రాష్ట్రీయం
మళ్లీ మేమే వస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
మిర్యాలగూడ: రానున్న అసెంబ్లీ ఎన్నికల్లో టీఆర్‌ఎస్ అధికారంలోకి రాకుంటే రాజకీయ సన్యాసం తీసుకుంటానని ఇందుకు టీ పీసీసీ చీఫ్ ఉత్తమ్‌కుమార్‌రెడ్డి సిద్ధమేనా అని రాష్ట్ర మున్సిపల్ పరిపాలన, ఐటీశాఖ మంత్రి కేటీ.రామారావు సవాల్ విసిరారు. గురువారం రాత్రి నల్లగొండ జిల్లా మిర్యాలగూడ పట్టణంలో జరిగిన జనహిత ప్రగతి సభలో ఆయన మాట్లాడుతూ కాంగ్రెస్ పార్టీ రాష్ట్ర అధ్యక్షులు ఉత్తమ్‌కుమార్‌రెడ్డి చైతన్య యాత్ర అంటూ రాష్ట్రంలో తిరుగుతూ కాంగ్రెస్ పార్టీకి 80 సీట్లు వస్తాయని చెప్పుకుంటున్నారని ఎద్దేవా చేశారు. 80 కాదు కదా ఆ పార్టీకి 8 సీట్లుకూడా రావన్నారు. 2004, 2009లో ప్రజలు అధికారం ఇస్తే ప్రజలకు, రైతులకు ఏమి ఇచ్చారని ఆయన ప్రశ్నించారు. కిరణ్‌కుమార్‌రెడ్డి సీఎంగా ఉంటూ తెలంగాణ వస్తే ఎలా పరిపాలన చేస్తారని, అంతా అంధకారంలోనే ఉంటుందని చెప్పారని నేడు ఆయనే అంధకారంలో ఉన్నారని, ఆయన్ను ఎవరూ పట్టించుకోవడం లేదన్నారు. కేసీఆర్ నేడు రైతాంగానికి, ప్రజలకు 24 గంటల విద్యుత్ ఎడతెరపి లేకుండా ఇస్తున్నారని, దేశంలో నంబర్ వన్‌గా నిలిచారన్నారు. నీటిపారుదల ప్రాజెక్టులు చేపడితే గత ఎన్నికల్లో పోటీ చేసి ఓడిపోయిన వారు కోర్టులకు వెళ్తున్నారని ఆరోపించారు. పాలమూరు ఎత్తిపోతల పథకం నిర్మాణానికి అడవి ఉందని అందులో పులులు, సింహాలున్నాయని కోర్టుకు అబద్ధాలు చెప్పి ఆపేందుకు ప్రయత్నిస్తున్నారన్నారు. తాను అక్కడికి పోయి చూశానని అడవి లేదని, పులులు, సింహాలు కూడా లేవని, కనీసం నక్కలు కూడా లేవని ఎద్దేవా చేశారు. అబద్ధాలతో ప్రాజెక్టులను అడ్డుకోవాలని చూస్తున్నారని ఆరోపించారు. నల్లగొండ గులాబీకొండ అవుతుందని, ఉమ్మడి జిల్లాలోని అన్ని సీట్లను గెలుచుకుంటామన్నారు. దేశంలో అతి పెద్ద ధర్మల్ విద్యుత్ ప్లాంట్‌ను
దామరచర్ల మండలంలో నిర్మిస్తున్నామని, అది రాష్ట్రానికి, నల్లగొండ జిల్లాకు మణిహారం కాగలదన్నారు. కాళేశ్వరం, పాలమూరు తదితర నీటి పారుదల ప్రాజెక్టులతో కోటి ఎకరాల మాగాణిగా రాష్ట్రాన్ని మారుస్తామన్నారు. రాష్ట్ర సమగ్ర ప్రణాళికతో సర్వతోముఖాభివృద్ధికి సీఎం కేసీఆర్ కృషి చేస్తున్నారన్నారు. కార్యక్రమంలో విద్యుత్‌శాఖ మంత్రి జి.జగదీశ్‌రెడ్డి, రైతు సమన్వయ సమితి రాష్ట్ర అధ్యక్షుడు గుత్తా సుఖేందర్‌రెడ్డి, ఏమ్మెల్యే భాస్కర్‌రావు, మునిసిపల్ చైర్మన్ తిరునగరు నాగలక్ష్మిభార్గవ్ పాల్గొన్నారు.
చిత్రం..మిర్యాలగూడలో జరిగిన జనహిత ప్రగతి సభలో మంత్రి కేటీఆర్‌ను సన్మానిస్తున్న దృశ్యం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.