రాష్ట్రీయం
పెరుగుతున్న పగటి ఉష్ణోగ్రతలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 12: ఉభయ తెలుగు రాష్ట్రాల్లో పగటి ఉష్ణోగ్రతలు అప్పుడే ఠారెత్తిస్తున్నాయి. ప్రచండ భానుడి ప్రతాపం రోజు రోజుకీ పెరగడంతో వేసవి తాపం వచ్చేసిందని జనం గగ్గోలు పెడుతున్నారు. ఆంధ్రప్రదేశ్, తెలంగాణ రాష్ట్రాల్లో శనివారం పగటి ఉష్ణోగ్రతలు ఒక్కసారిగా పెరిగినట్లు వాతావరణ శాఖ వెల్లడించింది. ఆంధ్రప్రదేశ్‌లో అనంతపురంలో అత్యధికంగా 40 డిగ్రీల సెల్సియస్ ఉష్ణోగ్రత నమోదు కాగా, అత్యల్పంగా 19 డిగ్రీల సెల్సియస్ ఉష్ణోగ్రత నందిగామలో నమోదైంది. ఇటు తెలంగాణలో కూడా అత్యధికంగా రామగుండం, ఆదిలాబాద్, భద్రాచలం, మెదక్, నిజామాబాద్‌లో 40 డిగ్రీల సెల్సియస్‌గా నమోదైతే, అత్యల్పంగా ఆదిలాబాద్‌లో 21 డిగ్రీల సెల్సియస్‌గా రికార్డయ్యింది. ఇక మిగిలిన ప్రాంతాల్లో కూడా పగటి ఉష్ణోగ్రతలు బాగానే పెరిగినట్లు నమోదయ్యాయి. ఆంధ్రప్రదేశ్ విషయానికొస్తే కర్నూల్లో 39 డిగ్రీల సెల్సియస్, జంగమేశ్వరపురంలో 38 డిగ్రీల సెల్సియస్, ఆరోగ్యవరం, కడప, విజయవాడల్లో 37 డిగ్రీల సెల్సియస్, విశాఖ పట్నం, కాకినాడ, నెల్లూరు, తుని, విశాఖపట్నంలో 35 డిగ్రీల సెల్సియస్ ఉష్ణోగ్రతలు నమోదయ్యాయి. తెలంగాణలో హన్మకొండ, మహబూబ్‌నగర్‌లో 39 డిగ్రీల సెల్సియస్, హైదరాబాద్ 38 డిగ్రీల సెల్సియస్, హకీంపేట్, ఖమ్మం, నల్గొండల్లో 37 డిగ్రీల సెల్సియస్‌గా ఉష్ణోగ్రతలు నమోదయ్యాయి. ఆంధ్రప్రదేశ్‌తో పోలిస్తే దాదాపు ఐదారు ప్రాంతాల్లో పగటి ఉష్ణోగ్రతలు పెరిగాయి.
నిజాం కాలంనాటి ఫిరంగి లభ్యం
పురావస్తు శాఖకు అప్పగింత
హైదరాబాద్, మార్చి 12: పాతబస్తీలో రోడ్డు విస్తరణ కోసం చేపట్టిన తవ్వకాల్లో చారిత్రక సంపద ఒకటి బయటపడింది. చార్మినార్ పరిధిలోని హుస్సేని ఆలం-కోకాకి తట్టి ప్రాంతంలో రోడ్డు విస్తరణ పనులు చేపట్టారు. రోడ్డు విస్తరణ కోసం ఓ పురాతన భవనాన్ని కూల్చి శిథిలాలు తొలగిస్తుండగా నిజాం కాలంనాటి ఫిరంగి బయటపడింది. వెంటనే స్థానికులు చార్మినార్ పోలీసులకు సమాచారం అందించారు. పోలీసులు సంఘటన స్థలానికి చేరుకొని పురాతన ఫిరంగిని స్వాధీనం చేసుకున్నారు. అనంతరం వారు దానిని పురావస్తు శాఖకు అప్పగించారు. ఈ పురాతన ఫిరంగిని చూసేందుకు చుట్టు పక్కల ప్రాంతాలకు చెందిన ప్రజలు తండోపతండాలుగా తరలివచ్చారు.
శంషాబాద్ ఎయిర్‌పోర్ట్‌లో
1.8 కిలోల బంగారం పట్టివేత
హైదరాబాద్, మార్చి 12: శంషాబాద్ వినానాశ్రయంలో శనివారం కస్టమ్స్ అధికారులు తనిఖీలు నిర్వహించారు. ఓ ప్రయాణికుడి నుంచి 1.8 కేజీల బంగారం స్వాధీనం చేసుకున్నారు. దుబాయి నుంచి వచ్చిన ఆ ప్రయాణికుడి బ్యాగ్‌ను సోదా చేయగా ఒక కిలో 800 గ్రాముల బంగారం పట్టుబడింది. బంగారం స్వాధీనం చేసుకున్న కస్టమ్స్ అధికారులు తదుపరి విచారణ నిమిత్తం సైబరాబాద్ పోలీసులకు అప్పగించారు. కేసు నమోదు చేసుకొని విచారణ జరుపుతున్నారు.
కృష్ణా పుష్కరాలకు 134 కోట్లు
హైదరాబాద్, మార్చి 12:కృష్ణా పుష్కరాలకు ప్రభుత్వం134 కోట్ల రూపాయలు మంజూరు చేస్తూ శనివారం ఉత్తర్వులు జారీ చేసింది. రోడ్ల భవనాల శాఖ ఆధ్వర్యంలో పుష్కరాల కోసం రోడ్ల నిర్మాణం కోసం ఈ నిధులు విడుదల చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.