రాష్ట్రీయం
ఆంధ్ర వల్లనే హైకోర్టు విభజన ఆలస్యం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 18:ఆంధ్రప్రదేశ్ వైఖరి వల్లనే హైకోర్టు విభజన ఆలస్యం అవుతోందని న్యాయశాఖ మంత్రి ఇంద్రకరణ్‌రెడ్డి తెలిపారు. రెండు రాష్ట్రాలు ఏర్పడి మూడేళ్లు గడిచి పోయాయి, ఇంకా ఉమ్మడి హైకోర్టు కొనసాగుతోందని, వెంటనే హైకోర్టును విభజించాలని రాష్ట్ర న్యాయశాఖ మంత్రి ఇంద్రకరణ్‌రెడ్డి కేంద్ర న్యాయశాఖ సహాయ మంత్రి పిపి చౌదరిని కోరారు. హరిత ప్లాజాలో కేంద్ర మంత్రిని ఇంద్రకరణ్‌రెడ్డి ఆదివారం కలిశారు. హైకోర్టు విభజనకు కేంద్రం చొరవ తీసుకోవాలని కోరారు.
హైకోర్టు విభజనను కోరుతూ అసెంబ్లీ ఏకగ్రీవంగా తీర్మానం చేసి, తీర్మానాన్ని కేంద్రానికి పంపినట్టు చెప్పా రు. విభజన చట్టంలోని సెక్షన్ 31 ప్రకారం రాజ్యాంగంలోని ఆర్టికల్ 214 ఆధారంగా కొత్తగా ఏర్పడిన తెలంగాణ, ఎపిలకు వేర్వేరుగా హైకోర్టులు ఏర్పాటు చేయాల్సిన అవసరం ఉందని తెలిపారు. ప్రస్తుతం కొనసాగుతున్న హైకోర్టును తక్షణమే విభజించాలని, దీనికి అవసరం అయిన భవనాలను సమకూర్చడానికి రాష్ట్ర ప్రభు త్వం సిద్ధంగా ఉందని తెలిపారు. తెలంగాణకు ప్రత్యేక హైకోర్టు ఏర్పాటు చేయాలంటూ న్యాయవాదులు, ప్రజాప్రతినిధులు సుదీర్ఘ కాలంగా డిమాండ్ చేస్తున్న విషయాన్ని కేంద్ర మంత్రికి తెలిపారు. ప్రధానమంత్రి నరేంద్ర మోదీ దృష్టికి, కేంద్రం దృష్టికి ఈ అంశాన్ని ఇప్పటికే ముఖ్యమంత్రి కెసిఆర్ తీసుకు వెళ్లాలని ఇంద్రకరణ్‌రెడ్డి తెలిపారు. కేంద్ర మంత్రిని కలిసిన తరువాత ఇంద్రకరణ్‌రెడ్డి మీడియాతో మాట్లాడారు. ఆంధ్రప్రదేశ్ ప్రభుత్వం హైకోర్టు విధుల నిర్వహణకు అనువైన భవనాన్ని కేటాయించిన వెంటనే అక్కడ హైకోర్టును ఏర్పాటు చేసుకోవచ్చునని ఉమ్మడి హైకోర్టు ఆదేశాలు ఇచ్చిందని మంత్రి తెలిపారు. అయినప్పటికీ ఆంధ్రప్రదేశ్ ప్రభుత్వం కావాలనే హైకోర్టు భవన నిర్మాణ విషయంలో ఆలస్యం చేస్తోందని తెలిపారు. అసెంబ్లీ, సచివాలయం నిర్మించినట్టుగానే హైకోర్టు భవనం నిర్మిస్తే హైకోర్టు విభజన సులభతరం అవుతుందని అన్నారు. హైకోర్టు విభజనలో జాప్యం జరుగుతున్నందు వల్ల విభజన చట్టం ప్రకారం న్యాయాధికారుల విభజన చేయాలని, న్యాయశాఖ నియామకాల్లో తెలంగాణ ప్రాంతానికి చెందిన వారికి 42శాతం రేషియో పాటించే విధంగా చర్యలు తీసుకోవాలని న్యాయశాఖ సహాయ మంత్రిని కోరినట్టు చెప్పారు. కింది కోర్టుల్లో జడ్జీల విభజన జరగలేదని చెప్పారు. అదే విధంగా న్యాయశాఖలో ఖాళీల భర్తీకి కేంద్రం చొరవ తీసుకోవాలని, కొత్తగా ఏర్పడ్డ జిల్లాల్లో డిస్ట్రిక్ట్ కోర్టుల భవన నిర్మాణాల కోసం సెంట్రల్ స్పాన్సర్ స్కీం కింద నిధులు కేటాయించాలని విజ్ఞప్తి చేసినట్టు చెప్పారు. కేంద్ర మంత్రిని కలిసిన వారిలో న్యాయశాఖ సెక్రటరీ రామాంజనేయులు, తెలంగాణ న్యాయవాదులు జెఎసి కన్వీనర్ రాజేందర్‌రెడ్డి ఉన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.