సబ్ ఫీచర్
కేన్స్‌లో భారతీయ ఛాయాగ్రాహకురాలు
S ,7 à 8 RSCA (si SASPAS) et 6 cialis pharmacie cialis rapports de stage.
ప్రతిష్ఠాత్మకమైన ఏంజెనియా ప్రత్యేక ప్రోత్సాహక అవార్డు అందుకున్న తొలి భారతీయ ఛాయాగ్రాహకురాలు మొధుర పోలిత్. 28 సంవత్సరాల మొధురది కోల్‌కతా. చిన్నప్పటి నుండి ఆమెకు కెమెరా లెన్స్ అంటే ప్రాణం. అందమైన ప్రపంచాన్ని మరింత అందంగా చూపించాలనేది ఆమె కోరిక. ఆ కోరికే ఆమెను ఛాయాగ్రాహకురాలిని చేసింది. చిన్నప్పటి నుండీ అందరిలా కాకుండా భిన్నంగా ఆలోచించడం మొధురకు అలవాటు. అలా తను ఎంచుకున్న రంగంలో కూడా తనకంటూ ప్రత్యేక స్థానాన్ని పొందడానికి ఆమె తీవ్రంగా కృషి చేసింది. సత్యజిత్ రే ఫిల్మ్ అండ్ టెలివిజన్ ఇనిస్టిట్యూట్, ఏషియన్ ఫిల్మ్ అకాడమీతో కలిసి మూడు చిత్రాలకు ఛాయాగ్రాహకురాలిగా పనిచేసే అవకాశాన్ని దక్కించుకుంది. అలాగే డాక్యుమెంటరీలు, లఘుచిత్రాలు, పలు భాషల్లో వాణిజ్యప్రకటనలు చేసి.. అందరి ప్రశంసలనూ అందుకుంది. దినపత్రికలు వేసే కుర్రాడిపై తీసిన ‘ పేపర్‌బాయ్’ లఘుచిత్రం విమర్శకులను సైతం మెప్పించింది. చైనా యూత్ ఫిల్మ్ ప్రాజెక్టులో భాగంగా రూపొందించిన ‘ ద గర్ల్ అక్రాస్ ద స్ట్రీం2, ఏషియన్ ఫిల్మ్ అకాడమీ సహకారంతో తీసిన ‘ మీట్‌సోహీ’ లఘుచిత్రాలు అంతర్జాతీయ చలనచిత్రోత్సవాలకు ఎంపికైనవే.. ఈ చిత్రాలను తెరపై చాలా అందంగా చూపించింది మొధుర. ఇవే ఆమెను 2019 కేన్స్ ఫిల్మ్ ఫెస్టివల్ వేదికపై విజేతగా నిలిపాయి. కేన్స్ చలనచిత్రోత్సవాల్లో ఇంతటి గౌరవాన్ని అందుకున్న మొధుర మాట్లాడుతూ ‘ దీనికి ఎలా ఎంపికయ్యానో నాకు తెలియదు. ఎందరో ప్రముఖులు హాజరైన ఈ వేదికపై నాకు అవకాశం రావడం గొప్పగా భావిస్తున్నాను. నాలాంటి వర్ధమాన ఛాయాగ్రాహకులకు ఇలాంటి ప్రోత్సాహకాలు ఆత్మవిశ్వాసాన్ని పెంపొందిస్తాయి. దాంతో భవిష్యత్తులో ఇంకా ఎన్నో అద్భుతాలు చేయొచ్చు.. అవునూ.. నన్ను ఈ అవార్డుకు ఎంపిక చేయడానికి కారణమేంటి?’ అని నిర్వాకులను ఎదురు ప్రశ్నించింది మొధుర. అందుకు నిర్వాహకులు సమాధానం ఇస్తూ.. ‘ నీ సృజనాత్మకత నీ పనిలో ప్రతిఫలిస్తోంది. దాన్ని తెరపై అందంగా చూపించడానికి నువ్వు చేసిన ప్రయత్నం అద్భుతం. సామాజిక అంశాలను వెలుగులోకి తీసుకురావడానికి నువ్వు చేస్తున్న కృషి అభినందనీయం.. ఇవన్నీ ప్రపంచానికి తెలియాలి కదా.. అందుకే నిన్ను ఎంపిక చేశాం’ అని సమాధానమిచ్చారు. ఏది ఏమైనా కేన్స్ ఫిల్మ్ ఫెస్టివల్‌లో విజేతగా నిలిచిన తొలి భారతీయ ఛాయగ్రాహకురాలిగా మొధుర పోలిత్ చరిత్ర సృష్టించింది. *
Related Articles
వారణాసికి చెందిన ఈ బామ్మపేరు విమలా దివాన్. వయసు 82 సంవత్సరాలు. వయసులో ఉన్నప్పుడు అధ్యాపకురాలిగా చాలామంది జీవితాలను తీర్చిదిద్దింది. ఇప్పుడు విశ్రాంత జీవితాన్ని ప్రశాంతంగా ఆస్వాదిస్తూ జీవిస్తున్నారు. కరోనా విలయతాండవం చేస్తున్న నేపథ్యంలో ఈ బామ్మ కూడా నేను సైతం అంటూ ముందుకొచ్చారు.
మానవ జాతి మనుగడకు ప్రాణం పోసింది మగువ.. రాగంలో అనురాగంలో తరగని పెన్నిధి మగువ.. అంటూ స్ర్తిని పొగుడుతాము. ఇంకా ఆకాశమంత ఎత్తు ఎదిగిన మహిళల్ని ఆదర్శంగా తీసుకోవాలి అంటాము.
తెలుగు రాష్ట్రాలలో పరీక్షల సందడి మొదలైంది. ఇంటర్మీడియెట్ పరీక్షలు జరుగుతుండగా, పదవ తరగతి పరీక్షలు రెండు, మూడు రోజుల్లో ప్రారంభం కానున్నాయి.
మానవ శరీరంలో ద్రవాలను వడపోసే అత్యంత ముఖ్యమైన భాగంగా కిడ్నీ కీలకపాత్ర పోషించడం జరుగుతుంది. రక్తంలో చేరే మలినాలను ప్రమాదకర పదార్థాలను శుద్ధి చేసి బయటకు పంపి శరీర అవయవాలలో కిడ్నీ కీలకమైంది. దాని పనితీరు ఆధారంగా మిగతా శరీరభాగాలు సమతుల్యం చెంది సమర్థవంతంగా పనిచేసి శరీరానికి రక్షణ కల్పిస్తాయి.
ప్రపంచ దేశాల్లో రక్తహీనత బారిన పడుతోన్న మహిళలు.. ముఖ్యంగా దక్షిణాసియా దేశాలైన భారత్, పాకిస్తాన్‌లోనే ఎక్కువట. ఏ వయసు వారైనా రక్తహీనత బారిన పడొచ్చు. ఒళ్లంతా నొప్పులు, అరికాళ్లలో మంటలు, కొద్దిదూరం నడిచినా ఆయాసం, చిన్న చిన్న పనులకే అలసట.. ఇవన్నీ రక్తహీనతకు సంకేతం కావచ్చు.