రాష్ట్రీయం
హోదా వస్తుందన్న ఆశతోనే ఉన్నాం: గంటా
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, నవంబర్ 30: రాష్ట్రానికి ప్రత్యేక హోదాను కేంద్ర ప్రభుత్వం ప్రకటిస్తుందన్న ఆశతోనే ఉన్నామని, రాని పక్షంలో ఏం చేయాలన్న విషయమై ఆలోచిస్తామని మానవవనరుల మంత్రి గంటా శ్రీనివాసరావు అన్నారు. విశాఖలో సోమవారం ఆయన విలేఖరులతో మాట్లాడుతూ ప్రత్యేక హోదా అంశం ప్రస్తుతం నీతి అయోగ్ పరిశీలనలో ఉందన్నారు. ఇదే విషయాన్ని కేంద్ర మంత్రి వెంకయ్యనాయుడు పార్లమెంట్‌లో ప్రకటించారన్నారు. కొన్ని రాష్ట్రాల నుంచి వస్తున్న అభ్యర్థనల నేపథ్యంలో కీలక నిర్ణయం ప్రకటించడంలో జాప్యం జరుగుతోందని భావిస్తున్నట్టు ఆయన పేర్కొన్నారు. ఒకవేళ రాష్ట్రానికి ప్రత్యేక హోదా రాని పక్షంలో ఏ విధంగా చేస్తే రాష్ట్రానికి మేలు చేకూరుతుందో ఆలోచిస్తామన్నారు. ఇక బాక్సైట్ తవ్వకాల విషయంలో ప్రభుత్వం గిరిజనులకు వ్యతిరేకంగా ఎటువంటి నిర్ణయం తీసుకోలేదని స్పష్టం చేశారు. బాక్సైట్ తవ్వకాల వల్ల ఎదురయ్యే దుష్ప్రభావాలు, ఇతర అంశాలతో పాటు, ఆర్థికంగా వచ్చే ప్రయోజనాలపై విస్తృతంగా చర్చించనున్నట్టు ఆయన వెల్లడించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.