రాష్ట్రీయం
ఉమ్మడి రాజధానిలో తగ్గిన నేరాలు
S ,7 à 8 RSCA (si SASPAS) et 6 cialis pharmacie cialis rapports de stage.
తెలుగు రాష్ట్రాల ఉమ్మడి రాజధాని హైదరాబాద్‌లో గత సంవత్సరం కంటే 14శాతం నేరాలు తగ్గాయి. పోలీసు శాఖలోని వివిధ విభాగాల అధికారులు, ప్రజల పరస్పర సహకారంతోనే నేరాలు తగ్గాయని పోలీసు ఉన్నతాధికారులు ప్రకటించారు. గత సంవత్సరం 117 హత్యలు జరుగగా ఈ యేడాది 96 హత్యలు జరిగాయి. 2014లో 54 దోపిడీ కేసులు నమోదు కాగా ఈ యేడు 92 కేసులు నమోదై 42 కేసులు పెరిగాయి. 4260 చోరీలు కాగా ఈ సంవత్సరం 3447 కేసులు మోదయ్యాయి. అత్యాచారాలు, చీటింగ్, 304, 337, 338 సెక్షన్ల కింద నమోదైన కేసులతోపాటు ఘర్షణలు, సాధారణ దొంగతనాలు కలిపి గతేడాది 18,883 కేసులు నమోదు కాగా 2015లో 16,270 కేసులు నమోదయ్యాయి. ప్రీవెంటివ్ కేసులు, ఆస్తుల నష్టం కేసులు మొత్తం కలిపి 2014లో రూ.45,06,60,672 విలువైన కేసులు నమోదు కాగా, ఈ యేడాది రూ.26,93,71,507ల విలువైన కేసులు నమోదయ్యాయ. గత సంవత్సరం కంటే 50శాతం రికవరి జరిగింది. వరకట్న హత్యలు గత సంవత్సరం తొమ్మిది జరుగగా 2015లో రెండు కేసులు మాత్రమే నమోదయ్యాయి. వరకట్న చావులు 21, వేధింపులు 1523, ఆత్మహత్య యత్నాలు 29, అత్యాచారాలు 108 కేసులు నమోదైనట్టు పోలీసు అధికారులు తెలిపారు. అదేవిధంగా దోపిడీ కేసుల్లో 43శాతం రికవరి జరిగింది. హౌస్ బ్రోకెన్ కేసుల్లో అపహరణకు గురైన సొత్తు రూ.15,34,0100లలో రూ.34,7800లు రికవరితో 23శాతంకు చేరింది. హౌస్ బ్రోకెన్ 489 కేసులు నమోదు కాగా 135 కేసులు ఛేదించబడి 32శాతం రికవరి జరిగింది. చైన్ స్నాచింగ్‌లు గత ఏడాది 523 జరుగగా ఈ సంవత్సరం 263 కేసులు నమోదై 199 కేసులను పోలీసులు ఛేదించారు. రూ. 94,80,000 రికవరీ చేశారు. వాహనాల చోరీలు గత ఏడాది ద్విచక్ర వాహనాలు 1354, త్రీ వీలర్ 76, ఫోర్ వీలర్ 45 కేసులు నమోదు కాగా ఈ యేడాది టూవీలర్ 1098, త్రీ వీలర్ 60, ఫోర్ వీలర్ 44 కేసులు నమోదై 41శాతం మాత్రమే రికవరి అయ్యాయి. మాదకద్రవ్యాలు గంజాయి, చరస్, కొకైన్, బ్రౌన్ షుగర్, ఓపియం, భంగ్, ఖాట్‌లీవ్స్, గ్రీన్ పిల్స్, ఎల్‌ఎస్‌డి ఆసిడ్ బ్లాట్స్ గత సంవత్సరం కంటే ఈ సంవత్సరం 8శాతం పెరిగాయి. 2014లో సైబర్ నేరాలు 392 కేసులు నమోదు కాగా 2015లో 352 నమోదయ్యాయి. ట్రాఫిక్ విభాగంలో గత సంవత్సరం 30,47169 కేసులు నమోదు కాగా, 2015లో 27,87,730 కేసులు నమోదు చేసి రూ.36,97,51,578లు చలాన్లు విధించారు. 2014లో 14,246 డ్రంక్ అండ్ డ్రైవ్ కేసులు నమోదు కాగా, 2015లో 14,913 కేసులు నమోదై సుమారు 2,802 మందికి ఒక నెల నుంచి మూడు నెలల పాటు సాధారణ జైలు శిక్ష విధించడం జరిగింది. రౌడీ షీటర్లు, చైన్ స్నాచర్లు, మాదకద్రవ్యాల స్మగ్లర్లు, చీటర్లపై ఈ సంవత్సరం 263మందిపై పిడి యాక్టు నమోదు చేశారు. షీ టీమ్స్ ప్రవేశంతో మహిళలకు భద్రత పెరిగింది. మొత్తం మీద ఈ ఏడాది ప్రశాంతంగా ముగిసినట్లు చెప్పుకోవచ్చు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.