రాష్ట్రీయం
స్పీకర్ పదవి కత్తిమీద సాము
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, జనవరి 5 : రాష్ట్ర శాసన సభ ప్రజా సంక్షేమాన్ని కాంక్షించే విధంగా చర్చలు జరిగి చట్టాలు రూపొందించడంతో పాటు రాష్ట్భ్రావృద్ధికి అవసరమైన కార్యాచరణ ప్రణాళికను రూపొందించేందుకు వేదిక కావాలని శాసనసభ సభాపతి కోడెల శివప్రసాద్ అన్నారు. అసెంబ్లీలో సభ్యులు పాటించవలసిన నియమ నిబంధనలపైన రూపొందించాల్సిన మార్గదర్శకాలపైన ఎథిక్స్ కమిటీ చైర్మన్, ఉప సభాపతి మండలి బుద్ద ప్రసాద్ అధ్యక్షతన ఆంధ్రప్రదేశ్ శాసన సభ నైతిక విలువలు సభ్యులు లోపల, బయట, అనుసరించాల్సిన ప్రవర్తనా నియమాళిపై తిరుపతిలోని మేధావులతో అభిప్రాయ సేకరణ చెయ్యడం కోసం మంగళవారం పద్మావతి అతిథి గృహంలో సమావేశమయ్యారు. ఈ సందర్భంగా కోడెల శివప్రసాద్ మాట్లాడుతూ పవిత్రమైన శాసనసభలో ప్రతి సభ్యుడు సభా నిబందనలు పాటిస్తూ , సభ గౌరవాన్ని పెంపొందించేందుకు కట్టుబడి ఉండాలన్నారు. సభ సవ్యంగా జరిగినప్పుడే అర్థవంతమైన చర్చలు జరిగి ప్రజా సమస్యలకు పరిష్కార మార్గాలు లభిస్తాయన్నారు. 1998 వ సంవత్సరం నుండి యతిరాజారావు ఎథిక్స్ కమిటీ చైర్మన్ రూపొందించిన ప్రవర్తనా నియమావళిని కచ్చితంగా అమలు చేస్తున్నామన్నారు. ఇటీవల అసెంబ్లీ సమావేశాలు జరిగే సమయంలో పలుసార్లు వాయిదాలు వేయాల్సి వచ్చిందని ఆయన ఆవేదన వ్యక్తం చేశారు. అసెంబ్లీ సమావేశాలు నిర్వహించేటప్పుడు స్పీకర్, డిప్యూటి స్పీకర్, ప్యానెల్ స్పీకర్‌ల పాత్ర కత్తి మీద సాములా ఉంటుందన్నారు. స్పీకర్‌పై విపరీతమైన బాధ్యత ఉందన్నారు. ఇలాంటి సమయంలో సభ్యులు నైతిక విలువలతో వ్యవహరిస్తే ప్రజలకు, రాష్ట్రానికి మేలు చేకూరుతుందన్నారు. సభా నియమావళిని రూపొందించడానికి మేధావుల సలహాలు సూచనలు తీసుకోవడంలో భాగంగానే గత ఏడాది ఆగస్టు విశాఖఫట్నంలో సమావేశాలు నిర్వహించామన్నారు. మూడవ పర్యాయంగా తిరుపతిలో ఈ సమావేశం ఏర్పాటు చెశామన్నారు. చివరగా హైదరాబాదులో కూడా సమావేశమై సలహాలు సూచనలు తీసుకుని వాటిని అసెంబ్లీ ముందు ఉంచి చర్చించి చట్టబద్దత కల్పించడానికి చర్యలు చేపడతామన్నారు. ఎథిక్స్ కమిటీ చైర్మన్ మండలి బుద్ద ప్రసాద్ మాట్లాడుతూ నైతిక విలువల సంఘం ప్రవర్తనా నియమాళిపై సమగ్ర చట్టం చెయ్యడానికి చర్యలు చేపడుతుందన్నారు. శాసన సభ ఒక దేవాలయం లాంటిదని ప్రస్తుతం అసెంబ్లీలో జరిగే సంఘటనలు చూపి ప్రజలు ఆందోళనలకు, ఆవేదనకు గురవుతున్నారన్నారు. సభ ప్రశాంతంగా నిర్వహించినపుడు ప్రజా సమస్యలు పరిష్కారమవుతాయన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.