రివెంజ్ డ్రామాగా..

నితిన్ హీరోగా రూపొందించిన 3లై211న విడుదలవుతోంది. నితిన్ మార్కెట్‌కు తగినట్టు కథకు న్యాయం జరిగేలా చిత్రాన్ని రూపొందించాం. సినిమా తెరపై చూస్తే బడ్జెట్ తక్కువైనా సరే దాదాపు 70 కోట్ల సినిమాగా స్క్రీన్‌పై భారీగా కనిపిస్తుంది. ఓ రకంగా ఇది రివెంజ్ డ్రామా కథే కానీ, సరికొత్తగా ఉంటుందని దర్శకుడు హను రాఘవపూడి తెలిపారు. మేఘా ఆకాష్, నితిన్ జంటగా 14 రీల్స్ ఎంటర్‌టైన్‌మెంట్స్ పతాకంపై రామ్ ఆచంట, గోపీచంద్ ఆచంట, అనీల్ సుంకర సంయుక్తంగా రూపొందించిన చిత్రం 3లై2. ఈ సందర్భంగా హను మాట్లాడుతూ..
ప్రేమ లేనిదే సినిమా లేదు
లై -ప్రేమ ప్రధానంగా సాగిపోయే ఓ మంచి కథ. యాక్షన్‌నూ జోడించాం. అయితే నాకు తెలిసి లవ్ అనే కథ లేకుండా ఏ సినిమా కూడా ఉండదు. సినిమానిబట్టే కథనం మారుతుంది. లెవెల్ కూడా మారుతుంది. ఈ సినిమా కూడా అంతే రేంజ్‌లో ఉంటుంది.
ఎప్పటినుంచో అనుకున్నదే
యాక్షన్ కింగ్ అర్జున్‌ను విలన్‌గా తీసుకోవడం అనే పాయింట్ ఎప్పుడో ఆలోచించుకున్నదే. ఆ పాత్రను మా మనసులోనే డిజైన్ చేసుకున్నాను. విలన్ పాత్రను రూపొందించడానికి సహజంగా ఎక్కువ సమ
యాన్ని కేటా యిస్తా. అందాల రాక్షసి, కృష్ణగాడి వీరప్రేమగాథ మధ్యలో చాలా గ్యాప్ వచ్చింది. ఈ గ్యాప్‌లోనే అనేక పాత్ర లు డిజైన్ చేసుకున్నా. ఎప్పటినుంచో నితిన్‌తో సినిమా చేయాలని ఉండటం, కథతో ఇద్దరం కనెక్టవ్వడంతో సినిమా సిద్ధమైంది.
కథ డిమాండ్ చేస్తేనే
మన దేశంలోనే అద్భుతమైన లొకేషన్లు ఉన్నాయి. కా నీ ఈ కథ డిమాండ్ మేరకు అమెరికాలో షూటింగ్ చేశాం. కథకు తగిన విధమైన లొకేషన్‌లనే ఎంపిక చేశాం. ప్రతి సన్నివేశం వైవిధ్యంగా వుండేలా ప్రయత్నిం చాం.
అర్జున్ ఇష్టం
యాక్షన్ కింగ్ అర్జున్ అంటే చాలా ఇష్టం. ఆయన సినిమాలన్నీ చూ శా. ఈ సినిమాలో విలన్ పాత్ర ఆయన చేస్తేనే బాగుంటుందనుకున్నా. ఓసారి ఆయన కలిస్తే ఒప్పుకుంటారో లేదో అనే భయంతో కథ వినిపించా. ఆయనకు నచ్చడంతో గ్రీన్‌సిగ్నల్ ఇచ్చారు. ఆ సెంటిమెంట్‌తోనే ఈ సినిమా హిట్ అవుతుందన్న నమ్మకం వచ్చేసింది. ప్రతి ప్రేక్షకుణ్ణి ఆనందపరుస్తుంది. డిజ్‌అప్పాయింట్ చేయదు. విలన్ పాత్ర చాలా స్టైలిష్‌గా వుంటుంది.
తదుపరి చిత్రాలు
నానితో ప్రస్తుతం ఓ సినిమా చేయడానికి సిద్ధమవుతున్నా. సైనికుల నేపథ్యంలో ఈ చిత్రం సాగుతుంది. సినిమా అంతా లడఖ్‌లో చిత్రీకరించడానికి సన్నాహాలు చేస్తున్నాం. వచ్చే మే వరకు ఆ షూటింగ్ ప్రారంభం అవుతుందనుకుంటా. మేలోపు మరో చిత్రం చేయాలన్న ఆలోచన కూడా వుంది.