రాష్ట్రీయం
నా బ్రెయినే నాకు శత్రువు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 2: మానసిక ఒత్తిడి తాళలేక ఓ టివి యాంకర్ అపార్టుమెంట్‌పై నుంచి దూకి ఆత్మహత్య చేసుకుంది. కూకట్‌పల్లి పోలీసులు తెలిపిన వివరాల ప్రకారం- మెదక్ జిల్లా మానేపల్లికి చెందిన రాధిక (36) ముసాపేటలోని శ్రీ సువిల ఆపార్టుమెంట్‌లో ఉంటూ వి6 న్యూస్‌చానల్‌లో యాంకర్‌గా విధులు నిర్వహిస్తోంది. అయితే ఆరు నెలల క్రితం భర్త నుంచి విడాకులు తీసుకుని సువిల అపార్టుమెంట్‌లోని తన చెల్లెలి కుటుంబంతో కలిసి తన 14ఏళ్ల కుమారుడితో పాటు ఉంటోంది. కాగా ఆదివారం రాత్రి విధులు ముగించుకుని ఇంటికి తిరిగి వచ్చిన రాధిక నేరుగా అపార్టుమెంట్ పైకి వెళ్ళి ఐదవ అంతస్తు నుంచి దూకి ఆత్మహత్యకు పాల్పడింది. పైనుంచి ఏదో పడిన శబ్దం రావడంతో బయటకు వచ్చి చూసిన వాచ్‌మెన్ అపార్టుమెంట్‌లోని వారికి, అనంతరం పోలీసులకు సమాచారం అందించారు. సంఘటన స్థలానికి చేరుకున్న పోలీసులు మృతురాలి హ్యాండ్ బ్యాగ్‌లోని సూసైడ్ నోట్ స్వాధీనం చేసుకున్నారు. సూసైడ్ నోట్‌లో ‘తాను డిఫ్రెషన్ కారణంగానే చనిపోతున్నానని, తన ఎవరూ మృతికి కారణం కాదని, నా బ్రెయినే నాకు శత్రువు’ అని రాసి ఉంది. దీంతో పోలీసులు డిప్రెషన్ వల్ల ఆత్మహత్యకు పాల్పడినట్లు కేసు నమోదు చేసుకుని దర్యాప్తు చేపట్టారు. మృతురాలు రాధిక గతంలో ఎన్‌టీవి, జెమిని న్యూస్‌లో యాంకర్‌గా పని చేశారు. భర్తతో విడిపోయి ఇనే్నళ్లు విడిగా ఉన్నా, ఇప్పుడు ఇంత ఆవేదనకు గురై ఆత్మహత్య చేసుకోవడానికి ఇంకేమైనా కారణాలు ఉన్నాయనే కోణంలో కుటుంబీకులు అనుమానం వ్యక్తం చేశారు. తన కుమారుడు, కుటుంబ సభ్యులతో కలిసి ఉన్నప్పటికీ ఆత్మహత్యకు దారితీసిన పరిస్థితులు ఏమిటనే కోణంలో విచారణ చేపట్టారు. మృతురాలికి సంబంధించిన అన్ని వివరాలను సేకరిస్తున్నారు. ముఖ్యంగా ఆమె వినియోగిస్తున్న మొబైల్ నెంబర్ కాల్ డేటా వివరాలను తీసుకుని లోతుగా దర్యాప్తు చేస్తున్నారు.
భాతిక కాయానికి పలువురు నివాళి
ఆత్మహత్యకు పాల్పడిన యాంకర్ రాధికరెడ్డి భౌతికకాయానికి పలువురు నివాళులర్పించారు. సోమవారం మూసాపేటలోని సువిల ఆపార్టుమెంట్‌లో ఉంచిన ఆమె మృతదేహాన్ని తెలంగాణ రాష్ట్ర మీడియా అకాడమి చైర్మన్ అల్లం నారాయణ, టియూడబ్ల్యూజే రాష్ట్ర ఉపాధ్యక్షులు పల్లె రవికుమార్, ప్రధాన కార్యదర్శి క్రాంతికుమార్ పాల్గొని నివాళులర్పించారు. అల్లం నారాయణ మాట్లాడుతూ రాధిక కుటుంబాన్ని అన్ని విధాల ఆదుకుంటామని, ప్రభుత్వం ద్వారా వచ్చే ఆర్థిక సహకారంకోసం కృషి చేస్తానని హామీ ఇచ్చారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.