రాష్ట్రీయం
మహిళలను మోసం చేసిన బాబు
S ,7 à 8 RSCA (si SASPAS) et 6 cialis pharmacie cialis rapports de stage.
నంబులపూలకుంట, డిసెంబర్ 26: రాష్ట్రంలోని అన్నివర్గాల మహిళలను ముఖ్యమంత్రి చంద్రబాబునాయుడు దారుణంగా మోసం చేశారని వైసీపీ అధినేత జగన్‌మోహన్‌రెడ్డి ఆరోపించారు. ప్రజా సంకల్పయాత్ర 44వ రోజు మంగళవారం అనంతపురం జిల్లా నంబులపూలకుంట మండలంలో కొనసాగింది. ఈ సందర్భంగా ధనియాన్‌చెరువులో మహిళలతో ఆత్మీయ సమావేశం నిర్వహించారు. పలువురు మహిళలు తమ సమస్యలను జగన్ దృష్టికి తీసుకువచ్చారు. ఈ సందర్భంగా జగన్ మాట్లాడుతూ డ్వాక్రా మహిళల రుణాలు మాఫీ చేస్తానన్న జగన్ ఒక్క పైసా కూడా మాఫీ చేయలేదన్నారు. మాఫీ సంగతి మరవడమేగాక కొత్త రుణాలు కూడా ఇవ్వడం మానేశారన్నారు. పొదుపు సంఘాల తరపున బ్యాంక్‌కు కట్టాల్సిన డబ్బు కట్టకుండా మోసం చేశారని ఆరోపించారు. ఫీజు రీయింబర్స్‌మెంట్ చెల్లించకపోవడంతో అమ్మాయిలు ఉన్నత చదువులకు దూరమయ్యారన్నారు. రాష్ట్రంలోని అన్నివర్గాల మహిళలకు వైసీపీ అండగా ఉంటుందని జగన్ భరోసా ఇచ్చారు. అమ్మాయిలతో పాటు అబ్బాయిలకు ఫీజు రీ యింబర్స్‌మెంట్ మొత్తం చెల్లిస్తామన్నారు. రాష్ట్రం బయట చదువుకుంటున్న వారికి రూ.20 వేలు ఇస్తామన్నారు. అవ్వాతాతల పింఛన్ వయస్సు 65 నుంచి 60 ఏళ్లకు తగ్గిస్తామన్నారు. పేదలందరికీ పక్కాగృహాలు కట్టించడమేగాక వాటిని అక్కాచెల్లెళ్ల పేర రిజస్టర్ చేయిస్తామన్నారు. అధికారంలోకి రాగానే మహిళల సమస్యలన్నీ పరిష్కరిస్తామని జగన్ హామీ ఇచ్చారు. ఈ సందర్భంగా పలువురు మహిళలు మాట్లాడారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.