రాష్ట్రీయం
ప్రపంచ రికార్డును సొంతం చేసుకున్న భద్రాద్రి బాలిక
S ,7 à 8 RSCA (si SASPAS) et 6 cialis pharmacie cialis rapports de stage.
4గంటల 8నిమిషాల 4సెకన్ల నిరంతరాయంగా నృత్యం
ఖమ్మం, డిసెంబర్ 4: పట్టుదల ఉంటే ఏదైనా సాధించవచ్చని నిరూపించింది భద్రాద్రికి చెందిన 11 ఏళ్ళ బాలిక. తనకు ఆసక్తి ఉన్న నృత్యాన్ని లక్ష్యంగా చేసుకొని తెలంగాణ రాష్ట్ర కీర్తి ప్రతిష్ఠలను ప్రపంచ స్థాయికి తీసుకెళ్ళిన ఘనత భద్రాచలంకు చెందిన తూము సాయిస్నేహితకి దక్కింది. చిన్ననాటి నుండి తన ఆసక్తిని గుర్తించిన తల్లిదండ్రులు వెంకటేశ్వరరావు, శ్రీలక్ష్మిలు కూచుపూడి నృత్యంలో బాలికకు శిక్షణ ఇప్పించారు. తల్లిదండ్రుల ఆశయాన్ని, తన లక్ష్యాన్నికి అనుగుణంగా అహర్నిశలు శ్రమిస్తూ తన వయస్సుకు మించి సాధన చేసి మూడు రికార్డులను సొంతం చేసుకుంది. ఒకే వేదికపై నిరంతరాయంగా కూచుపూడి నృత్యం ప్రదర్శించి రాష్ట్ర, జాతీయ, అంతర్జాతీ అవార్డులను దక్కించుకుంది. శుక్రవారం మండల పరిధిలోని తనికెళ్ళ సమీపంలో గల లక్ష్యా ఇంజనీరింగ్ కళాశాలలో నిర్వహించిన కూచిపూడి నృత్య ప్రదర్శనలో4 గంటల 8 నిమిషాల 4 సెకన్ల పాటు ప్రదర్శన చేసి వండర్ వరల్డ్ బుక్ ఆఫ్ రికార్డు, జీనియస్ బుక్‌ఆఫ్ రికార్డు, తెలుగు బుక్‌ఆఫ్ రికార్డులను సాధించింది. దీంతో జిల్లాతో పాటు రాష్ట్ర కీర్తి ప్రతిష్ఠలను ప్రపంచస్థాయిలో ఇనుమడింపజేసింది. దీంతో జిల్లా ప్రజాప్రతినిధులతో పాటు కళాకారులు, జిల్లా ఉన్నతాధికారులు బాలికను ప్రశంసించారు. నృత్య ప్రదర్శన అనంతరం ఏర్పాటు చేసిన బహుమతి కార్యక్రమంలో జిల్లా చైర్‌పర్సన్ గడిపల్లి కవిత బాలికకు శాలువాలతో ఘనంగా సత్కరించి,ప్రశంసాపత్రాలు, మెమోంటోలు అందించారు. చిన్న వయస్సులోనే తెలంగాణ సంస్కృతి ప్రపంచ స్థాయికి తీసుకెళ్ళడం హర్షించదగ్గ విషయమన్నారు.ప్రభుత్వం కళలను ప్రోత్సహిస్తుందని, కళాకారులకు అన్ని విధాలా అండగా ఉంటుందన్నారు. పిల్లల ప్రతిభను వెలికితీయడంలో తల్లిదండ్రుల పాత్ర కీలకం అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.