రాష్ట్రీయం
కాల్ చేస్తే.. జేబుకు చిల్లే!
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, డిసెంబర్ 10: కాల్ సెంటర్ 1100 తమకు ప్రతిపక్షం వంటిదని ముఖ్యమంత్రి చంద్రబాబు చెబుతుంటారు. కాల్ సెంటర్ ప్రజల సమస్యలు పరిష్కరిస్తూ అందరి అభిమానం చూరగొంది. అయితే ప్రభుత్వ కాల్ సెంటర్‌కు ఫోన్ చేస్తే ప్రజల జేబులకు చిల్లు పడుతోంది. ప్రజల సమస్యలను పరిష్కరించేందుకు వీలుగా కాల్ సెంటర్ 1100ను ఏప్రిల్‌లో ప్రభుత్వం ప్రారంభించింది. దాదాపు 750 మంది సిబ్బంది 24 గంటలూ ఈ కాల్ సెంటర్‌లో ప్రజలకు అందుబాటులో ఉంటారు. సమస్యల పరిష్కారానికి, ప్రభుత్వ సేవల్లో అలసత్వం, అవినీతి వంటివాటిపై సమాచారం తెలుసుకునేందుకు దీన్నో వేదికగా ప్రభుత్వం భావిస్తోంది. తొలుత ఇది ఉచిత సర్వీస్ అని ప్రచారం జరిగింది. అయితే ఈ కాల్ సెంటర్‌కు కాల్ చేస్తే, వివిధ సెల్యులర్ కంపెనీలు చార్జీ వసూలు చేస్తున్నాయి. టోల్ ఫ్రీ నెంబరు 180-425-4440కు ఉచితంగా ఫోన్ చేయవచ్చు. కానీ ఎక్కువగా 1100 నెంబర్ ప్రచారం కావడంతో ఆ నెంబర్‌కే ఎక్కువ మంది కాల్ చేస్తున్నారు. ఫిర్యాదు స్వీకరణకు ఆధార్ నంబర్, తదితర వివరాలు తీసుకుంటుండటంతో ఎక్కువ సమయం మాట్లాడాల్సి వస్తోంది. అందువల్ల ఈ నెంబర్‌కు ఫోన్ చేసేవారు సెల్‌ఫోన్ చార్జీలు చెల్లించాల్సి వస్తోంది. రాష్ట్రంలో ప్రతిపక్షం లేదని, కాల్ సెంటరే తమ ప్రతిపక్షమని, ముఖ్యమంత్రి, మంత్రులు తరచూ చెబుతుంటారు. ఈవిషయాన్ని రాష్ట్ర ఐటీ శాఖ మంత్రి నారా లోకేష్ వద్ద ‘ఆంధ్రభూమి’ ప్రస్తావించగా.. 1100 నంబర్‌కు కాల్ చేస్తే చార్జీలు పడుతున్న విషయం తనకు తెలియదని, ఇప్పుడే వింటున్నానని అన్నారు. దీనిపై సెల్యులర్ కంపెనీలతో మాట్లాడతానని మంత్రి చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.