రాష్ట్రీయం
లోక్‌సభ ఎన్నికల షెడ్యూలుతో ప్రవేశ పరీక్షల తేదీల్లో మార్పులు?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 12: లోక్‌సభ ఎన్నికల షెడ్యూలు రాష్ట్రంలో నిర్వహించే పరీక్షలకు, ప్రవేశపరీక్షలకు ఎలాంటి ఆటంకం లేకున్నా జాతీయ స్థాయిలో నిర్వహించే పరీక్షలకు ఇబ్బంది కలిగేలా ఉంది, ఈ క్రమంలోనే కర్నాటక నిర్వహించే కేసెట్ పరీక్షల షెడ్యూలులో మార్పులు చేసింది, అలాగే జేఈఈ అడ్వాన్స్ షెడ్యూలులో కూడా ఒకరోజు అటో, ఇటో మారే అవకాశం ఉందని చెబుతున్నారు.
ఇంత వరకూ నిర్ణయించిన షెడ్యూలు ప్రకారం జేఈఈ మెయిన్స్ ఏప్రిల్ 7 నుండి 20 వరకూ స్లాట్‌లను ఖరారు చేశారు. అయితే మెయిన్స్ పరీక్ష కేవలం రెండు మూడు రోజుల్లో ముగించే అవకాశం ఉంది. అంటే ఏప్రిల్ 7 నుండి 9వ తేదీలోగా దానిని ముగించే వీలుంది. అలాంటపుడు ఏప్రిల్ 11న జరిగే ఎన్నికలకు ఎలాంటి ఆటంకం ఉండబోదని భావిస్తున్నారు. ఒక వేళ విద్యార్థులు మిగిలిపోయే పక్షంలో 10వ తేదీన వారికి ఆన్‌లైన్ పరీక్ష నిర్వహిస్తారు.
తెలంగాణలో ఎన్నికలకు ఈ పరీక్షకు ఎలాంటి ఆటంకం కలగదు. అదే విధంగా మిగిలిన రాష్ట్రాల్లో రెండో దశ ఏప్రిల్ 18న ఎన్నికలు జరుగుతాయి కనుక ఆనాటికి జేఈఈ మెయిన్స్ పూర్తవుతుంది. ఆ తర్వాతి దశల్లో ఎన్నికలు ఏప్రిల్ 23,29, మే 6, మే 12, మే 19వ తేదీల్లో జరగనున్నాయి. జేఈఈ అడ్వాన్స్‌డ్ పరీక్ష మే 19న జరగాల్సి ఉంది. కనుక ఎన్నికల షెడ్యూలుతో ఇబ్బంది అవుతుంది కనుక జేఈఈ మెయిన్స్ పరీక్ష ముగిసిన వెంటనే అడ్వాన్స్ పరీక్షపై ఒక నిర్ణయం తీసుకోనున్నారు. మొదటి దశలో 9.4 లక్షల మంది దరఖాస్తు చేయగా, రెండో దశలో 9.54 లక్షల మంది మెయిన్స్‌కు దరఖాస్తు చేశారు. గత ఏడాది ఒకేమారు జేఈఈ మెయిన్స్ నిర్వహించగా ఆ పరీక్షకు 11.40 లక్షల మంది దరఖాస్తు చేశారు. రెండోసారి దరఖాస్తు చేసిన వారిలో 15 శాతం మంది మాత్రమే కొత్తవారు కాగా, మిగిలిన వారంతా మొదటి దశ పరీక్ష రాసిన వారే. దేశవ్యాప్తంగా ఐఐటీల్లో 4023 సీట్లు, ఎన్‌ఐటీల్లో 17967 సీట్లు, సీటీఐల్లో 4683 సీట్లు అందుబాటులో ఉన్నాయి.
మారిన కేసెట్ షెడ్యూలు
మారిన షెడ్యూలు ప్రకారం కేసెట్ ఏప్రిల్ 29, 30 తేదీల్లోనూ , లాంగ్వేజి పరీక్ష మే 5న జరగనుంది. దీంతో దరఖాస్తు గడువును మార్చి 20 వరకూ పొడిగించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.