకాండకు దేశ వ్యాప్తంగా వందలాదిమంది బలయ్యారన్నారు. బీజేపీ పాలిత రాష్ట్రాల్లోని ఆసుపత్రుల్లో వైద్యులకు బదులుగా స్వామీజీలను పెడుతూ ఆరోగ్య పరీక్షలను చేతిరేఖలు చూసి చెబుతున్నారంటూ ఎద్దేవా చేశారు. త్రిపురలో గెలుపుకోసం బీజేపీ ప్రజాస్వామ్యాన్ని ఖూనీ చేయగా, కాంగ్రెస్ అక్కడ బీజేపీకి అనుకూలంగా వ్యవహరించిందన్నారు. సీపీఎం శ్రేణులపై దాడులకు పాల్పడుతు పార్టీ అణచివేతకు ప్రయత్నిస్తున్నారని, ప్రజల గుండెల్లో ఉన్న ఎర్రజెండాను ఎవరూ నిర్వీర్యం చేయలేరన్నారు. మోదీ పాలనలో అన్నివర్గాలు ప్రజలు ఇబ్బందులకు గురవుతున్నారన్నారు. మహారాష్ట్ర రైతాంగం సాగించిన పాదయాత్ర తరహా రైతు ఉద్యమాలు సాగిస్తేనే ప్రభుత్వాలు రైతాంగ సమస్యలపై దృష్టి సారిస్తాయన్నారు. రైతాంగానికి కనీస మద్దతు ధర కల్పించడంలో కేంద్ర-రాష్ట్ర ప్రభుత్వాలన్నీ విఫలమయ్యాయన్నారు. దేశంలోని బీజేపీ వ్యతిరేక శక్తులను, లౌకికవాద పార్టీలను ఏకతాటిపైకి తెచ్చి బీజేపీ పాలనకు చరమగీతం పాడేందుకు సీపీఎం కృషి చేస్తుందన్నారు. తెలుగు రాష్ట్రాల అభివృద్ధికి పార్లమెంటు ఇచ్చిన హామీలను బీజేపీ ప్రభుత్వం తుంగలో తొక్కుతుందన్నారు. కెసిఆర్ ప్రభుత్వం బీజేపీ పట్ల ద్వంద్వ విధానాలు పాటిస్తుందని, పార్లమెంటులో అవిశ్వాస తీర్మానం చర్చకు రాకుండా బీజేపీకి సహకరించిందని ఆరోపించారు. సామాజిక న్యాయం, లౌకిక పాలన సాధనకు సీపీఎంను ప్రజలు బలపరచాలన్నారు. సీపీఎం జిల్లా కార్యదర్శి ముల్కలపల్లి రాములు అధ్యక్షతన జరిగిన ఈ సమావేశంలో సీపీఎం రాష్ట్ర కార్యదర్శివర్గ సభ్యులు జూలకంటి రంగారెడ్డి, మల్లు స్వరాజ్యం, మల్లు లక్ష్మి, మల్లు వెంకటనరసింహారెడ్డి, నెమ్మాది వెంకటేశ్వర్లు తదితరులు పాల్గొన్నారు.
చిత్రం..సూర్యాపేటలో ‘మతోన్మాదం-జాతీయ సమగ్రతకు ఎదురవుతున్న సవాళ్లు’ అన్న అంశంపై నిర్వహించిన సెమినార్‌లో మాట్లాడుతున్న సీపీఎం పొలిట్ బ్యూరో సభ్యురాలు బృందా కారత్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.