రాష్ట్రీయం
టీఆర్‌ఎస్‌కు రాజీనామాలు
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, ఏప్రిల్ 2: తెలంగాణ ప్రత్యేక రాష్ట్ర ఉద్యమాన్ని ముందుండి నడిపిన ప్రొఫెసర్ కోదండరాం కొత్త పార్టీ ఆవిర్భావాన్ని ప్రకటించిన వెంటనే ఖమ్మం జిల్లా నుంచి నేతల వలసలు ప్రారంభమయ్యాయి. తెలంగాణ ఉద్యమంలో ఖమ్మం జిల్లా నేతలు సైతం కీలకపాత్ర పోషించిన విషయం తెలిసిందే. తాజాగా కోదండరామ్‌కు కూడా ఖమ్మం జిల్లా నుంచే మద్దతు లభిస్తుండటం విశేషం. గతంలో తెలుగుదేశం పార్టీ జిల్లా అధ్యక్షుడిగా, టీఆర్‌ఎస్ ఆవిర్భావం నుంచి కేసీఆర్‌కు సన్నిహితుడిగా మెలిగి, గతంలో ఆ పార్టీకి జిల్లా కన్వీనర్‌గా పనిచేసిన తాళ్ళూరి వెంకటేశ్వరరావు, టీఆర్‌ఎస్ రాష్ట్ర మాజీ ప్రధాన కార్యదర్శి గోపగాని శంకర్‌రావుతో కలిసి టీఆర్‌ఎస్‌ను వీడుతున్నట్లు సోమవారం ప్రకటించారు. ఈ సందర్భంగా వారు విలేఖరులతో మాట్లాడుతూ పార్టీ ఆవిర్భావం నుంచి కేసీఆర్‌తో కలిసి పనిచేశామని, పార్టీని అధికారంలోకి తీసుకురావడానికి జరిగిన ఉద్యమంలో అనేక కేసుల్లో కూడా ఉన్నామని, కేసీఆర్‌ను ఖమ్మం జిల్లా జైల్లో ఉంచినప్పుడు తాము కూడా అరెస్టయ్యామని, అధికారంలోకి వచ్చిన తరువాత ఉద్యమకారులకు కనీస గౌరవం దక్కలేదని ఆవేదన వ్యక్తం చేశారు. ప్రజల ఆకాంక్షల మేరకు జరిగిన పోరాటంలో విజయం సాధించినా ఆత్మగౌరవాన్ని కేసీఆర్ ఎదుట తాకట్టు పెట్టలేకపోతున్నామన్నారు. నాడు జేఏసీ నేత కోదండరాం నేతృత్వంలో జరిగిన పోరాటంలో పాల్గొనాలని పిలుపునిచ్చిన కేసీఆర్ నేడు అదే వ్యక్తిని విమర్శించడం విడ్డూరంగా ఉందన్నారు. నాడు సమైక్య రాష్ట్రంలో తాము ఎదుర్కొన్న సమస్యలకంటే అధికంగా ఇప్పుడు టీఆర్‌ఎస్ ప్రభుత్వం ద్వారా ఎదుర్కొంటున్నామన్నారు. రెండురోజుల్లో కోదండరాం ఆధ్వర్యంలోని తెలంగాణ జన సమితి పార్టీలో చేరనున్నట్లు ప్రకటించారు. ప్రజల ఆకాంక్షలకు అనుగుణంగా కోదండరాం చేపడుతున్న పోరాటంలో పాలుపంచుకుంటామని స్పష్టం చేశారు. ఆ పార్టీని రాష్ట్రంలో బలోపేతం చేసేందుకు ప్రయత్నిస్తామన్నారు.
చిత్రం..విలేఖరుల సమావేశంలో మాట్లాడుతున్న తాళ్ళూరి వెంకటేశ్వరరావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.