రాష్ట్రీయం
టిఎస్‌పిఎస్‌సికి సాధ్యమేనా?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 5: తెలంగాణ రాష్ట్రంలో ఉపాధ్యాయ పోస్టుల భర్తీ బాధ్యతను పబ్లిక్ సర్వీసు కమిషన్‌కు అప్పగించే అంశంపై ప్రభుత్వం తీవ్రంగా యోచిస్తోంది. నిజాయితీగా, తొందరగా, ఎలాంటి ఇబ్బందులూ లేకుండా నియామకాలు చేసేందుకు వీలుకలుగుతుందని ప్రభుత్వం భావిస్తోంది. గతంలో డి.ఎస్సీ నియామకాల్లో జిల్లాల వారీ జాబితాలు తయారుచేయడానికే 20రోజుల నుండి రెండు నెలల వ్యవధి పట్టిన సందర్భాలున్నాయి. ఇంతా జరిగాక ఎంపిక జాబితాలపై ట్రిబ్యునల్‌లో లెక్కలేనన్ని కేసులు దాఖలు కావడం, వాటి పరిష్కారానికి నెలలు తరబడి పట్టడం అధికారులకు పెద్ద తలనొప్పిగా తయారైంది. గత ఏడాది ప్రకటించిన ఆంధ్రప్రదేశ్ డి.ఎస్సీ ఫలితాల నియామకాలు నేటికీ పూర్తికాలేదు. అనేక కేసులపై న్యాయపోరాటం కొనసాగుతోంది. తెలంగాణలో సైతం డి.ఎస్సీ నిర్వహణ పాఠశాల విద్య చేపడితే జిల్లాల వారీ వివాదాలు, కేసులు ఎదురవుతాయని ప్రభుత్వం భావిస్తోంది. అలాగే పరీక్ష తీరును తేలికగా మార్చేసి నిర్వహణ బాధ్యతను టిఎస్ పిఎస్‌సికి అప్పగిస్తే ఉత్తమమని భావిస్తోంది. డి.ఎస్సీ నిర్వహణకు ముందు టీచర్సు ఎలిజిబిలిటీ టెస్టును నిర్వహించనున్నారు. ఈ పరీక్ష ఏప్రిల్ రెండో వారంలో 9 లేదా 10వ తేదీన నిర్వహిస్తారు. ఒఎంఆర్ షీట్‌లో ఆబ్జెక్టివ్ టైప్‌లో దీనిని నిర్వహించనున్నారు. 10 రోజుల్లో ఫలితాలను ఇచ్చి డి.ఎస్సీ పరీక్ష నిర్వహించనున్నారు. దానికి అనుగుణంగానే డిఎస్సీ నోటిఫికేషన్‌ను మార్చిలో ప్రకటిస్తారు. మేలో ఎంపిక ప్రక్రియ పూర్తి చేసి, తుది జాబితాలను జూన్ మొదటి వారంలో ఇస్తారు. స్కూళ్లు తెరిచే నాటికి కొత్త టీచర్లు స్కూళ్లలో చేరేలా చర్యలు చేపడతారు.
టీచర్ల ఎంపికకు డి.ఎస్సీని ఆన్‌లైన్‌లో నిర్వహిస్తే ఎలా ఉంటుందనే ఆలోచన ప్రభుత్వానికి వచ్చింది. ప్రస్తుతం అనేక పరీక్షలను తెలంగాణ పబ్లిక్ సర్వీసు కమిషన్ ఆన్‌లైన్‌లో నిర్వహించి రెండు మూడు రోజుల్లో ఫలితాలను సిద్ధం చేయగలుగుతోంది. అదే విధంగా డి.ఎస్సీని కూడా ఆన్‌లైన్‌లో నిర్వహిస్తే బావుంటుందని ప్రభుత్వం యోచిస్తోంది. అయితే అందుకు తగ్గ వౌలిక వసతులు, సదుపాయాలు కమిషన్ దగ్గర ప్రస్తుతానికి లేవని ఒఎంఆర్ పద్ధతిలో పరీక్ష నిర్వహించేందుకు సిద్ధమని కమిషన్ వర్గాలు పేర్కొన్నట్టు తెలిసింది. అభ్యర్ధుల సంఖ్య 50వేలు దాటితే కంప్యూటర్ ఆధారిత ఎంపిక పరీక్షను నిర్వహించడం కష్టమని కమిషన్ వర్గాలు పేర్కొన్నట్టు తెలిసింది. టెట్‌కు దాదాపు 4 లక్షల మంది హాజరు అవుతారని అంచనా కాగా, డిఎస్సీకి కనీసం రెండున్నర నుండి మూడు లక్షల మంది హాజరుకానున్నారు.
గతంలో తెలంగాణలో ఖాళీల సంఖ్యపై అధికారులు సమీక్ష నిర్వహించినపుడు 10,961 వరకూ ఉంటాయని తేలింది. అయితే ఈ సంఖ్య తగ్గనుందని తెలిసింది. క్రమబద్ధీకరణ తర్వాత ఖాళీల సంఖ్య 8వేల వరకూ ఉండొచ్చని ఒక అంచనా. గతంలో ఖాళీల వివరాల ప్రకారం మహబూబ్‌నగర్‌లో 2024, ఆదిలాబాద్‌లో 1818, రంగారెడ్డిలో 1442, మెదక్‌లో 1257, నిజామాబాద్‌లో 944, హైదరాబాద్‌లో 763, ఖమ్మంలో 724, నల్లగొండలో 689, కరీంనగర్‌లో 666, వరంగల్‌లో 634 ఖాళీలు లెక్క తేలింది.
అయితే తాజా రిజర్వేషన్లు, రోస్టర్ తదితర అంశాలు చూశాక సంఖ్య తగ్గనున్నట్టు పాఠశాల విద్యాశాఖాధికారులు చెబుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.