రాష్ట్రీయం
భూములు లాక్కునేందుకే కేబినెట్ భేటీలు
S ,7 à 8 RSCA (si SASPAS) et 6 cialis pharmacie cialis rapports de stage.
దువ్వూరు, నవంబర్ 12: రాష్ట్రంలోని పేదల భూములు లాక్కునేందుకే ముఖ్యమంత్రి చంద్రబాబు తరచూ కేబినెట్ సమావేశాలు నిర్వహిస్తుంటారని వైకాపా అధినేత వైఎస్ జగన్మోహన్‌రెడ్డి ఆరోపించారు. రాష్ట్రంలో ఎక్కడెక్కడ పేదల భూములు ఉన్నాయి, వాటిని ఎలా లాక్కోవాలి, బడాబాబులకు ఎలా పంచిపెట్టాలలన్న విషయాలనే మంత్రివర్గ సమావేశాల్లో ఎక్కువగా చర్చిస్తుంటారన్నారు. ప్రజా సంకల్పయాత్ర 6వ రోజు ఆదివారం కడప జిల్లా దువ్వూరు మండలంలో సాగింది. ఈ సందర్భంగా రాత్రి దువ్వూరులో జరిగిన సభలో జగన్ ప్రసంగిస్తూ ముఖ్యమంత్రి రైతులు, ప్రజలకు మేలు చేయకపోగా వారి భూములు లాక్కోవడం దారుణమన్నారు. రాష్ట్రంలో దోపిడీ పాలన సాగుతోందని ధ్వజమెత్తారు. ఈరోజు రాష్ట్రంలో ఏ పంటకూ గిట్టుబాటు ధర లభించడం లేదని జగన్ ఆరోపించారు. ఉల్లి, టమోటా, పసుపు, వేరుశెనగ ఇలా చెప్పుకుంటూపోతే రైతులు పండిస్తున్న పంటలన్నింటికీ సరైన గిట్టుబాటు ధర లభించడం
లేదన్నారు. ఆరుగాలం కష్టించి పంటలు పండిస్తున్న రైతన్నలు వ్యయప్రయాసలకోర్చి వాటిని మార్కెట్‌కు తరలిస్తే గిట్టుబాటు కావడం లేదన్నారు. దీంతో ఏం చేయాలో పాలుపోక రోడ్లపై పారబోసి ఆందోళనకు దిగుతున్నారన్నారు. ఇవేవీ ప్రభుత్వానికి పట్టడం లేదని ధ్వజమెత్తారు. దివంగత నేత వైఎస్ హయాంలో పంటలకు గిట్టుబాటు ధర అందించి రైతన్నలను ఆదుకున్నారని గుర్తుచేశారు. రాజశేఖర్‌రెడ్డి హయాంలో రైతులు ఏడాదికి రెండు పంటలు పండించేవారన్నారు. కానీ నేడు పరిస్థితి అందుకు పూర్తి భిన్నంగా ఉందన్నారు. ఒక్క పంట కూడా పండించలేని స్థితిలో రైతు ఉన్నాడని, దీనికి కారణం ఈ ప్రభుత్వం కాదా అని ప్రశ్నించారు. శ్రీశైలంలో పుష్కలంగా నీరు ఉన్నా సీమకు తరలించడం లేదని అన్నారు. తమ పార్టీ అధికారంలోకి రాగానే రెండు పంటలకు నీరు విడుదల చేస్తామన్నారు. ధరలు స్థిరీకరించి గిట్టుబాటు అయ్యేటట్టు చేస్తామన్నారు. రుణమాఫీ పేరిట అటు రైతులను, ఇటు డ్వాక్రా మహిళలను బాబు మోసం చేశారని జగన్ ఆరోపించారు. రుణమాఫీపై ఎన్నో ఆశలు పెట్టుకున్న రైతన్నకు చివరకు నిరాశే మిగిలిందన్నారు.
చిత్రం..దువ్వూరు మండలంలో పాదయాత్ర చేస్తున్న జగన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.