అది నిజం కాదు

తెలుగమ్మాయిలు సినిమాలలో నటించేందుకు ముందుకు రావడంలేదు. అందుకు అనేక కారణాలు చెబుతున్నారు. ఏదేమైనా తెలుగు చిత్రాల్లో పరభాషా భామలకు ఎక్కువ అవకాశాలు వస్తున్నాయి. అయితే, అప్పుడప్పుడు తెలుగమ్మాయిలు కూడా తమ ప్రతిభను నిరూపించుకుంటూనే ఉన్నారు. ఈ నేపథ్యంలో ఈష అనే తెలుగమ్మాయి ‘అంతకుముందు ఆ తరువాత, బందిపోటు, మాయామాల్, అమీతుమీ’ చిత్రాల్లో నటించి గుర్తింపు పొందింది. తెలుగమ్మాయిలు గ్లామర్ పాత్రలు చేయడానికి ముందుకురారన్న ఓ అపోహ ఉందని, అది నిజం కాదని, పాత్ర డిమాండ్ చేస్తే ఎలాంటి గ్లామర్ పాత్రలకైనా సిద్ధమవుతారని చెబుతోంది. ఇప్పుడొస్తున్న హీరోయిన్లు అందరూ దాదాపు అందరూ అందంగా ఉన్నవారేనని, ఎలాంటి చిన్న అవకాశమొచ్చినా తమ టాలెంట్ చూపిస్తామని అంటోంది. మొత్తానికి ఏ భాషా హీరోయిన్లు అయినా గ్లామర్‌ను పండించడానికి సిద్ధమవ్వాలని చెబుతోంది ఈష.. ఓకె.