రాష్ట్రీయం
యానాంలో ఘోర ప్రమాదం
S ,7 à 8 RSCA (si SASPAS) et 6 cialis pharmacie cialis rapports de stage.
గోదావరిలోకి దూసుకుపోయిన కారు
ఒకే కుటుంబానికి చెందిన ఐదుగురు మృతి
మరొకరు గల్లంతు
యానాం, డిసెంబర్ 12: యానాం తీరప్రాంత గ్రామమైన దరియాలతిప్ప పారిశ్రామిక వాడ వద్ద ఏటిగట్టు నుండి గోదావరిలోకి టాటా ఇండికా కారు దూసుకుపోయిన సంఘటనలో అయిదుగురు మృతిచెందగా, మరొకరు గల్లంతయ్యారు. శుక్రవారం రాత్రి సమయంలో ఈ సంఘటన చోటుచేసుకోవడంతో శనివారం ఉదయం వరకూ ఎవరూ గుర్తించలేకపోయారు. శుక్రవారం రాత్రి పెద్ద శబ్ధంతో గోదావరిలో ఏదో పడి మునిగిపోయిందన్న సమాచారంతో పోలీసులు అగ్నిమాపక సిబ్బందితో గాలింపు చర్యలు చేపట్టగా గోదావరిలో మునిగిపోయిన కారు, అయిదు మృతదేహాలు లభ్యమయ్యాయి. ఈ సంఘటనలో మృతిచెందిన వారిని కాకినాడ రూరల్ తూరంగి పంచాయతీ పరిధిలోని రాఘవేంద్రపురం గ్రామస్థులుగా గుర్తించారు. వీరు కాకినాడ రాఘవేంద్రపురం నుండి యానాంలోని దరియాల తిప్ప వెళుతుండగా ఈ ఘటన సంభవించింది.
రాత్రి పదిన్నర గంటల సమయంలో జరిగి ఉండవచ్చునని పలువురు చెబుతున్నారు. అయితే స్పష్టమైన సమాచారం తెలియరాలేదు. ఈ సంఘటనలో మత్స్యశాఖలో ఉన్నతాధికారిగా పనిచేసి రిటైర్డ్ అయిన కొప్పాడి సత్తిరాజు (65), ఆయన భార్య కొప్పాడి ధనలక్ష్మి (60), కోడలు పార్వతి (30), మనుమరాలు హర్షిత (6), రిషిత (4)గా మృతులను గుర్తించారు. అయితే సత్తిరాజు కుమారుడు పవన్‌కుమార్ (35) గోదావరిలో గల్లంతయ్యారు. ఈయన కాకినాడ ఎన్‌ఎఫ్‌సిఎల్‌లో సాఫ్ట్‌వేర్ ఇంజనీర్‌గా పనిచేస్తున్నారు. పవన్‌కుమార్ ఆచూకీ కోసం గజ ఈతగాళ్లతో గాలింపుచర్యలు చేపట్టారు. (చిత్రం) గోదావరిలో పడిన కారును క్రేన్ సహాయంతో బయటకు తీస్తున్న దృశ్యం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.