రాష్ట్రీయం
ఇక్కడ మేమే బాద్‌షాలం
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, నవంబర్ 5: తెలంగాణ రాష్ట్రంలో తామే బాదుషాలం అని, ప్రజాప్రతినిధిగా ఉన్న కేసీఆర్‌పై అసత్య ఆరోపణలు చేస్తే ఊరుకోమని, వికృత రాజకీయాలు చేయాలని చూస్తే తరిమికొడతామని రాష్ట్ర ఆపద్ధర్మ ఉప ముఖ్యమంత్రి మహమూద్ అలీ విపక్షాలను హెచ్చరించారు. ఖమ్మం నగరంలో టీఆర్‌ఎస్ అభ్యర్థి పువ్వాడ అజయ్‌కుమార్ విజయాన్ని కాంక్షిస్తూ సోమవారం ముస్లింలతో జరిగిన ఆత్మీయ సమావేశంలో ఆయన మాట్లాడారు. ముస్లింల అభివృద్ధి, సంక్షేమం, రక్షణ గురించి ఆలోచించిన ఏకైక పార్టీ టీఆర్‌ఎస్ అని ఆయనన్నారు. దేశంలో వేగంగా అభివృద్ధి చెందుతున్న రాష్ట్రం తెలంగాణ అని, ప్రజల సహకారంతో రాష్ట్రాన్ని బంగారు తెలంగాణగా మార్చే ప్రయత్నం చేస్తుంటే కాంగ్రెస్, తెలుగుదేశం పార్టీలు పరాయి పెత్తనం మోపేందుకు ప్రయత్నిస్తున్నాయని విమర్శించారు. పార్టీని మూసేయటానికైనా వెనుకాడబోమని, అంతేకాని బీజేపీ, కాంగ్రెస్‌తో కలిసే ప్రసక్తే లేదని మహమూద్ అలీ స్పష్టం చేశారు. ముస్లింలను ఆర్థికంగా అణగదొక్కడంతో పాటు వక్ఫ్ బోర్డు భూములు అన్యాక్రాంతం అవుతుంటే పట్టించుకోని పార్టీలు ఇప్పుడు ముస్లింల ఓట్లు అడగడం బాధాకరమన్నారు. దేశంలో ముస్లింలకు ఏ పార్టీ కూడా రెవిన్యూ మంత్రి పదవి ఇవ్వలేదని గుర్తుచేశారు. ముస్లింలకు మంత్రి పదవి ఇచ్చి గౌరవించిన ఘనత కేసీఆర్‌దేనని, తాను రెవిన్యూ మంత్రిగా 45వేల ఎకరాల భూములను తిరిగి రికార్డుల్లో పొందుపర్చగలిగానన్నారు. ముస్లింల పిల్లలను ఐఏఎస్ లాంటి ఉన్నత చదువులు చదివించాలని ముఖ్యమంత్రి కేసీఆర్ ప్రణాళికలు రచించారని, పేద ముస్లిం పిల్లల విదేశీ విద్య కోసం కృషి చేస్తున్నారని చెప్పారు. దేశంలోనే మైనార్టీల సంక్షేమానికి అత్యధిక బడ్జెట్ కేటాయించింది తామేనని, 60ఏళ్లలో కాంగ్రెస్, టీడీపీ చేయలేని పనులను నాలుగేళ్లలో కేసీఆర్ నాయకత్వంలో టీఆర్‌ఎస్ ప్రభుత్వం చేసి చూపిందన్నారు. అల్లర్లు, గొడవలు లేని రాష్ట్రంగా తెలంగాణను తీర్చిదిద్దామన్నారు. టీఆర్‌ఎస్‌ది సెక్యులర్ ప్రభుత్వమని, దేశంలో కేసీఆరే పెద్ద సెక్యులరిస్ట్ అని మహమూద్ అలీ పేర్కొన్నారు. సమావేశంలో పువ్వాడ అజయ్‌కుమార్, ఐడీసీ చైర్మన్ ఎస్‌బీ బేగ్ పాల్గొన్నారు.
చిత్రం..ముస్లింల ఆత్మీయ సమావేశంలో మాట్లాతున్న ఉప ముఖ్యమంత్రి మహమూద్ అలీ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.