అమలాపురం, ఏప్రిల్ 11: ఎన్నికల విధుల్లో ఉన్న ఒక మహిళా కానిస్టేబుల్‌పై ఇటుకలతో దాడికి పాల్పడిన అల్లరిమూకను చెదరగొట్టడానికి తూర్పు గోదావరి జిల్లాలో గురువారం బీఎస్‌ఎఫ్ దళాలు రెండు రౌండ్లు గాలిలోకి కాల్పులు జరిపారు. అమలాపురం రూరల్ మండలం జనుపల్లి గ్రామంలోని పోలింగ్ బూత్ వద్ద ఈ ఘటన చోటుచేసుకుంది.

న్యూఢిల్లీ, ఏప్రిల్ 11: పశ్చిమ బెంగాల్ ప్రభుత్వానికి సర్వోన్నత న్యాయస్థానం 20 లక్షల రూపాయల జరిమానా విధించింది. అనిల్‌దత్తా దర్శకత్వం వహించిన ‘్భబిష్యోటర్ భూత్’ అనే చిత్రం ప్రదర్శనను నిలిపివేయడంపై సుప్రీం కోర్టు తీవ్ర ఆగ్రహం వ్యక్తం చేసింది. రాజకీయ వ్యంగ్యోక్తులతో నిర్మించారన్న సాకుతో పశ్చిమ బెంగాల్ ప్రభుత్వం సినిమా ప్రదర్శనను ఆపించేసింది.

తడ: శ్రీ సిటీలోని ఒక గోడౌన్ నుంచి చెన్నైకి పోలీసు ఎస్కార్ట్‌తో వెళుతున్న వాహనాన్ని ఆంధ్ర, తమిళనాడు రాష్ట్రాల సరిహద్దులోని చెక్‌పోస్టు వద్ద పోలీసులు తనిఖీ చేయగా 175కేజీల బంగారం ఉండటంతో ఆరంబాకం పోలీసులు ఈ బంగారాన్ని స్వాధీనం చేసుకున్నారు. శ్రీసిటీలోని ఒక గోడౌన్ నుంచి తమిళనాడుకు పోలీసు ఎస్కార్ట్‌తో వెళుతున్న జీపును ఆరంబాకం పోలీసులు తనిఖీ కోసం ఆపారు.

గచ్చిబౌలి, ఏప్రిల్ 10: ఎన్నికల నిబంధనలలో భాగంగా గచ్చిబౌలి పోలీసులు వాహనాలు తనిఖీలు చేస్తుండగా గచ్చిబౌలి ఎస్‌ఎల్‌ఎన్ టవర్ వద్ద స్కోడా కారులో 10లక్షల రూపాయల నగదును పోలీసులు స్వాధీనం చేసుకున్నారు. ఎస్‌ఎల్‌ఎన్ వ్యాలీ నుంచి బయటకు వస్తున్న స్కోడా కారును పోలీసులు తనిఖీ చేయగా అందులో రూ.10 లక్షల నగదు లాప్‌టాప్ డైరినీ స్వాధీనం చేసుకున్నట్లు పోలీసులు తెలిపారు.