రాష్ట్రీయం
యుకె వైపు భారతీయ విద్యార్థుల దృష్టి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 19: అమెరికాలో చదువుకునేందుకు వెళ్లే విద్యార్థుల వీసా విధానాన్ని కఠినతరం చేయడంతో భారతీయ విద్యార్థుల దృష్టి మిగిలిన దేశాలపై పడింది. ప్రధానంగా తూర్పు ఆసియా దేశాలపైనా, రష్యా, ఐరోపా దేశాలు, బ్రిటన్‌పై పడింది. విదేశాల్లో దాదాపు 10 లక్షల మంది చదువుతుండగా, సగటున రెండు లక్షల మంది విద్యార్థులు అమెరికా వెళ్తున్నారు. దాదాపు అదే సంఖ్యలో నేడు యుకెకు వెళ్తున్నారు. ఐరోపా, రష్యా దేశాలలో కలిపి దాదాపు లక్ష మంది భారతీయ విద్యార్థులు చదువుతున్నారు. ఈ సంఖ్య ఈ ఏడాది మరింత పెరిగిందని తాజా లెక్కలు చెబుతున్నాయి. యునైటెడ్ కింగ్‌డమ్‌లోని యూనివర్శిటీల్లో విద్యను అభ్యసించేందుకు దక్షిణ భారత దేశ విద్యార్థులు అత్యధికంగా మొగ్గు చూపుతున్నారని ఈ లెక్కలు చెబుతున్నాయి. అక్కడి విశ్వవిద్యాలయాల్లో చదువుకునేందుకు వీసా కోసం దరఖాస్తు చేసుకున్న వారి సంఖ్య గత ఏడాది 9 శాతం పెరిగినట్టు చెన్నైలోని బ్రిటిష్ డిప్యుటీ హై కమిషనర్ భరత్ జోషి చెప్పారు. అలాగే విజిటింగ్ వీసాల సంఖ్యలో కూడా పెరుగుదల కనిపించిందని ఆయన వివరించారు. యుకె వెళ్లడానికి జారీ చేస్తున్న వీసాల్లో 80 శాతం విజిటింగ్ వీసాలు కాగా, రెండో స్థానంలో వర్కింగ్ వీసాలు ఉన్నాయని ఆయన పేర్కొన్నారు. మార్చి 2017 వరకూ 4.14 లక్షల వీసాలు జారీ చేయగా వాటిలో 11,700 స్టూడెంట్ వీసాలు, మరో 5000 షార్టు టెర్మ్ స్టడీ వీసాలు, 60వేలు వర్కింగ్ వీసాలు ఉన్నాయి. యురోపియన్ యూనియన్ నుండి బ్రిటన్ బయటకు రావడం వల్ల అక్కడ నియమాలు, నిబంధనల్లో చాలా మార్పు వచ్చిందని, అందుకే విద్యార్థులు అక్కడ చదువుకోవడానికి ఆసక్తి చూపుతున్నారని జోషి అభిప్రాయపడ్డారు. ప్రతి ఏటా వీసాలకు సంబంధించి 10 శాతానికి పైగా దరఖాస్తులు వస్తున్నాయని అన్నారు. బ్రిటన్ ఉన్నత విద్యకు అనేక రకాల ఉపకార వేతనాలు అందిస్తున్నా, అందుకు అర్హులైన అభ్యర్ధుల నుండి దరఖాస్తులు రావడం లేదని, విశ్వవిద్యాలయాల చుట్టూ తిరిగి, సామాజిక మాద్యమాల్లోనూ పెద్ద ఎత్తున విస్తృత ప్రచారం చేపట్టినా, గత ఏడాది చెవినింగ్ స్కాలర్‌షిప్‌నకు కేవలం వంద దరఖాస్తులు మాత్రమే వచ్చాయని ఆయన చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.